° °

આજનું ઇ-પેપર
Sunday, 20 June, 2021


ઇંગ્લૅન્ડ સામે ટકી રહેવાનો વિન્ડીઝનો મરણિયો પ્રયાસ

20 July, 2020 05:58 PM IST | Mumbai Desk | Agencies

ઇંગ્લૅન્ડ સામે ટકી રહેવાનો વિન્ડીઝનો મરણિયો પ્રયાસ

ત્રીજા દિવસનો ખેલ વરસાદે બગાડ્યા બાદ ચોથા દિવસે વેસ્ટ ઇન્ડીઝે એક વિકેટે ૩૨ રનથી આગળ રમવાનું શરૂ કર્યું હતું.

ત્રીજા દિવસનો ખેલ વરસાદે બગાડ્યા બાદ ચોથા દિવસે વેસ્ટ ઇન્ડીઝે એક વિકેટે ૩૨ રનથી આગળ રમવાનું શરૂ કર્યું હતું.

ઇંગ્લૅન્ડ અને વેસ્ટ ઇન્ડીઝ વચ્ચે ચાલી રહેલી બીજી ટેસ્ટ મૅચના ચોથા દિવસે મહેમાન ટીમે પહેલી ઇનિંગમાં ટકી રહેવાનો પ્રયાસ કર્યો હતો તેમ છતાં તે ૨૮૭ રનમાં ઓલઆઉટ થઈ હતી. ત્રીજા દિવસનો ખેલ વરસાદે બગાડ્યા બાદ ચોથા દિવસે વેસ્ટ ઇન્ડીઝે એક વિકેટે ૩૨ રનથી આગળ રમવાનું શરૂ કર્યું હતું. જોકે ૨૦૦ રનનો આંકડો પાર કરવામાં તેમણે ચાર વિકેટ ગુમાવી દીધી હતી. મેદાનમાં જામી ગયેલા મહેમાન ટીમના ઓપનર ક્રૅગ બ્રેથવેટ ૧૬૫ બૉલમાં ૭૫ રન કરીને બેન સ્ટોક્સનો શિકાર બન્યો હતો. શામરાહ બ્રુક્સ ૬૮ રન કર્યા હતા. અલ્ઝારી જોસેફ ૩૨ રન કરીને જ્યારે શાહી હોપ ૨૫ રન બનાવીને આઉટ થયા હતા. રોસ્ટન ચેઝ હાફ સેન્ચૂરી કરવામાં સફળ રહ્યો હતો પણ ૫૧ રન કરી તે વૉક્સનો શિકાર બન્યો હતો. ઇંગ્લૅન્ડ વતી સ્ટુઅર્ટ બ્રોડ અને ક્રિસ વૉક્સે ત્રણ-ત્રણ વિકેટ લઈને મહેમાન ટીમને ધારાશાહી કરી દીધી હતી. સૅમ કરને બે વિકેટ લીધી હતી, જ્યારે ડોમ બેસ અને બેન સ્ટોક્સને એક-એક વિકેટ મળી હતી. પાછલી મૅચમાં વેસ્ટ ઇન્ડીઝનો હીરો રહેલા જરમાને બ્લેકવૂડ વગર ખાતું ખોલે પવેલિયન ભેગો થયો હતો. શેન ડોવરિચ પણ બ્રોડનો શિકાર બન્યો હતો અને ઝીરો પર આઉટ થયો હતો. બોલર શેનોન ગેબ્રિયલ પણ ઝીરો રને આઉટ થયો હતો. ગઈ કાલના દિવસની બાકી રહેલી ૧૧ ઓવર રમવા માટે બીજી ઇનિંગમાં ઇંગ્લૅન્ડની ટીમ મેદાનમાં ઉતરી હતી. પહેલી ઇનિંગ બાદ યજમાન ટીમ મહેમાન ટીમથી ૧૮૨ રન આગળ હતી. ઇંગ્લૅન્ડની બીજી ઇનિંગ ઓપન કરવા બેન સ્ટોક્સ અને જોસ બટલર મેદાનમાં ઉતર્યા હતા.

20 July, 2020 05:58 PM IST | Mumbai Desk | Agencies

અન્ય લેખો

ક્રિકેટ

સ્નેહ રાણાની ઇનિંગ્સને લીધે મહિલા ટીમે મૅચ ડ્રૉ કરી

એકમાત્ર ટેસ્ટમાં ઇંગ્લૅન્ડ સામે ફૉલોઑન બાદ બીજી ઇનિંગ્સમાં આપી જોરદાર લડત

20 June, 2021 10:06 IST | Mumbai | Gujarati Mid-day Correspondent
ક્રિકેટ

કોહલી આઉટ હતો કે નહીં? અમ્પાયરે જ લીધો રિવ્યુ

અમ્પાયર રિચર્ડ ઇલિંગવર્થે લેગ અમ્પાયર સાથે વાત કરી ત્યાર બાદ અમ્પાયર રિવ્યુ લેવાનો નિર્ણય લે છે. તેઓ વિકેટકીપરે સરખી રીતે કૅચ પકડ્યો હતો કે નહીં એ સંદર્ભે શંકાસ્પદ હોય છે. 

20 June, 2021 10:58 IST | Mumbai | Gujarati Mid-day Correspondent
ક્રિકેટ

ખરાબ શરૂઆત બાદ કોહલી અને રહાણેએ બાજી સંભાળી લીધી

પહેલા સેશનની સરખામણીમાં ન્યુ ઝીલૅન્ડના ફાસ્ટ બોલરોએ શિસ્તબદ્ધ બોલિંગ કરતાં બૅટ્સમેનોને સહેલાઈથી રન કરવા નહોતા દીધા. કોહલીએ પણ ડ્યુક બૉલનું સન્માન કરતાં કોલિન ડી ગ્રૅન્ડહોમની ત્રણ ઓવર મેઇડન કાઢી હતી.

20 June, 2021 10:47 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK