° °

આજનું ઇ-પેપર
Thursday, 30 June, 2022


News In Shorts: થાઇલૅન્ડ ઓપનની સેમી ફાઇનલમાં પહોંચી પી. વી. સિંધુ

21 May, 2022 02:37 PM IST | Mumbai
Gujarati Mid-day Correspondent | feedbackgmd@mid-day.com

ગઈ કાલે તેણે વિશ્વની નંબર વન ખેલાડી જપાનની અકાને યામાગુચીને ૨૧-૧૫, ૨૦-૨૨, ૨૧-૧૩થી હરાવી હતી.

પીવી સિંધુ

પીવી સિંધુ

થાઇલૅન્ડ ઓપનની સેમી ફાઇનલમાં પહોંચી પી. વી. સિંધુ

બે વખત ઑલિમિપ્ક મેડલ જીતનાર પી. વી. સિંધુએ બૅન્ગકૉકમાં રમાતી થાઇલૅન્ડ ઓપન સુપર ૫૦૦ ટુર્નામેન્ટની સેમી ફાઇનલમાં પ્રવેશ કર્યો છે. ગઈ કાલે તેણે વિશ્વની નંબર વન ખેલાડી જપાનની અકાને યામાગુચીને ૨૧-૧૫, ૨૦-૨૨, ૨૧-૧૩થી હરાવી હતી. ફાઇનલમાં તેની ટક્કર ઑલિમ્પિક ચૅમ્પિયન ચીનના ચેન યુ ફેઇ સામે થશે. વર્તમાન ચૅમ્પિયન યામાગુચી સામે તેણે આ સાથે ૧૪મો વિજય મેળવ્યો છે. તો યામાગુચી પણ ૯ વખત જીતી ચૂકી છે. 

ન્યુ ઝીલૅન્ડના ત્રણ ખેલાડીઓ કોરોના-પૉઝિટિવ

ન્યુ ઝીલૅન્ડની ટીમ આવતા મહિનાથી ઇંગ્લૅન્ડ સામે ટેસ્ટ સિરીઝ રમવા જઈ રહી છે, પરંતુ એ પહેલાં બ્રાઇટનમાં યોજાયેલી ટીમના કૅમ્પમાં કોરોનાના ત્રણ કેસ જોવા મળ્યા છે. ન્યુ ઝીલૅન્ડના ક્રિકેટ બોર્ડે જણાવ્યું હતું કે બૅટર હેન્રી નિકોલસ, ફાસ્ટ બોલર બ્લેર ટિકનર અને બોલિંગ-કોચ શૅન જર્ગેનસન રૅપિડ ઍન્ટિજન ટેસ્ટમાં પૉઝિટિવ આવ્યા હતા. આ ત્રણેયને પાંચ દિવસ માટે આઇસોલેશનમાં રાખવામાં આવ્યા છે. બાકી તમામના રિપોર્ટ નેગેટિવ આવ્યા છે. 

એશિયા કપ માટે હૉકી ટીમ જકાર્તા જવા રવાના

એશિયા કપનું ટાઇટલ પોતાના નામે યથાવત્ રાખવા ભારતીય પુરુષોની હૉકી ટીમ ઑલિમ્પિક બ્રૉન્ઝ મેડલ વિજેતા ટીમના ખેલાડી બીરેન્દ્ર લાકરાના નેતૃત્વમાં ગઈ કાલે બૅન્ગલોરથી જકાર્તા જવા રવાના થઈ હતી. પુલ-‘એ’માં ભારત સામે જપાન, પાકિસ્તાન અને યજમાન ઇન્ડોનેશિયાની ટીમ છે; તો પુલ-‘બી’માં મલેશિયા, કોરિયા, ઓમાન અને બંગલાદેશ જેવી ટીમો છે. સોમવારે ભારત પાકિસ્તાન સામે પહેલી મૅચ રમશે. કૅપ્ટન બીરેન્દ્રએ કહ્યું કે ‘આ બહુ મોટી ટુર્નામેન્ટ છે. કેટલાક ખેલાડીઓ પહેલી વખત આ ટુર્નામેન્ટમાં રમી રહ્યા છે એથી માહોલ બહુ ઉત્સાહવર્ધક છે. બૅન્ગલોરમાં યોજાયેલો અમારો કૅમ્પ બહુ સારો રહ્યો હતો.’

21 May, 2022 02:37 PM IST | Mumbai | Gujarati Mid-day Correspondent

અન્ય લેખો

અન્ય સ્પોર્ટ્સ

News In Short: ઑલિમ્પિક મેડલિસ્ટ હૉકી પ્લેયર વરિન્દર સિંહનું નિધન

ભારત ૧૯૭૫માં હૉકીનો વર્લ્ડ કપ અને એ પહેલાં ૧૯૭૩માં વિશ્વકપનો સિલ્વર મેડલ જીત્યું હતું

29 June, 2022 11:47 IST | Mumbai | Gujarati Mid-day Correspondent
અન્ય સ્પોર્ટ્સ

રેડુકાનુની એક વર્ષમાં ૨૨૮ રૅન્કની છલાંગ

૨૦૨૧માં આ ​બ્રિટિશર ૩૩૮ની રૅન્ક સાથે વિમ્બલ્ડનમાં પ્રવેશેલી : આ વખતે ૧૦મો ક્રમ છે

29 June, 2022 10:47 IST | Mumbai | Gujarati Mid-day Correspondent
અન્ય સ્પોર્ટ્સ

જૉકોવિચ પહેલી મૅચ સંઘર્ષ બાદ જીત્યો, પણ રેકૉર્ડ કર્યો

ભૂતપૂર્વ વર્લ્ડ નંબર-વન ટેનિસ ખેલાડી નોવાક જૉકોવિચ ગઈ કાલે ગ્રાસ કોર્ટ પર શરૂ થયેલી વિમ્બલ્ડન ચૅમ્પિયનશિપની પ્રથમ રાઉન્ડની મૅચમાં ભારે સંઘર્ષ બાદ જીત્યો હતો

28 June, 2022 07:02 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK