Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સ્પોર્ટ્સ સમાચાર > અન્ય સ્પોર્ટ્સ > આર્ટિકલ્સ > ન્યુઝ શોર્ટમાં : અમેરિકાની ખેલાડીને રશિયામાં ૯ વર્ષની જેલ

ન્યુઝ શોર્ટમાં : અમેરિકાની ખેલાડીને રશિયામાં ૯ વર્ષની જેલ

06 August, 2022 02:52 PM IST | New Delhi
Gujarati Mid-day Correspondent | feedbackgmd@mid-day.com

નવા નિયમ સાથે પ્રીમિયર લીગની નવી સીઝન શરૂ અને વધુ સમાચાર

બ્રિટની ગ્રાઇનર

બ્રિટની ગ્રાઇનર


અમેરિકાની ખેલાડીને રશિયામાં ૯ વર્ષની જેલ

નશીલાં દ્રવ્યોની દાણચોરી કરવા અને એનો જથ્થો રાખવા બદલ રશિયાની અદાલતે અમેરિકાની બાસ્કેટબૉલ ખેલાડી બ્રિટની ગ્રાઇનરને ૯ વર્ષની જેલની સજા ફટકારી છે. આ ૩૧ વર્ષની ખેલાડીએ પોતાની પાસે કૅનેબીઝ ઑઇલ હોવાનું કબૂલ્યું હતું, પરંતુ એ તેની ભૂલ હતી એવું પણ તેણે કહ્યું હતું. જોકે કોર્ટે આ ડબલ ઑલિમ્પિક ગોલ્ડ મેડલિસ્ટને સજા ફરમાવી છે. વિશ્વભરની શ્રેષ્ઠ બાસ્કેટબૉલ ખેલાડીઓમાં ગણાતી બ્રિટનીને ફેબ્રુઆરીમાં મોસ્કો ઍરપોર્ટ નજીક પકડવામાં આવી હતી. બ્રિટની આ ચુકાદા સામે અપીલમાં જશે. 



 


નવા નિયમ સાથે પ્રીમિયર લીગની નવી સીઝન શરૂ

ઇંગ્લૅન્ડમાં ફુટબૉલની ૩૧મી પ્રીમિયર લીગ સીઝન સામાન્ય સમયગાળા કરતાં વહેલી શરૂ થઈ ગઈ છે અને ઘણી ક્લબો નવા-નવા કરાર કરીને પોતાની ટીમમાં નવા ખેલાડીઓને સમાવી રહી છે. આ વખતે સૌથી મોટો ફેરફાર એ છે કે હવેથી દરેક ટીમ પ્રત્યેક મૅચમાં બેન્ચ પરના ૯ ખેલાડીમાંથી ત્રણને બદલે પાંચ સબસ્ટિટ્યુટ ખેલાડીને મેદાન પર ઉતારી શકશે.


 

શાકિબને બેટિંગ કંપની સાથે કરાર કરવાની મનાઈ

બંગલાદેશના ઑલરાઉન્ડર શાકિબ-અલ-હસને ‘બેટવિનર ન્યુઝ’ નામની કંપની સાથે ભાગીદારી કરી હોવાની સોશ્યલ મીડિયામાં જાહેરાત કરી એ સાથે જ બંગલાદેશ ક્રિકેટ બોર્ડનાં ભવાં તણાઈ ગયાં છે. બોર્ડે ગુરુવારે કહી દીધું હતું કે કોઈ પણ સંજોગોમાં બેટિંગ (સટ્ટા) સાથે જોડાયેલી કંપની સાથે કોઈ સોદો નહીં કરવા દે. બોર્ડ શાકિબને શો-કૉઝ નોટિસ પણ મોકલશે જેમાં જણાવાયું હશે કે તેણે આ સોદો કરતાં પહેલાં એની જાણ બોર્ડને કેમ નહોતી કરી?

Whatsapp-channel Whatsapp-channel

06 August, 2022 02:52 PM IST | New Delhi | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK