° °

આજનું ઇ-પેપર
Monday, 08 August, 2022


વિમ્બલ્ડનમાં ચેક રિપબ્લિકની ક્વિટોવા જીતી, પણ સિક્સ્થ-સીડેડ પ્લિસકોવા હારી

01 July, 2022 01:14 PM IST | New Delhi
Gujarati Mid-day Correspondent | feedbackgmd@mid-day.com

હવે ક્વિટોવાનો મુકાબલો ફૉર્થ-સીડેડ પોઉલા બડોસા સાથે થશે

ગઈ કાલે સિંગલ્સના બીજા રાઉન્ડમાં જીતી જનાર ચેક રિપબ્લિકની પેટ્રા ક્વિટોવા (તસવીર : એ.એફ.પી.)

ગઈ કાલે સિંગલ્સના બીજા રાઉન્ડમાં જીતી જનાર ચેક રિપબ્લિકની પેટ્રા ક્વિટોવા (તસવીર : એ.એફ.પી.)

૨૦૧૧માં અને ૨૦૧૪માં વિમ્બલ્ડનનો સિંગલ્સનો તાજ જીતનાર ચેક રિપબ્લિકની પેટ્રા ક્વિટોવા ગઈ કાલે લંડનમાં વિમ્બલ્ડન ચૅમ્પિયનશિપમાં બીજા રાઉન્ડમાં ઍના બૉગડેન સામે સ્ટ્રેઇટ-સેટમાં જીતી હતી, પરંતુ બીજો સેટ સ્ટ્રેઇટફૉર્વર્ડ નહોતો. પ્રથમ સેટ ૬-૧થી જીતી લીધા પછી તેણે બીજા સેટમાં સંઘર્ષ કરવો પડ્યો હતો અને છેવટે ૭-૫થી જીતી હતી.

હવે ક્વિટોવાનો મુકાબલો ફૉર્થ-સીડેડ પોઉલા બડોસા સાથે થશે. સ્પેનની બડોસાએ ગઈ કાલે સેકન્ડ રાઉન્ડમાં રોમાનિયાની ઇરિના બારાને ૬-૩, ૬-૨થી હરાવીને થર્ડ રાઉન્ડમાં એન્ટ્રી કરી હતી.
ગયા વર્ષે વિમ્બલ્ડનની ફાઇનલમાં પહોંચેલી ચેક રિપબ્લિકની સિક્સ્થ-સીડેડ કૅરોલિના પ્લિસકોવા ગઈ કાલે બીજા રાઉન્ડમાં બ્રિટનની કૅટી બૉઉલ્ટર સામે ૩-૬, ૭-૬, ૬-૪થી હારી ગઈ હતી. કરીઅરમાં સૌથી મોટો અપસેટ સર્જનાર બૉઉલ્ટર પહેલી જ વાર ગ્રૅન્ડ સ્લૅમના ત્રીજા રાઉન્ડમાં પહોંચી છે.

પુરુષોમાં લિઆમ બ્રૉડીએ ડિએગો સ્વાર્ટ્ઝમૅનને પાંચ સેટના મુકાબલામાં ૬-૨, ૪-૬, ૦-૬, ૮-૬, ૬-૧થી, સ્ટેફાનોસ સિત્સીપાસે જૉર્ડન થૉમ્પસનને ૬-૨, ૬-૩, ૭-૫થી હરાવ્યો હતો.

01 July, 2022 01:14 PM IST | New Delhi | Gujarati Mid-day Correspondent

અન્ય લેખો


This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK