° °

આજનું ઇ-પેપર
Tuesday, 09 August, 2022


ટી૨૦માં ૨૦૦૦ રન અને ૧૦૦ વિકેટ : શાકિબ વિશ્વનો પ્રથમ પ્લેયર

05 July, 2022 05:39 PM IST | Mumbai
Gujarati Mid-day Correspondent | feedbackgmd@mid-day.com

વેસ્ટ ઇન્ડીઝ ૧-૦થી સિરીઝમાં આગળઃ શાકિબની ઓવરમાં પૉવેલના ૨૩ રન

શાકિબ-અલ-હસન (જમણે) રવિવારની મૅચમાં કાતિલ ફૉર્મમાં હતો, પણ જિતાડી નહોતો શક્યો. એક તબક્કે હેડન વૉલ્શ જુનિયરથી  તેનો કૅચ છૂટી ગયો હતો (એકદમ જમણે) છતાં શાકિબ બંગલાદેશને વિજય નહોતો અપાવી શક્યો. (એ.એફ.પી.)

શાકિબ-અલ-હસન (જમણે) રવિવારની મૅચમાં કાતિલ ફૉર્મમાં હતો, પણ જિતાડી નહોતો શક્યો. એક તબક્કે હેડન વૉલ્શ જુનિયરથી તેનો કૅચ છૂટી ગયો હતો (એકદમ જમણે) છતાં શાકિબ બંગલાદેશને વિજય નહોતો અપાવી શક્યો. (એ.એફ.પી.)

વેસ્ટ ઇન્ડીઝ અને બંગલાદેશ વચ્ચેની પ્રથમ ટી૨૦ વરસાદને લીધે ધોવાઈ ગયા બાદ ડોમિનિકા ટાપુમાં રવિવારે બીજી મૅચ રમાઈ હતી જેમાં બંગલાદેશ હારી ગયું હતું અને એ પહેલાં મૅચવિનર રૉવમન પૉવેલે (અણનમ ૬૧, ૨૮ બૉલ, છ સિક્સર, બે ફોર) શાકિબ-અલ-હસનની એક ઓવરમાં ૨૩ રન (૬, ૪, ૬, ૬, ૧, ૦) ઝૂડી કાઢ્યા હતા, પરંતુ એકંદરે શાકિબ માટે આ મૅચ શુકનવંતી રહી હતી, કારણ કે તે ટી૨૦ ઇન્ટરનૅશનલ્સમાં ૨૦૦૦ રન બનાવવા ઉપરાંત ૧૦૦ વિકેટ લેનારો વિશ્વનો પહેલો ખેલાડી બન્યો હતો.
૯૮ ટી૨૦માં શાકિબના ૧૨૦.૭૮ના સ્ટ્રાઇક-રેટ સાથે કુલ ૨૦૦૫ રન અને ૧૨૦ વિકેટ છે. તેણે રવિવારની મૅચમાં શાનદાર હાફ સેન્ચુરી (અણનમ ૬૮, બાવન બૉલ, ત્રણ સિક્સર, પાંચ ફોર) ફટકારી હતી, પણ તેની બધી મહેનત પાણીમાં ગઈ હતી, કારણ કે ૨૦ ઓવરમાં બંગલાદેશની ટીમ ૧૯૪ રનના લક્ષ્યાંક સામે ૬ વિકેટે ૧૫૮ રન સુધી પહોંચી શકી હતી. વેસ્ટ ઇન્ડીઝના ઑબેડ મૅકોય અને રોમારિયો શેફર્ડે બે-બે વિકેટ લીધી હતી.
પૉવેલને મૅન ઑફ ધ મૅચનો અવૉર્ડ મળ્યો હતો. હવે ગુરુવારે પ્રોવિડન્સમાં ત્રીજી અને આખરી ટી૨૦ રમાશે.

05 July, 2022 05:39 PM IST | Mumbai | Gujarati Mid-day Correspondent

અન્ય લેખો

ક્રિકેટ

સિરીઝ-વિન પછી છેલ્લી મૅચમાં હાર્દિક કૅપ્ટન

રોહિત શર્માની ગેરહાજરીમાં હાર્દિક પંડ્યાને ટીમનું સુકાન સોંપાયું હતું

08 August, 2022 02:58 IST | New Delhi | Gujarati Mid-day Correspondent
ક્રિકેટ

મંધાનાએ ફાસ્ટેસ્ટ ફિફ્ટીનો પોતાનો રેકૉર્ડ તોડ્યો

૨૩મા બૉલમાં ૫૦ રન પૂરા કર્યા હતા. આ પહેલાં તેણે ૨૦૧૯ની સાલમાં ૨૪ બૉલમાં અને ૨૦૧૮માં ૨૫ બૉલમાં હાફ સેન્ચુરી પૂરી કરી હતી

08 August, 2022 02:57 IST | New Delhi | Gujarati Mid-day Correspondent
ક્રિકેટ

CWG : ભારતીય મહિલા ક્રિકેટ ટીમ માત્ર નવ રનથી ગોલ્ડ ચૂકી, સિલ્વરથી માન્યો સંતોષ

ફાઇનલમાં ઓસ્ટ્રેલિયા મહિલા ક્રિકેટ ટીમ જીતી ગોલ્ડ

08 August, 2022 08:52 IST | Birmingham | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK