મેદાનની બહાર પ્રેક્ષકો અને પોલીસ વચ્ચેઝપાઝપી
પ્રતીકાત્મક તસવીર
યુરોપિયન સુપર લીગ વિશે ચાહકોનો ગુસ્સો હજી શાંત નથી થયો. આ ગુસ્સાનો ભોગ દુનિયાની સૌથી ધનાઢ્ય ફુટબૉલ પ્રીમિયર લીગની સૌથી મોટી ટક્કર મૅન્ચેસ્ટર યુનાઇટેડ અને લિવરપુલ બની છે. આ સુપર લીગમાં યુનાઇટેડના માલિક ગ્લેઝર ફૅમિલીનો હાથ હોવાથી ચાહકો તેમનાથી ભારે નારાજ છે. આ સુપર ટક્કર પહેલાં ચાહકો આ ગ્લેઝર ફૅમિલીનો વિરોધ કરવા મેદાનની બહાર ગોઠવાઈ ગયા હતા. આ દરમ્યાન પોલીસ સાથે ઝપાઝપી થઈ હતી અને ખેલાડીઓ મેદાનમાં જ પ્રવેશી નહોતા શક્યા. આખરે જેની ઘણા સમયથી આતુરતાથી રાહ જોવાતી હતી એ મૅચને રદ કરી દેવી પડી હતી.