Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સ્પોર્ટ્સ સમાચાર > ક્રિકેટ > આર્ટિકલ્સ > News In Shorts: વન-ડે બૅટિંગના ટૉપ-ટેનમાં મંધાના એકમાત્ર ભારતીય

News In Shorts: વન-ડે બૅટિંગના ટૉપ-ટેનમાં મંધાના એકમાત્ર ભારતીય

06 July, 2022 02:47 PM IST | Mumbai
Gujarati Mid-day Correspondent | feedbackgmd@mid-day.com

ભારતની વાઇસ કૅપ્ટન સ્મૃતિ મંધાના મહિલાઓની વન-ડેના આઇસીસી રૅન્કિંગ્સમાં ટૉપ-ટેનમાં પહોંચેલી એકમાત્ર ભારતીય છે.

સ્મૃતિ મંધાના

સ્મૃતિ મંધાના


વન-ડે બૅટિંગના ટૉપ-ટેનમાં મંધાના એકમાત્ર ભારતીય

ભારતની વાઇસ કૅપ્ટન સ્મૃતિ મંધાના મહિલાઓની વન-ડેના આઇસીસી રૅન્કિંગ્સમાં ટૉપ-ટેનમાં પહોંચેલી એકમાત્ર ભારતીય છે. તે આઠમા નંબરે આવી ગઈ છે. તેણે સોમવારે શ્રીલંકા સામેની વન-ડેમાં ૮૩ બૉલમાં ૯૪ રન ફટકાર્યા હતા. આ લિસ્ટમાં ઑસ્ટ્રેલિયાની અલીસા હિલી પહેલા નંબરે અને ઇંગ્લૅન્ડની નૅટલી શિવર ત્રીજા સ્થાને છે. ભારતને શ્રીલંકા સામેની વન-ડે સિરીઝમાં ૨-૦થી સરસાઈ અપાવવામાં મોટી ભૂમિકા ભજવનાર ઑલરાઉન્ડર દીપ્તિ શર્મા અને ઓપનર શફાલી વર્માના રૅન્કિંગમાં પણ ઘણો સુધારો થયો છે. 



રિચર્ડ્‍સને પ્રતિ​ષ્ઠિત કૅરિબિયન અવૉર્ડ
૧૯૭૪થી ૧૯૯૧ દરમ્યાન વેસ્ટ ઇન્ડીઝ વતી ૧૨૧ ટેસ્ટ અને ૧૮૭ વન-ડેમાં કુલ ૩૫ સેન્ચુરી સહિત ૧૫,૦૦૦થી વધુ રન બનાવનાર સર વિવિયન રિચર્ડ્‍સ વેસ્ટ ઇન્ડીઝના ‘ઑર્ડર ઑફ ધ કૅરિબિયન કમ્યુનિટી (કૅરિકૉમ) નામના પ્રતિષ્ઠિત પુરસ્કારથી સન્માનિત કરાયા છે. તેમને રવિવારે સાંજે સુરિનામમાં ૪૩મી કૉન્ફરન્સ ઑફ હેડ્સ ઑફ ગવર્નમેન્ટમાં આ અવૉર્ડ એનાયત કરાયો હતો. રિચર્ડ્‍સે ઈશ્વરની ભેટ સમાન ક્રિકેટ-ટૅલન્ટથી, મનોબળ અને શારીરિક સુસજ્જતાથી તેમ જ ક્રિકેટ બૅટથી વિશ્વભરમાં વેસ્ટ ઇન્ડીઝને અપ્રતિમ ગૌરવ અપાવ્યું એ બદલ તેમનું આ સન્માન કરાયું છે.


ન્યુ ઝીલૅન્ડમાં મહિલા ક્રિકેટરોને પુરુષો જેટલી જ ફી
ન્યુ ઝીલૅન્ડ ક્રિકેટ બોર્ડે જાહેર કર્યું છે કે દેશમાં પ્રોફેશનલ મહિલા ક્રિકેટરોને રમવા બદલ પુરુષ ખેલાડીઓ જેટલી જ ફી એક જ દિવસે આપવામાં આવશે. મહિલા ક્રિકેટરોમાં સૌથી ઊંચા રૅન્કની પ્લેયર્સને વર્ષે હવે ૮૩,૪૩૨ ન્યુ ઝીલૅન્ડ ડૉલરથી વધારીને ૧,૬૩,૨૪૬ ડૉલર મળશે. એ જ પ્રમાણે ઉદાહરણ તરીકે નવમી રૅન્કની ખેલાડીઓને વર્ષે ૬૬,૨૬૬ ડૉલરને બદલે હવે ૧,૪૮,૯૪૬ ડૉલર મળશે.


Whatsapp-channel Whatsapp-channel

06 July, 2022 02:47 PM IST | Mumbai | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK