° °

આજનું ઇ-પેપર
Wednesday, 26 January, 2022


News in short: આફ્રિકા કપની આક્રમક શરૂઆત

11 January, 2022 05:52 PM IST | Mumbai | Gujarati Mid-day Correspondent

આફ્રિકાના ૨૪ દેશો વચ્ચે શરૂ થયેલી આફ્રિકા કપ ઑફ નેશન્સ ફુટબૉલ સ્પર્ધાની ૩૩મી સીઝન રવિવારે શરૂ થઈ હતી

આફ્રિકા કપની આક્રમક શરૂઆત

આફ્રિકા કપની આક્રમક શરૂઆત

આફ્રિકાના ૨૪ દેશો વચ્ચે શરૂ થયેલી આફ્રિકા કપ ઑફ નેશન્સ ફુટબૉલ સ્પર્ધાની ૩૩મી સીઝન રવિવારે શરૂ થઈ હતી જેમાં પ્રથમ મૅચમાં એક તબક્કે યજમાન કૅમેરુનનો અને બકિના ફાસો ટીમનો ખેલાડી ટકરાતાં ફુટબૉલ જાણે હૅન્ડબૉલ બની ગયો હતો (ઉપર). આ જ મૅચમાં કૅમેરુનના કૅપ્ટન વિન્સેન્ટ ઍબોઉબાકરે બકિના ફાસો દેશની ટીમ સામે પોતાનો બીજો ગોલ કર્યા પછી આક્રમક મૂડમાં સેલિબ્રેશન કર્યું હતું (નીચે). કૅમેરુને આ મૅચ ૨-૧થી જીતી લીધી હતી.  એ.પી.

સાવચેતી રાખ્યા છતાં હું કોરોના-પૉઝિટિવ થયો : પંકજ અડવાણી

સ્નૂકર અને બિલિયર્ડ્સમાં કુલ મળીને ૨૩ વખત વર્લ્ડ ચૅમ્પિયન બની ચૂકેલો ૩૬ વર્ષનો પંકજ અડવાણી કોરોનાગ્રસ્ત થયો છે. ગઈ કાલે સવારે તે ઊંઘમાંથી ઊઠ્યો ત્યારે તેને તાવ હતો અને શરીરમાં થોડી ધ્રુજારી પણ હતી. તેણે ઘરમાં જ ટેસ્ટ-કિટ પરથી જાણ્યું કે તે કોવિડ-પૉઝિટિવ છે. તેણે પી.ટી.આઇ.ને જણાવ્યું હતું કે ‘હું તમામ પ્રકારનાં કોવિડને લગતાં નિયંત્રણો પાળતો હતો અને બધી સાવચેતી રાખી હતી છતાં મને કોરોના વાઇરસનો ચેપ લાગી ગયો. હું બધાને સલાહ આપવા માગું છું કે આ ત્રીજી લહેરમાં બધાએ ખૂબ કાળજી રાખવાની જરૂર છે. મહેરબાની કરીને પોતાને સેફ રાખો અને કોઈ પણ પ્રકારનું બિનજરૂરી જોખમ ન ઉઠાવો. આપણા બધા માટે અત્યારે મુશ્કેલ સમયગાળો ચાલી રહ્યો છે. મેં દવા લીધી છે અને અઠવાડિયામાં સાજો થવાની આશા રાખું છું.’

૩૨ પ્લેયર્સને કોવિડ : કૂચ બિહારની મૅચો મોકૂફ

અન્ડર-19 કૂચ બિહાર ટ્રોફી ક્રિકેટ સ્પર્ધામાં ભાગ લઈ રહેલી ટીમના ઘણા પ્લેયરો અને સપોર્ટ-સ્ટાફના મેમ્બરો કોરોનાગ્રસ્ત હોવાથી આ ટુર્નામેન્ટની આજે પુણેમાં શરૂ થનારી નૉકઆઉટ મૅચો બીસીસીઆઇએ મોકૂફ રાખી છે. આ સ્પર્ધા સાથે સંકળાયેલી ૮ ટીમના કુલ ૩૮ જણને કોવિડ થયો છે. એમાં ૩૨ ખેલાડીઓ અને ૬ સ્ટાફ મેમ્બરો સામેલ છે.

અજાઝ પટેલ બન્યો ‘પ્લેયર ઑફ ધ મન્થ

તાજેતરમાં વાનખેડેમાં ભારત સામેની ટેસ્ટના એક દાવમાં તમામ ૧૦ વિકેટ લેનાર ન્યુ ઝીલૅન્ડનો સ્પિનર અજાઝ પટેલ ‘આઇસીસી પ્લેયર ઑફ ધ મન્થ’ અવૉર્ડનો વિજેતા ઘોષિત થયો છે. મયંક અગરવાલ અને મિચલ સ્ટાર્ક પણ આ પુરસ્કાર માટેના દાવેદાર હતા. આઇસીસી વોટિંગ ઍકૅડેમીના મેમ્બર જે. પી. ડુમિનીએ અજાઝની પ્રશંસા કરતાં કહ્યું કે તેણે એવું કીર્તિમાન સ્થાપિત કર્યું છે જે ક્રિકેટપ્રેમીઓને વર્ષો સુધી યાદ રહેશે.

11 January, 2022 05:52 PM IST | Mumbai | Gujarati Mid-day Correspondent

અન્ય લેખો

અન્ય સ્પોર્ટ્સ

૬૩મા પ્રયાસે ફ્રેન્ચ ખેલાડી કૉર્નેટનો ગ્રૅન્ડ સ્લૅમની ક્વૉર્ટર ફાઇનલમાં પ્રવેશ

ચોથા રાઉન્ડમાં અપસેટ સર્જતાં રોમાનિયાની સિમોના હેલપને ત્રણ સેટના રોમાંચક જંગમાં ૬-૪, ૩-૬, ૬-૪થી હરાવી

25 January, 2022 02:45 IST | Mumbai | Gujarati Mid-day Correspondent
અન્ય સ્પોર્ટ્સ

બે વર્ષ અને ચાર મહિના બાદ ટાઇટલ જીતી સિંધુ

પી. વી. સિંધુએ ગઈ કાલે લખનઉમાં સૈયદ મોદી ઇન્ટરનેશનલ ટુર્નામેન્ટની ફાઇનલ આસાનીથી જીતીને બીજી વાર આ સ્પર્ધાનું ટાઇટલ જીતી લીધું હતું

24 January, 2022 12:45 IST | New Delhi | Gujarati Mid-day Correspondent
અન્ય સ્પોર્ટ્સ

નડાલ ૨૧મા ઐતિહાસિક ટાઇટલથી ત્રણ ડગલાં દૂર

ઑસ્ટ્રેલિયન ઓપનમાં ૨૮ મિનિટનો ટાઇ-બ્રેક જીતીને ૧૪મી ક્વૉર્ટરમાં પહોંચી ગયો : બાર્ટી પણ લાસ્ટ-એઇટમાં

24 January, 2022 12:36 IST | New Delhi | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK