બાબર આઝમ પાકિસ્તાનનો અને નિકોલસ પૂરન કૅરિબિયન ટીમનો કૅપ્ટન છે
ફાઇલ તસવીર
પાકિસ્તાનના મુલતાન શહેરમાં ૪૫ ડિગ્રી સેલ્સિયસ તાપમાન છે અને એવી પરિસ્થિતિમાં આજે પાકિસ્તાન અને વેસ્ટ ઇન્ડીઝ વચ્ચે ત્રણ મૅચની વન-ડે સિરીઝ શરૂ થઈ રહી છે. પરિણામ એ છે કે આવી અસહ્ય ગરમીને લીધે મૅચ મોડી સાંજે (સાંજે ૪.૩૦ વાગ્યે) શરૂ થશે અને મધરાત સુધી ચાલશે. આ શ્રેણી રાજકીય કારણસર રાવલપિંડીથી ખસેડીને મુલતાનમાં લાવવામાં આવી છે. બાબર આઝમ પાકિસ્તાનનો અને નિકોલસ પૂરન કૅરિબિયન ટીમનો કૅપ્ટન છે.
લાહોર અને કરાચીમાં ક્રિકેટ મેદાનો પર સમારકામ તેમ જ નવી પિચ બેસાડવાનું કામ ચાલી રહ્યું હોવાથી પાકિસ્તાન ક્રિકેટ બોર્ડે દેશના સૌથી હૉટ ગણાતા મુલતાનમાં સિરીઝ રાખવી પડી છે.
