મેચ પછી સ્ટેફાનો ત્સિસ્તિપાસ (Stefanos tsitsipas)એ ખુલાસો કર્યો કે ફાઇનલ મેચ શરૂ થવાની બરાબર પહેલા જ તેને ખબર પડી કે તેની દાદીનું નિધન થઈ ગયું છે.
તસવીર સૌજન્ય AFP
ટેનિસ સ્ટાર સ્ટેફાનો ત્સિત્સિપાસ ફ્રેન્ચ ઓપન જીતી શક્યો નહીં. ફાઇનલમાં નોવાક જોકોવિચ સામે પહેલા બે સેટ જીત્યા પછી છેલ્લા ત્રણ સેટ તે ગુમાવી બેછો. તેણે 6-7 (6/8), 2-6, 6-3,6-2, 6-4થી હારનો સામનો કર્યો. મેચ પછી સ્ટેફાનો ત્સિત્સિપાસે ખુલાસો કર્યો કે ફાઇનલ મેચ શરૂ થતા પહેલા જ તેને ખબર પડી કે તેની દાદીનું નિધન થઈ ગયું છે. તેણે ઇન્સ્ટાગ્રામ પર પોસ્ટ લખીને દાદીને શ્રદ્ધાંજલિ આપી. તેણે પોતાના પહેલા ફ્રેન્ચ ઓપન ફાઇનલને પોતાની દાદીને જ સમર્પિત કરી છે.
22 વર્ષના ત્સિત્સિપાસે લખ્યું, "કૉર્ટમાં જવાની પાંચ મિનિટ પહેલા મારી દાદી જીવની જંગ હારી ગયા. એક બુદ્ધિમાન મહિલા જેના જીવનમાં વિશ્વાસ હતો અને તે હંમેશાં આપવા માટે તૈયાર રહેતી હતી. મેં એવી વ્યક્તિ નથી જોઇ. આ વિશ્વમાં તેમના જેવા હજી વધારે લોકો હોવાની જરૂર છે. કારણકે તેમના જેવા લોકો તમને જીવતા રાખે છે. તે તમને સપના જોવા આપે છે."
ADVERTISEMENT
ત્સિત્સિપાસે કહ્યું કે જીવનમાં ટ્રૉફી જીતવા કરતા પણ વધારે જરૂરી વસ્તુઓ હોય છે. તેણે કહ્યું કે, "જીવન ફક્ત જીતવા કે હારવા વિશે નથી. જીવનની દરેક ક્ષણ માણવી જરૂરી છે પછી તે એકલા હોવ કે બધાની સાથે. દુઃખ અને તકલીફ વગર અર્થપૂર્ણ જીવન જરૂરી છે. ટ્રૉફી ઉપાડવા અને જીતનો આનંદ પણ ત્યારે થાય છે પણ આ બધું કંઇ નથી."
View this post on Instagram
આવી રહી ફ્રેન્ચ ઓપનની ફાઇનલ મેચ
ફ્રેન્ચ ઓપનની ફાઇનલમાં પાંચમી વરીયતા પ્રાપ્ત ત્સિત્સિપાસે પહેલા બબે સેટ 7-6, 6-2થી જીતીને શાનદાર શરૂઆત કરી પણ શીર્ષ વરીય જોકોવિચે બીજા હે સેટ 6-3 , 6-2થી જીતીને મેચને પાંચમા અને નિર્ણાયક સેટમાં ખેંચી. જોકોવિચે ત્સિત્સિપાસનો યૂનાનનો પહેલો ગ્રાન્ડસ્લેમ ચેમ્પિયન બનવાનું સપનું પણ તોડી દીધું. જોકોવિચ હવે રોજર ફેડરર અને રાફેલ નડાલના રેકૉર્ડ 20 ગ્રાન્ડસ્લેમ ટ્રૉફીની બરાબરી કરવાથી ફક્ત એક ડગલું દૂર છે. 22 વર્ષના ત્સિત્સિપાસને પીઠમાં દુઃખાવાને કારણે મેચ દરમિયાન ત્રીજા સેટ પછી કૉર્ટ પર જ પોતાના સ્ટ્રેચર પર સારવાર પણ લેવી પડી હતી.
જોકોવિચે આ પેહલા પણ પોતાના કરિઅરમાં પાંચ વાર પહેલા બે સેટ ગુમાવ્યા છતાં જીત હાંસલ કરવામાં સફળતા મેળવી છે. આ મેચ પહેલા પાંચ સેટ સુધી ચાલતી મેચમાં સર્બિયાના આ ખેલાડીએ 34 વાર જીત નોંધાવી હતી જ્યારે 10 વાર તેને હારનો સામનો કરવો પડ્યો.