° °

આજનું ઇ-પેપર
Monday, 29 November, 2021


MS Dhoni: આવતા વર્ષે પણ ધોની હેઠળ જ રહેશે CSKની ટીમ, ફ્રેન્ચાઇઝીએ આપ્યું નિવેદન

17 October, 2021 08:31 PM IST | Mumbai | Gujarati Mid-day Online Correspondent

CSKના એક ઑફિશિયલ મુજબ આવતા વર્ષે પણ ટીમની કમાન ધોનીના હાથમાં રહેશે. તેમણે જણાવ્યું કે આવતા વર્ષે જ્યારે ટીમમાં હાજર ખેલાડીઓ પર વાત થશે તો ટીમના કૅપ્ટન તરીકે ફરી એકવાર સૌથી પહેલા ધોનીના નામ પર જ સ્ટેમ્પ લાગશે.

ધોની (તસવીર સૌજન્ય મિડ-ડે)

ધોની (તસવીર સૌજન્ય મિડ-ડે)

MS Dhoni in IPL: આ વર્ષે આઇપીએલના (IPL 2021) ખિતાબ પર કબજો મેળવતા જ ચેન્નઇ સુપર કિંગ્સની સાથે એમએસ ધોનીના ભવિષ્યને લઈને અટકળો પર તો પહેલાથી જ વિરામ મૂકાયો હતો. હવે CSKના મેનેજમેન્ટે પણ આવતા વર્ષે ધોનીને ટીમમાં રિટેન કરવાને લઈને મોટું નિવેદન આપ્યું છે. CSKના એક ઑફિશિયલ મુજબ આવતા વર્ષે પણ ટીમની કમાન ધોનીના હાથમાં રહેશે. તેમણે જણાવ્યું કે આવતા વર્ષે જ્યારે ટીમમાં હાજર ખેલાડીઓ પર વાત થશે તો ટીમના કૅપ્ટન તરીકે ફરી એકવાર સૌથી પહેલા ધોનીના નામ પર જ સ્ટેમ્પ લાગશે.

ANI સાથે વાત કરતા CSKના અધિકારીએ કહ્યું, "જ્યારે આવતા વર્ષે ઑક્શનમાં રિટંશન કાર્ડનો ઉપયોગ થશે તો સૌથી પહેલા કૅપ્ટન તરીકે ફરી એકવાર મહેન્દ્ર સિંહ ધોનીનું નામ નક્કી કરવામાં આવશે. આવતા વર્ષે કેટલા રિટેન્શન કાર્ડ મળશે તેને લઈને હાલ કોઈ માહિતી નથી. જો કે, ધોનીના કેસમાં આથી કોઈ ફરક નથી પડતો. કારણકે પહેલો કાર્ડ તેની માટે જ ઉપયોગમાં લેવાશે. CSKના આ જહાજને પોતાના કૅપ્ટનની જરૂર છે અને આવતા વર્ષે તે ફરી એકવાર ટીમની આગેવાની કરતો જોવા મળશે."

ધોનીએ પણ આપ્યા હતા કમબૅકના સંકેત
IPL ફાઇનલ બાદ ધોનીએ પણ CSK સાથે પોતાના ભવિષ્ટને લઈને મોટું નિવેદન આપ્યું હતું. જેના પછી સંકેત મળ્યા કે માહી આવતા  વર્ષે એકવાર ફરી CSKની કૅપ્ટનશિપ કરતો જોવા મળી શકે છે. ગયા વર્ષથી લઈને અત્યાર સુધી IPLમાં ધોનીની બેટ લગભગ શાંત જ છે. જેના પછી તેના આવતા વર્ષે પીળી જર્સીમાં દેખાવાને લઈને અટકળો શરૂ થઈ હતી. જો કે, કૅપ્ટન કૂલ (Captain Cool)એ આ વખતે પોતાનો ચોથો IPL ખિતાબ જીતીને લગભગ બધી જ અટકળોને વિરામ આપ્યો છે.

ફાઇનલ મેચ બાદ કમેન્ટેટર હર્ષા ભોગલેએ ધોનીને કહ્યું હતું કે તમે તમારી પાછળ ચેન્નઈની ટીમ માટે એક મોટી ધરોહર છોડીને જઈ રહ્યા છો. જવાબમાં ધોનીએ હસતા તરત કહ્યું, "આમ તો મેં અત્યાર સુધી છોડ્યું નથી." જણાવવાનું કે ધોનીની આઇસીસી ટી20 વર્લ્ડ કપમાં (ICC T20 World Cup)માં ટીમ ઇન્ડિયાના મેન્ટર તરીકે નિયુક્તિ થઈ છે. આશા છે કે તે પોતાની IPLની સફળતા સાથે વર્લ્ડ કપમાં પણ ટીમ ઇન્ડિયાેને ખિતાબ અપાવવામાં મદદ કરી શકશે.

17 October, 2021 08:31 PM IST | Mumbai | Gujarati Mid-day Online Correspondent

અન્ય લેખો

ક્રિકેટ

News in short: સિંધુ સેમીમાં ભૂતપૂર્વ વર્લ્ડ ચૅમ્પિયન સામે હારી ગઈ

સિંધુનો ૨૧-૧૫, ૯-૨૧, ૧૪-૨૧થી પરાજય થયો હતો.

28 November, 2021 03:41 IST | Mumbai | Gujarati Mid-day Correspondent
ક્રિકેટ

અક્ષરે બાજી અપાવી : હવે બૅટર્સની કસોટી

સાધારણ ટાર્ગેટ ન્યુ ઝીલૅન્ડ સામે ભારતને જિતાડી શકે ઃ કિવીઓએ ગઈ કાલે છેલ્લી ૯ વિકેટ માત્ર ૯૯ રનમાં ગુમાવી

28 November, 2021 03:36 IST | Mumbai | Gujarati Mid-day Correspondent
ક્રિકેટ

સહાની ઈજા બાદ વિકેટકીપર ભરતના ત્રણ લાજવાબ શિકાર

ગઈ કાલે ભરતે કાનપુરમાં ન્યુ ઝીલૅન્ડ સામે શાનદાર પ્રદર્શન કર્યું હતું.

28 November, 2021 03:24 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK