° °

આજનું ઇ-પેપર
Sunday, 20 June, 2021


તેંડુલકરે કરી મોટી દલીલ, કહ્યું- DRSથી ફક્ત LBW આઉટ હોવાનો થાય નિર્ણય

12 July, 2020 07:09 PM IST | Mumbai Desk | Gujarati Mid-day Online Correspondent

તેંડુલકરે કરી મોટી દલીલ, કહ્યું- DRSથી ફક્ત LBW આઉટ હોવાનો થાય નિર્ણય

સચિન તેન્દુલકર

સચિન તેન્દુલકર

પૂર્વ ભારતીય દિગ્ગજ બૅટ્સમેન સચિન તેંડુલકરે વિશ્વ ક્રિકેટ માટે એક મહત્વની સલાહ આપી છે. સચિન તેંડુલકરની આ સલાહ ખેલાડીઓને પણ ગમશે એવી છે, પણ ઇન્ટરનેશનલ ક્રિકેટ કાઉન્સિલ એટલે કે આઇસીસી અને મેરિલબોન ક્રિકેટ ક્લબ એટલે કે એમસીસી આ બાબતે વિચાર કરે એ શક્ય લાગતું નથી, કારણકે સચિન તેંડુલકરે એ દલીલ કરી છે કે LBWનો નિર્ણય ફક્ત અને ફક્ત DRSથી થવો જોઇએ.

શનિવારે મહાન બૅટ્સમેન સચિન તેંડુલકરે કહ્યું કે જો ડીઆરએસ (ડિસિઝન રિવ્યૂ સિસ્ટમ) પ્રમાણે બૉલ સ્ટમ્પ પર લાગે છે તો મેદાનના અમ્પાયરના નિર્ણય વિશે ન વિચારવું જોઇએ. તેમણે આગળ કહ્યું કે જો શૂન્ય ટકા બૉલ પણ સ્ટમ્પ પર લાગી રહ્યો છે તો એ અર્થહિન છે. જો ડીઆરએસ બતાવે છે કે બૉલ સ્ટમ્પ પર લાગ્યો છે તો આઉટ આપવું જોઇએ. ત્યારે મેદાનના અમ્પાયરનો નિર્ણય અર્થહિન રહે છે.

સચિન સ્પષ્ટપણે માને છે કે LBWનો નિર્ણય થર્ડ અમ્પાયરનો જ હોવો જોઇએ. હકીકતે, ઘણીવાર જ્યારે કૅપ્ટન કે બૅટ્સમેન ડીઆરએસ માટે કૉલ કરે છે અને અમ્પાયરે કોઇ ખેલાડીને LBW આપી દીધું છે અને ટેક્નોલૉજી દ્વારા જોવામાં આવે છે કે બૉલ સ્ટમ્પને અડીને બહાર થઈને જઇ રહ્યો છે તો અમ્પાયરનો નિર્ણય માન્ય થાય છે, પણ જો અમ્પાયર ખેલાડીને આઉટ ન આપે તો પછી નિર્ણય નૉટ આઉટ હોય છે.

જણાવવાનું કે પોતે ક્રિકેટના ભગવાન કહેવાતા સચિન તેંડુલકરે પોતાના કરિઅરમાં અનેક વાર LBWના ખોટાં નિર્ણયોના શિકાર થયા હતા, જો કે, તે સમયે આ પ્રકારની ટેક્નિક નહોતી,પણ હવે જ્યારે બધાં પાસે આ ટેક્નિક છે તો પછી આનો ઉપયોગ થવો જોઇએ. ફક્ત સચિન જ નહીં, પણ તમામ પૂર્વ ક્રિકેટર પણ આ દલીલ આપી ચૂક્યા છે કે LBWના નિયમમાં અમુક ફેરફાર થવા જોઇએ.

12 July, 2020 07:09 PM IST | Mumbai Desk | Gujarati Mid-day Online Correspondent

અન્ય લેખો

ક્રિકેટ

સ્નેહ રાણાની ઇનિંગ્સને લીધે મહિલા ટીમે મૅચ ડ્રૉ કરી

એકમાત્ર ટેસ્ટમાં ઇંગ્લૅન્ડ સામે ફૉલોઑન બાદ બીજી ઇનિંગ્સમાં આપી જોરદાર લડત

20 June, 2021 10:06 IST | Mumbai | Gujarati Mid-day Correspondent
ક્રિકેટ

કોહલી આઉટ હતો કે નહીં? અમ્પાયરે જ લીધો રિવ્યુ

અમ્પાયર રિચર્ડ ઇલિંગવર્થે લેગ અમ્પાયર સાથે વાત કરી ત્યાર બાદ અમ્પાયર રિવ્યુ લેવાનો નિર્ણય લે છે. તેઓ વિકેટકીપરે સરખી રીતે કૅચ પકડ્યો હતો કે નહીં એ સંદર્ભે શંકાસ્પદ હોય છે. 

20 June, 2021 10:58 IST | Mumbai | Gujarati Mid-day Correspondent
ક્રિકેટ

ખરાબ શરૂઆત બાદ કોહલી અને રહાણેએ બાજી સંભાળી લીધી

પહેલા સેશનની સરખામણીમાં ન્યુ ઝીલૅન્ડના ફાસ્ટ બોલરોએ શિસ્તબદ્ધ બોલિંગ કરતાં બૅટ્સમેનોને સહેલાઈથી રન કરવા નહોતા દીધા. કોહલીએ પણ ડ્યુક બૉલનું સન્માન કરતાં કોલિન ડી ગ્રૅન્ડહોમની ત્રણ ઓવર મેઇડન કાઢી હતી.

20 June, 2021 10:47 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK