° °

આજનું ઇ-પેપર
Saturday, 13 August, 2022


તામિલનાડુનાં માતા-પુત્ર હૉન્ગકૉન્ગથી ચેસ ઑલિમ્પિયાડમાં રમવા આવ્યાં

03 August, 2022 12:28 PM IST | New Delhi
Gujarati Mid-day Correspondent | feedbackgmd@mid-day.com

હૉન્ગકૉન્ગથી રમવા આવેલા બે ખેલાડીઓ પણ મૂળ ભારતના જ છે

હૉન્ગકૉન્ગના ખેલાડીઓના સંઘના વડા પેરિચિયાપ્પન (ડાબે) તેમનાં ચેસ પ્લેયર્સ પત્ની અને પુત્ર સાથે ચેસ ઑલિમ્પિયાડમાં Chess Olympiad

હૉન્ગકૉન્ગના ખેલાડીઓના સંઘના વડા પેરિચિયાપ્પન (ડાબે) તેમનાં ચેસ પ્લેયર્સ પત્ની અને પુત્ર સાથે ચેસ ઑલિમ્પિયાડમાં

તામિલનાડુમાં ચેન્નઈ નજીક મહાબલિપુરમમાં રમાતી ૪૪મી ચેસ ઑલિમ્પિયાડમાં ભારતના ૩૦ ખેલાડીઓ રમી રહ્યા છે એવું નથી, હૉન્ગકૉન્ગથી રમવા આવેલા બે ખેલાડીઓ પણ મૂળ ભારતના જ છે.

વાત એમ છે કે કન્નપ્પન ફૅમિલી મૂળ તામિલનાડુના મદુરાઈ શહેરનું છે. એમાંના પેરિચિયાપ્પન હૉન્ગકૉન્ગના સંઘના વડા છે, જ્યારે તેમનાં પત્ની કે. સિગપ્પી તથા ૧૩ વર્ષનો પુત્ર થન્નીરામલાઈ ચેસ ઑલિમ્પિયાડમાં રમી રહ્યાં છે.

હૉન્ગકૉન્ગ ચેસ ફેડરેશનના ખજાનચી અને ફાંકડું તામિલ બોલતા પેરિચિયાપ્પન એક મુલાકાતમાં કહે છે, ‘મારો અને મારી પત્નીનો ઉછેર મદુરાઈમાં થયો હતો. ૨૦૦૫માં અમે હૉન્ગકૉન્ગમાં સ્થાયી થયાં હતાં અને ૧૭ વર્ષથી ત્યાં રહીએ છીએ.’

સિગપ્પી મહિલા ચેસમાં ફિડે માસ્ટર છે. તેઓ ચેસનાં કોચ છે અને કોચિંગમાં બ્રેક લઈને તામિલનાડુ આવ્યાં છે. ૨૦૧૬માં તેમણે અઝરબૈજાન ચેસ ઑલિમ્પિયાડમાં ભાગ લીધો હતો. ટીનેજર થન્નીરામલાઈએ તેની મમ્મીની પ્રેરણાથી જ ચેસ રમવાની શરૂઆત કરી હતી. ૨૦૧૮માં તે કેટલીક ટુર્નામેન્ટમાં જીત્યો હતો અને ત્યારથી તેનામાં આત્મવિશ્વાસ પણ વધ્યો છે. ૧૩ વર્ષની નાની ઉંમરે ચેસ ઑલિમ્પિયાડ જેવી મોટી ઇવેન્ટમાં ભાગ લેવા મળળ્યું એને થન્નીરામલાઈ ગૌરવ માને છે.

03 August, 2022 12:28 PM IST | New Delhi | Gujarati Mid-day Correspondent

અન્ય લેખો

અન્ય સ્પોર્ટ્સ

હવે સિંધુ, સેન, શ્રીકાંતનું લક્ષ્ય વર્લ્ડ ચૅમ્પિયનશિપ

ટોક્યોમાં ૨૨ ઑગસ્ટે શરૂ થતી સ્પર્ધા જીતનાર કહેવાશે વર્લ્ડ ચૅમ્પિયન

12 August, 2022 12:51 IST | New Delhi | Gujarati Mid-day Correspondent
અન્ય સ્પોર્ટ્સ

બે વર્ષ બાદ હવે ૧૫ જાન્યુઆરીએ યોજાશે ૧૮મી મુંબઈ મૅરથૉન

૨૦૨૩ના વર્ષની આ મૅરથૉનનો છત્રપતિ શિવાજી મહારાજ ટર્મિનસ ખાતેથી આરંભ થશે

12 August, 2022 12:50 IST | Mumbai | Gujarati Mid-day Correspondent
અન્ય સ્પોર્ટ્સ

News in Short: પીઠમાં દુખાવો થતાં સ્પર્ધામાંથી ઓસાકાની એક્ઝિટ

મૅચ અટકી ત્યારે એસ્ટોનિયાની કિયા કુનેપી ૭-૪, ૩-૦થી આગળ હતી

11 August, 2022 03:18 IST | New Delhi | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK