કૅનેડામાં ગ્રૅન્બી ચૅમ્પિયનશિપ્સની ફાઇનલમાં રશિયાની નંબર-વન પ્લેયર દારિઆ કસાત્કિનાએ તેની જ ગાઢ મિત્ર દારિઆ સેવિલને ૬-૪, ૬-૪થી હરાવીને સિંગલ્સનું ટાઇટલ જીતી લીધું હતું
રશિયાની દારિઆ કસાત્કિના (ડાબે) અને લિયુન્ડમિલા સૅમ્સોનોવા.
ગઈ કાલે રશિયાની બે ટેનિસ ખેલાડી અલગ-અલગ સ્પર્ધામાં ચૅમ્પિયન બની હતી. કૅનેડામાં ગ્રૅન્બી ચૅમ્પિયનશિપ્સની ફાઇનલમાં રશિયાની નંબર-વન પ્લેયર દારિઆ કસાત્કિનાએ તેની જ ગાઢ મિત્ર દારિઆ સેવિલને ૬-૪, ૬-૪થી હરાવીને સિંગલ્સનું ટાઇટલ જીતી લીધું હતું. કસાત્કિના લેસ્બિયન છે. તેણે તાજેતરમાં જ આ વાતનો એકરાર કર્યો હતો. તેની સેવિલ સામેની મૅચ એક કલાક અને ૫૩ મિનિટ સુધી ચાલી હતી.
અમેરિકાના ઓહાયોમાં રશિયાની લિયુન્ડમિલા સૅમ્સોનોવાએ મિત્રદેશ બેલારુસની આલિયાકસૅન્ડ્રા સૅસ્નોવિચને ફાઇનલમાં ૬-૧, ૬-૩થી હરાવીને ટેનિસ ઇન ધ લૅન્ડ નામની ટુર્નામેન્ટની ટ્રૉફી જીતી લીધી હતી. સૅમ્સોનોવાનું આ સતત બીજું ટાઇટલ છે.