° °

આજનું ઇ-પેપર
Sunday, 16 January, 2022


ગુજરાતની ફુટબૉલ ટીમ ૩૫ વર્ષે સંતોષ ટ્રોફીના અંતિમ રાઉન્ડ માટે હવે ક્વૉલિફાય થઈ ગઈ

30 November, 2021 11:38 AM IST | Ahmedabad | Gujarati Mid-day Correspondent

ગુજરાત સ્ટેટ ફુટબૉલ અસોસિએશને આ સમાચાર ટ્વિટર પર આપ્યા હતા જેનાથી રાજ્યના અસંખ્ય ફુટબૉલ ચાહકોનનાં ટીમને અને અસોસિએશનને અભિનંદન મળ્યાં હતાં

ગુજરાતની ફુટબૉલ ટીમ

ગુજરાતની ફુટબૉલ ટીમ

સંતોષ ટ્રોફી ફુટબૉલ સ્પર્ધા ૭ કરતાં વધુ દાયકાઓથી રમાય છે અને ભારતની સૌથી લોકપ્રિય સોકર સ્પર્ધાઓમાં ગણાય છે. રાજ્યો વચ્ચેની આ નૉકઆઉટ કૉમ્પિટિશનની ૨૦૨૧ની સીઝનમાં (૭૫મી સંતોષ ટ્રોફીમાં) ગુજરાતે રવિવારે ભાવનગરમાં ગોવાને ૧-૦થી હરાવીને ફાઇનલ રાઉન્ડ માટેનું ક્વૉલિફિકેશન ૩૫ વર્ષના લાંબા સમયગાળા બાદ ફરી મેળવી લીધું છે. એ સાથે, આ ટીમે સમગ્ર ગુજરાત રાજ્યને અનેરું ગૌરવ અપાવ્યું છે. 
ગુજરાત સ્ટેટ ફુટબૉલ અસોસિએશને આ સમાચાર ટ્વિટર પર આપ્યા હતા જેનાથી રાજ્યના અસંખ્ય ફુટબૉલ ચાહકોનનાં ટીમને અને અસોસિએશનને અભિનંદન મળ્યાં હતાં.
ગુજરાતની ટીમ વેસ્ટ ગ્રુપ-‘એમાં ૭ પૉઇન્ટ સાથે મોખરે છે. એ ત્રણમાંથી બે મૅચ જીતી છે અને એક મુકાબલો ડ્રૉ રહ્યો છે. હવે ડિસેમ્બરમાં આ વિજેતા ટીમ કેરલામાં અન્ય ઝોનલ ફાઇનલિસ્ટ ટીમ સામે રમશે.
ગુજરાતમાં ફુટબૉલની રમતમાં વધુ ને વધુ ખેલકૂદપ્રેમીઓ રસ લેતા થયા છે, વધુ ક્લબો તેમ જ ટીમો રમવા લાગી છે એ દૃષ્ટિએ રાજ્યમાં ફુટબૉલની રમત અત્યારે સકારાત્મક પરિવર્તનકાળમાં છે. લાંબા સમયથી સંતોષ ટ્રોફી માત્ર ભાગ લેવા સંદર્ભમાં જ મહત્ત્વની ગણાતી હતી, પરંતુ ઑલ ઇન્ડિયા ફુટબૉલ ફેડરેશને નવા નિયમો લાગુ કરીને આ સ્પર્ધાને વધુ રોમાંચક અને અર્થપૂર્ણ બનાવી છે. દરેક ટીમમાં પાંચ અન્ડર-૨૧ ખેલાડીઓ હોવા જોઈએ અને ટીમને ‘એ’ લેવલના કોચ દ્વારા કોચિંગ મળવું જોઈએ. કુંદન ચંદ્રા ગુજરાતની ટીમના કોચ છે.

30 November, 2021 11:38 AM IST | Ahmedabad | Gujarati Mid-day Correspondent

અન્ય લેખો


This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK