Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સ્પોર્ટ્સ સમાચાર > ક્રિકેટ > આર્ટિકલ્સ > નાગદેવી સ્પોર્ટ‍્સ ગ્રુપની ક્રિકેટ સ્પર્ધામાં વિપસા વૉરિયર્સ ચૅમ્પિયન

નાગદેવી સ્પોર્ટ‍્સ ગ્રુપની ક્રિકેટ સ્પર્ધામાં વિપસા વૉરિયર્સ ચૅમ્પિયન

20 January, 2023 12:08 PM IST | Mumbai
Gujarati Mid-day Correspondent | feedbackgmd@mid-day.com

ફાઈનલમાં બાવીસ રનથી વિજય: ડીપીએક્સ ડાયનામાઇટ્સ રનર-અપ

નાગદેવી સ્પોર્ટ‍્સ ગ્રુપની ક્રિકેટ સ્પર્ધામાં વિપસા વૉરિયર્સ ચૅમ્પિયન

નાગદેવી સ્પોર્ટ‍્સ ગ્રુપની ક્રિકેટ સ્પર્ધામાં વિપસા વૉરિયર્સ ચૅમ્પિયન


નાગદેવી સ્પોર્ટ્સ ગ્રુપ (એનએસજી) દ્વારા આયોજિત ક્રિકેટ ટુર્નામેન્ટ જિનહર્ષ ટીમકેન અડોર કપ-૨૦૨૩માં વિપસા વૉરિયર્સે ચૅમ્પિયનપદ મેળવ્યું છે. બૉલબેરિંગ્સના વેપારીઓ વચ્ચેની આ લેધર બૉલ ક્રિકેટ સ્પર્ધા સીઝન-૪ ઘાટકોપર-વેસ્ટના ફાતિમા હાઈ સ્કૂલ ગ્રાઉન્ડમાં યોજાઈ હતી.

ડીપીએક્સ ડાયનામાઇટ્સ સામેની ડે ઍન્ડ નાઇટ ફાઇનલમાં વિપસાએ બૅટિંગ લીધા પછી ૨૦ ઓવરમાં ૬ વિકેટે ૧૬૦ રન બનાવ્યા હતા, જેમાં વિકેટકીપર યોગેશભાઈ બોરીવલી (૧૭ બૉલમાં ૪૪), પ્રિયેશ શાહ (૪૩ બૉલમાં ૪૧) અને વત્સલ દોશી (૨૩ બૉલમાં ૨૩)નાં મુખ્ય યોગદાનો હતાં. ડીપીએક્સના ભાવિન મહેતાએ બે વિકેટ લીધી હતી. ડીપીએક્સ ટીમ ૧૬૧ રનના લક્ષ્યાંક સામે ૧૮.૫ ઓવરમાં ૧૩૮ રને ઑલઆઉટ થતાં વિપસાનો બાવીસ રનથી વિજય થયો હતો. કૅપ્ટન અલીઅસગર શિકારીએ ૧૪ બૉલમાં ૨૭ રન, નીલ શાહે ૧૫ બૉલમાં ૨૩ રન અને રાજેશ સરવૈયાએ ૧૨ બૉલમાં ૧૫ રન બનાવ્યા હતા. વિપસાના વિપુલ સંઘવીએ ૧૫ રનમાં ત્રણ, સાહિલ પારેખે ૧૮ રનમાં ત્રણ તથા દર્શક સલોતે ૨૯ રનમાં ત્રણ વિકેટ લીધી હતી. વિપુલ સંઘવીને મૅન ઑફ ધ ફાઇનલનો અવૉર્ડ અપાયો હતો.


Whatsapp-channel Whatsapp-channel

20 January, 2023 12:08 PM IST | Mumbai | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK