° °

આજનું ઇ-પેપર
Tuesday, 27 September, 2022


News In Short: ચેસ સ્પર્ધામાં ભારતના બે ટીનેજર ક્વૉર્ટરમાં

23 September, 2022 12:14 PM IST | New York
Gujarati Mid-day Correspondent | feedbackgmd@mid-day.com

વર્લ્ડ નંબર-વન મૅગ્નસ કાર્લસન ૩૪ પૉઇન્ટ સાથે મોખરે છે

અર્જુન ઇરિગૈસી અને આર. પ્રજ્ઞાનાનંદ News In Short

અર્જુન ઇરિગૈસી અને આર. પ્રજ્ઞાનાનંદ

ચેસ સ્પર્ધામાં ભારતના બે ટીનેજર ક્વૉર્ટરમાં

ન્યુ યૉર્કની જુલિયસ બેઅર જનરેશન કપ ઑનલાઇન રૅપિડ ચેસ ટુર્નામેન્ટમાં ગઈ કાલે ભારતના બે ટીનેજ ખેલાડીઓ અર્જુન ઇરિગૈસી અને આર. પ્રજ્ઞાનાનંદ પૉઇન્ટ્સ-ટેબલમાં અનુક્રમે બીજા અને ચોથા નંબરે રહ્યા હોવાથી ક્વૉર્ટર ફાઇનલમાં પહોંચવામાં સફળ થયા હતા. વર્લ્ડ નંબર-વન મૅગ્નસ કાર્લસન ૩૪ પૉઇન્ટ સાથે મોખરે છે. ૧૯ વર્ષનો અર્જુન (૨૫ પૉઇન્ટ) બીજા નંબરે, હૅન્સ નીમૅન (૨૪) ત્રીજા સ્થાને અને ૧૭ વર્ષનો પ્રજ્ઞાનાનંદ (૨૩) ચોથા નંબરે છે.

ઑલિમ્પિક અસોસિએશનના પ્રમુખપદેથી અનિલ ખન્નાનું રાજીનામું

ભારતીય ખેલજગતના વરિષ્ઠ વહીવટકાર અનિલ ખન્નાએ ગઈ કાલે ઇન્ડિયન ઑલિમ્પિક અસોસિએશન (આઇઓએ)ના કાર્યકારી પ્રમુખપદેથી રાજીનામું આપ્યું હતું. ૮ સપ્ટેમ્બરે ઇન્ટરનૅશનલ ઑલિમ્પિક કમિટીએ આઇઓએને ચેતવણી આપી હતી કે એણે આ વર્ષે ડિસેમ્બર સુધી ચૂંટણી રાખવી પડશે. આઇઓએમાં નરિન્દર બત્રાના શાસનનો અંત આવ્યો ત્યાર બાદ ખન્નાએ સૂત્રો સંભાળ્યાં હતાં.

આઇપીએલ ફરી જૂના હોમ-અવેના ફૉર્મેટમાં

કોવિડની મહામારી હવે અંકુશમાં આવી ગઈ હોવાથી ઇન્ડિયન પ્રીમિયર લીગ (આઇપીએલ) ૨૦૨૩ની સીઝનથી ફરી હોમ-અવેના જૂના ફૉર્મેટ પર આવી જશે. આ જાણકારી બીસીસીઆઇના પ્રમુખ સૌરવ ગાંગુલીએ રાજ્યોનાં ક્રિકેટ અસોસિએશનોને આપી છે. ૨૦૨૦માં કોરોના વાઇરસનો ફેલાવો શરૂ થયા બાદ આઇપીએલની મૅચો મર્યાદિત સ્થળે રમાઈ છે. એની મૅચો યુએઈ (દુબઈ, શારજાહ, અબુ ધાબી)માં પણ રમાઈ છે.

23 September, 2022 12:14 PM IST | New York | Gujarati Mid-day Correspondent

અન્ય લેખો

અન્ય સ્પોર્ટ્સ

‘ડૉટર્સ ડે’એ ભારતીય મહિલાઓ ઘોડેસવારીની સ્પર્ધામાં જીતી ગઈ ઐતિહાસિક બ્રૉન્ઝ મેડલ

તેઓ સિલ્વર મેડલિસ્ટ ઓમાનની ટીમના ૧૪૬ પૉઇન્ટથી માત્ર ૧૦ ડગલાં પાછળ રહી ગઈ હતી

26 September, 2022 02:51 IST | Amman | Gujarati Mid-day Correspondent
અન્ય સ્પોર્ટ્સ

અમદાવાદમાં આજે કબડ્ડી અને ભાવનગરમાં નેટબૉલની હરીફાઈ

બન્ને સ્થળે ગઈ કાલે સ્પર્ધક ટીમોના ખેલાડીઓએ કલાકો સુધી પ્રૅક્ટિસ કરી હતી

26 September, 2022 02:48 IST | Ahmedabad | Gujarati Mid-day Correspondent
અન્ય સ્પોર્ટ્સ

થૅન્ક યુ રૉજર

એકમેકની બાજુમાં બેસીને હાથ પકડીને સાથે રડતા રૉજર ફેડરર અને રાફેલ નડાલે લંડનની મૅચ બાદ અજાણતાં જ એક અવિસ્મરણીય ક્ષણ બનાવી હતી, જેને ભવિષ્યમાં જરૂર યાદ કરવામાં આવશે

25 September, 2022 12:00 IST | New Delhi | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK