° °

આજનું ઇ-પેપર
Monday, 17 January, 2022


વિરાટ કોહલીએ છોડી દીધી ટેસ્ટની કેપ્ટન્સી, સોશિયલ મીડિયા પર શેર કર્યો ઈમોશનલ લેટર

15 January, 2022 07:27 PM IST | New Delhi | Gujarati Mid-day Online Correspondent

તેણે ટ્વિટ કરીને ચાહકોને આ માહિતી આપી હતી.

ફાઇલ તસવીર

ફાઇલ તસવીર

વિરાટ કોહલીએ ODI અને T20 બાદ હવે ભારતની ટેસ્ટ ટીમની કેપ્ટન્સી છોડી દીધી છે. તેણે ટ્વિટ કરીને ચાહકોને આ માહિતી આપી હતી. અત્યાર સુધીમાં તેણે ટીમ ઈન્ડિયા માટે 68 ટેસ્ટ મેચમાં કેપ્ટનશિપ કરી છે. આ દરમિયાન ભારતે 40 મેચ જીતી છે અને 17 હારનો સામનો કરવો પડ્યો છે. ટીમ ઈન્ડિયાને તાજેતરમાં દક્ષિણ આફ્રિકા સામેની ટેસ્ટ શ્રેણીમાં 1-2થી હારનો સામનો કરવો પડ્યો હતો.

ભારતીય ટીમના દિગ્ગજ ખેલાડી વિરાટ કોહલીએ ટ્વિટર દ્વારા કેપ્ટનશિપ છોડવાની માહિતી આપી હતી. તેણે ટ્વિટર પર એક લાંબો પત્ર લખ્યો છે. આમાં તેણે BCCI અને તેના ફેન્સનો આભાર માન્યો છે. આ સાથે વિરાટે તેની અત્યાર સુધીની સફરનો પણ ઉલ્લેખ કર્યો છે.

વિરાટે પત્રમાં લખ્યું છે કે “મેં છેલ્લા 7 વર્ષમાં સખત મહેનત કરીને ટીમને સાચી દિશામાં લઈ જવાનો પ્રયાસ કર્યો છે. મેં મારી જવાબદારી પૂરી નિષ્ઠાથી નિભાવી છે.”

BCCIનો આભાર માનતા કોહલીએ લખ્યું કે “હું BCCIનો આભાર માનવ માગુ છું, તેઓએ મને આટલા લાંબા સમય સુધી ભારતીય ટીમનો કેપ્ટન રહેવાની તક આપી.”

ઉલ્લેખનીય છે કે વિરાટે ટીમ ઈન્ડિયા માટે અત્યાર સુધી 99 ટેસ્ટ મેચ રમી છે. આ દરમિયાન તેણે 7962 રન બનાવ્યા છે. કોહલીએ ટેસ્ટ ફોર્મેટમાં 27 સદી અને 28 અડધી સદી ફટકારી છે. ટેસ્ટમાં તેનો સર્વશ્રેષ્ઠ સ્કોર અણનમ 254 રન છે.

15 January, 2022 07:27 PM IST | New Delhi | Gujarati Mid-day Online Correspondent

અન્ય લેખો

ક્રિકેટ

અન્ડર-19 વર્લ્ડ કપમાં ઑસ્ટ્રેલિયા, શ્રીલંકાની વિજયી શરૂઆત

ઑસ્ટ્રેલિયાએ યજમાન વેસ્ટ ઇન્ડીઝને ૬ વિકેટથી અને શ્રીલંકાએ સ્કૉટલૅન્ડને ૪૦ રનથી હરાવ્યું હતું

16 January, 2022 03:31 IST | New Delhi | Gujarati Mid-day Correspondent
ક્રિકેટ

ઍશિઝમાં ૧૭માંથી ૧૬ વિકેટ ફાસ્ટ બોલરોએ લીધી, એક રનઆઉટ

ઑસ્ટ્રેલિયાના ૩૦૩ બાદ ઇંગ્લૅન્ડ ૧૮૮માં ઑલઆઉટ અને પછી કાંગારૂઓએ ૩૭ રનમાં ૩ વિકેટ ગુમાવી

16 January, 2022 03:26 IST | New Delhi | Gujarati Mid-day Correspondent
ક્રિકેટ

વિરાટ ઍન્ડ કંપનીના સ્ટમ્પ-માઇક પરના આક્રોશનો બ્રૉડકાસ્ટરે આપ્યો જવાબ

સાઉથ આફ્રિકા સામેની નિર્ણાયક ટેસ્ટ દરમ્યાન હરીફ સુકાની ડીન એલ્ગર વિરુદ્ધના એલબીડબ્લ્યુના નિર્ણયને ડીઆરએસમાં (થર્ડ અમ્પાયરે) નકારી કાઢ્યો ત્યાર બાદ વિરાટ કોહલીએ સ્ટમ્પ-માઇક પર બળાપો કાઢ્યો હતો

16 January, 2022 03:21 IST | New Delhi | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK