ગુજરાતે કબડ્ડી અને નેટબૉલમાં માણી જીત

કબડ્ડીની મેન્સ ટીમ ૫૬-૨૭થી વિજયી : નેટબૉલમાં ગુજરાતે મધ્ય પ્રદેશને પરાજિત કર્યું

ગુજરાતની કબડ્ડીની મેન્સ ટીમે ગોવાને ૫૬-૨૭થી કચડી નાખી હતી.

ગુજરાતમાં આયોજિત રાષ્ટ્રીય રમતોત્સવમાં ગઈ કાલે કબડ્ડીમાં ‘અન્ડરડૉગ’ તરીકે ઓળખાતી ગુજરાતની મેન્સ ટીમે ગોવાને ૫૬-૨૭થી હરાવી દીધું હતું. જોકે મહિલાઓમાં ગુજરાતની ટીમે બિહાર સામે ૩૮-૧૫થી હાર ખમવી પડી હતી. ગઈ કાલે ગુજરાતની મહિલા ટીમ મહારાષ્ટ્ર સામે ૨૨-૪૬થી હારી ગઈ હતી. બીજી તરફ ગઈ કાલે હરિયાણાની મેન્સ ટીમે કબડ્ડીમાં ગુજરાતની ટીમને ૫૫-૨૬થી હરાવી હતી.

કબડ્ડીમાં મહારાષ્ટ્રની મેન્સ ટીમે ચંડીગઢને ૬૦-૨૧થી હરાવીને ઉપલા રાઉન્ડમાં પ્રવેશ કર્યો હતો. નેટબૉલમાં પણ ગુજરાતની મેન્સ ટીમે જીત માણી છે. એણે મધ્ય પ્રદેશને ૫૩-૩૮થી પરાજય ચખાડ્યો હતો. ગુજરાતની કબડ્ડીની મૅચ અમદાવાદમાં અને નેટબૉલની મૅચ ભાવનગરમાં રમાઈ હતી. બન્ને સ્થળે મોટી સંખ્યામાં પ્રેક્ષકો આવ્યા હતા અને ગુજરાતની ટીમને ચિયર-અપ કરી હતી.કબડ્ડીની સ્પર્ધાના સોમવારે મહારાષ્ટ્રએ બે અપસેટ જીત માણી હતી. 

ADVERTISEMENT