સાઉથ આફ્રિકાની ઓપનિંગ જોડીએ ૪.૩ ઓવરમાં ૪૪ રનની પાર્ટનરશિપ સાથે જીત આસાન બનાવી દીધી હતી
જ્યૉર્જ લિન્ડે
પહેલી ટી૨૦માં છેલ્લી ઓવરમાં હાર્યા બાદ ગઈ કાલે બીજી મૅચમાં સ્ટાર ખેલાડીઓ વગરની સાઉથ આફ્રિકાએ ૬ વિકેટે જીત સાથે શાનદાર કમબૅક કર્યું હતું. ટૉસ જીતીને પ્રથમ બૅટિંગ કરતાં પાકિસ્તાન જ્યૉર્જ લિન્ડે (૨૩ રનમાં ૩) અને લિઝાર્ડ વિલિયમ્સ (૩૫ રનમાં ૩)ના તરખાટ સામે ૯ વિકેટે ૧૪૦ રન જ બનાવી શક્યું હતું. પાકિસ્તાન વતી કૅપ્ટન બાબર આઝમ (૫૦ બૉલમાં ૫૦) અને મોહમ્મદ હાફિઝ (૨૩ બૉલમાં ૩૨ રન) સિવાય કોઈ ખાસ નહોતું કરી શક્યું. પહેલી મૅચનો હીરો મોહમ્મદ રિઝવાન પહેલા જ બૉલમાં ખાતું ખોલાવ્યા વિના આઉટ થઈ ગયો હતો.
સાઉથ આફ્રિકાની ઓપનિંગ જોડીએ ૪.૩ ઓવરમાં ૪૪ રનની પાર્ટનરશિપ સાથે જીત આસાન બનાવી દીધી હતી. આખરે ૧૪ ઓવરમાં ચાર વિકેટ ગુમાવીને સાઉથ આફ્રિકાએ મૅચ જીતી લીધી હતી અને ચાર મૅચની સિરીઝમાં ૧-૧થી બરોબરી કરી લીધી હતી. લિન્ડે મૅન ઑફ ધ મૅચ બન્યો હતો.
ADVERTISEMENT
ત્રીજી મૅચ આવતી કાલે રમાશે.