° °

આજનું ઇ-પેપર
Saturday, 28 January, 2023


ફુટબૉલ-વિશ્વમાં ભારત કેટલું પાણીમાં?

27 November, 2022 06:46 PM IST | Mumbai
Ajay Motivala | ajaymotivala@mid-day.com

જોકે ફુટબૉલમાં ભારતનું કોઈ નામોનિશાન નથી એવું નથી. એક સમયે એશિયામાં ભારતીય ફુટબૉલ ટીમ બેસ્ટ કહેવાતી હતી

ફુટબૉલ-વિશ્વમાં ભારત કેટલું પાણીમાં? કરન્ટ ફાઇલ્સ

ફુટબૉલ-વિશ્વમાં ભારત કેટલું પાણીમાં?

દર ચાર વર્ષે આવતો ફુટબૉલ કાર્નિવલ ચાલી રહ્યો છે જેને યજમાન દેશ કતારમાં તો લાખો પ્રેક્ષકો દરરોજ માણી જ રહ્યા છે. ભારતમાં ઘરોમાં, ઑફિસોમાં બેસીને અને ક્યાંક મેગા સ્ક્રીન પર કરોડો લોકો એક્સાઇટિંગ અને અપસેટવાળી મૅચો માણી રહ્યા છે. જોકે ન ગમે એવી સ્વીકારવા જેવી વાત એ છે કે ક્રિકેટના ત્રણ-ત્રણ વર્લ્ડ કપ અને હૉકી સહિત બીજી અનેક રમતોમાં સર્વોચ્ચ ઊંચાઈએ પહોંચી ચૂકેલા ભારતની ફુટબૉલ-વિશ્વમાં બહુ ઓછી હાજરી છે. ફુટબૉલના ફિફા વર્લ્ડ કપમાં આપણે ક્વૉલિફાય પણ નથી થઈ શક્યા. વર્લ્ડ ફુટબૉલમાં ભારતનો રૅન્ક ૧૦૬ અને એશિયામાં ૧૯ છે.

જોકે ફુટબૉલમાં ભારતનું કોઈ નામોનિશાન નથી એવું નથી. એક સમયે એશિયામાં ભારતીય ફુટબૉલ ટીમ બેસ્ટ કહેવાતી હતી. ૧૯૫૦ના આખા દાયકામાં અને ૧૯૬૦ના શરૂઆતનાં વર્ષોમાં આપણો એશિયન ફુટબૉલમાં ગોલ્ડન પિરિયડ ચાલતો હતો. ત્યારે ભારત ૧૯૫૧ની અને ૧૯૬૨ની એશિયન ગેમ્સમાં ફુટબૉલમાં ચૅમ્પિયન બન્યું હતું અને ૧૯૫૬માં આપણે ફિફા દ્વારા આયોજિત સમર ઑલિમ્પિક્સમાં ચોથા નંબર પર આવ્યા હતા. ભારત ત્યારે સેમી ફાઇનલ સુધી પહોંચનારો પ્રથમ એશિયન દેશ બન્યો હતો, જેમાં આપણે યુગોસ્લાવિયા સામે હારી ગયા હતા. નેવિલ ડિસોઝા, નૂર મોહમ્મદ, તુલસીદાસ બલરામ, મોહમ્મદ અબ્દુસ સલામ, નિખિલ નન્દી, જે. ક્રિષ્નસ્વામી, પ્રદીપ બૅનરજી વગેરે આપણા એ સમયના ટોચના ફુટબોલર્સ હતા.

ભૂટિયાએ ભારતનું નામ ઉજાળ્યું

૨૦૦૨ના ફિફા વર્લ્ડ કપના ક્વૉલિફાઇંગના પ્રથમ રાઉન્ડની પહેલી મૅચમાં આપણે યુએઈને ૧-૦થી હરાવીને અપસેટ સર્જ્યો હતો. એ પહેલાં, ૧૯૯૫માં બાઇચુન્ગ ભૂટિયાના ડેબ્યુ પછી એશિયન ફુટબૉલમાં આપણે ઘણી પ્રગતિ કરી હતી. સાઉથ એશિયન ફુટબૉલ ફેડરેશન (સાફ) ચૅમ્પિયનશિપમાં આપણે ૮ વાર ચૅમ્પિયન થયા છીએ. સાઉથ એશિયન ગેમ્સના પણ ત્રણ ગોલ્ડ મેડલ આપણી પાસે છે. એશિયામાં પર્ફોર્મન્સ સુધારતા રહીને આપણે એક દિવસ વિશ્વ ફુટબૉલ સુધી પહોંચી શકીશું.

સ્ટાર ખેલાડીઓમાં છેત્રી સુપર્બ

૧૯૫૦ના ભારતના ગોલ્ડન એરાથી જોઈએ તો શેઉ મેવાલાલ, ચુની ગોસ્વામી (જેમનું દોઢ વર્ષ પહેલાં ૮૨ વર્ષની વયે અવસાન થયું), પી. કે. બૅનરજી, સૈયદ નઇમુદ્દીન, પીટર થન્ગારાજ વગેરે સ્ટાર ખેલાડીઓ બાદ એમ. વિજયન અને બાઇચુન્ગ ભૂટિયાએ ભારતને ખાસ કરીને એશિયન સ્પર્ધાઓમાં સિદ્ધિઓ અપાવી છે. તેના પછી થોડાં વર્ષોથી સુનીલ છેત્રી ભારતીય ટીમની કમાન સંભાળે છે. ૮૪ આંતરરાષ્ટ્રીય ગોલ કરી ચૂકેલો સુનીલ છેત્રી ઇન્ટરનૅશનલ ગોલસ્કોરર્સમાં વર્તમાન ખેલાડીઓમાં ક્રિસ્ટિયાનો રોનાલ્ડો અને લિયોનેલ મેસી પછી ત્રીજા નંબરે છે અને તેની એ ઉપલબ્ધિ ભારતના અત્યાર સુધીના તમામ ખેલાડીઓમાં સર્વોત્તમ કહી શકાય.

27 November, 2022 06:46 PM IST | Mumbai | Ajay Motivala

અન્ય લેખો

અન્ય સ્પોર્ટ્સ

Australian Open 2023: સાનિયા મિર્ઝા અને રોહન બોપન્નની જોડી ફાઇનલમાં આવીને હારી

હું જ્યારે 18 વર્ષની હતી ત્યારે હું પહેલી વખત સેરેના વિલિયમ્સ સામે રમી હતી -સાનિયા

27 January, 2023 06:03 IST | Melbourne | Gujarati Mid-day Online Correspondent
અન્ય સ્પોર્ટ્સ

પ્લિસકોવાને હરાવીને ૩૦ વર્ષની મૅગ્ડ લિનેટ સેમીમાં

ઈજાગ્રસ્ત જૉકોવિચ, પૉલ, સિત્સિપાસ, હાચાનૉફ લાસ્ટ-ફોરમાં

26 January, 2023 04:57 IST | Melbourne | Gujarati Mid-day Correspondent
અન્ય સ્પોર્ટ્સ

News in Short : માઇક ટાઇસન સામે બળાત્કારનો આક્ષેપ, મહિલા અદાલતમાં

માઇક સામે અદાલતમાં પાંચ મિલ્યન ડૉલર (અંદાજે ૪૧ કરોડ રૂપિયા)ના વળતરનો દાવો માંડ્યો છે

26 January, 2023 04:40 IST | New Delhi | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK