° °

આજનું ઇ-પેપર
Wednesday, 05 October, 2022


ન્યુ ઝીલૅન્ડની એક જીતના ચાર મૅચ-વિનર્સ

12 August, 2022 12:52 PM IST | New Delhi
Gujarati Mid-day Correspondent | feedbackgmd@mid-day.com

બીજી ટી૨૦ (ભારતીય સમય મુજબ આવતી કાલે રાતે ૧૨.૦૦ વાગ્યાથી) રમાશે

નીશૅમે બુધવારે રોમારિયો શેફર્ડનો લાજવાબ કૅચ પકડ્યો હતો. (તસવીર : એ. એફ.પી.) WI vs NZ

નીશૅમે બુધવારે રોમારિયો શેફર્ડનો લાજવાબ કૅચ પકડ્યો હતો. (તસવીર : એ. એફ.પી.)

કેન વિલિયમસનના સુકાનમાં વેસ્ટ ઇન્ડીઝના પ્રવાસે આવેલી ન્યુ ઝીલૅન્ડની ટીમે બુધવારે ત્રણ મૅચવાળી ટી૨૦ સિરીઝની પહેલી રસાકસીભરી મૅચમાં ૧૩ રનથી જે વિજય મેળવ્યો એ ખાસ કરીને ચાર ખેલાડીઓનાં યોગદાનને આભારી હતો. ખુદ કૅપ્ટન વિલિયમસન (૪૭ રન, ૩૩ બૉલ, બે સિક્સર, ચાર ફોર), ડેવોન કૉન્વે (૪૩ રન, ૨૯ બૉલ, બે સિક્સર, ચાર ફોર) અને જેમ્સ નીશામ (૩૩ અણનમ, ૧૫ બૉલ, બે સિક્સર, ત્રણ ફોર)ની ફટકાબાજીની મદદથી કિવી ટીમ પાંચ વિકેટે ૧૮૫ રન બનાવી શકી હતી. જોકે સ્પિનર મિચલ સૅન્ટનર (૪-૦-૧૯-૩) મૅન ઑફ ધ મૅચ બન્યો હતો.

કિવીઓની ઇનિંગ્સમાં કૅરિબિયન ફાસ્ટ બોલર ઓડિયન સ્મિથે સૌથી વધુ ત્રણ વિકેટ લીધી હતી.

વેસ્ટ ઇન્ડીઝની ટીમ ૨૦ ઓવરમાં ૭ વિકેટે ૧૭૨ રન બનાવી શકી હતી, જેમાં શામરાહ બ્રુક્સના ત્રણ સિક્સરની મદદથી બનેલા ૪૨ રન, રોમારિયો શેફર્ડના ત્રણ સિક્સરની મદદથી બનેલા અણનમ ૩૧, ઓડિયન સ્મિથના અણનમ ૨૭ અને જેસન હોલ્ડરના પચીસ રનનો સમાવેશ હતો. ૨૦મી ઓવર ટિમ સાઉધીને સોંપાઈ હતી. એ ઓવરમાં કૅરિબિયનોને ૨૬ રનની જરૂર હતી જેની સામે ફક્ત ૧૨ રન બન્યા હતા. સૅન્ટનરની ત્રણ વિકેટ ઉપરાંત બૉલ્ટ, સાઉધી, ફર્ગ્યુસન, સોઢીને એક-એક વિકેટ મળી હતી. કિવી ઑલરાઉન્ડર જેમ્સ નીશામે અણનમ ૩૩ રન બનાવવા ઉપરાંત બે શાનદાર કૅચ પણ પકડ્યા હતા.

બીજી ટી૨૦ (ભારતીય સમય મુજબ આવતી કાલે રાતે ૧૨.૦૦ વાગ્યાથી) રમાશે.

12 August, 2022 12:52 PM IST | New Delhi | Gujarati Mid-day Correspondent

અન્ય લેખો

ક્રિકેટ

News In Short: ગપ્ટિલનો વિક્રમી સાતમો વર્લ્ડ કપઃ કિવી ટીમ જાહેર

કેન વિલિયમસનના સુકાનમાં ગઈ કાલે જાહેર કરાયેલી વર્લ્ડ કપની ટીમ આ મુજબ છે

21 September, 2022 12:37 IST | New Delhi | Gujarati Mid-day Correspondent
ક્રિકેટ

ઑસ્ટ્રેલિયાને ૪૪/૫ના ધબડકા પછી ૧૫૮ રનની ભાગીદારીએ જિતાડ્યું

ન્યુ ઝીલૅન્ડ સામે કૅમેરન ગ્રીનના અણનમ ૮૯ અને ઍલેક્સ કૅરીના ૮૫

07 September, 2022 11:38 IST | New Delhi | Gujarati Mid-day Correspondent
ક્રિકેટ

News In Short: ક્રિકેટમાં બહુ ઝડપથી પરિવર્તન આવી રહ્યું છે : કેન

આજે ન્યુ ઝીલૅન્ડ અને ઑસ્ટ્રેલિયા વચ્ચેની પ્રથમ વન-ડે ભારતીય સમય મુજબ સવારે ૯.૫૦ વાગ્યે શરૂ થઈ રહી છે.

06 September, 2022 01:22 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK