Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સ્પોર્ટ્સ સમાચાર > ક્રિકેટ > આર્ટિકલ્સ > દુબઈમાં મુંબઈકરોએ જોયો વર્લ્ડ કપનો મુકાબલો

દુબઈમાં મુંબઈકરોએ જોયો વર્લ્ડ કપનો મુકાબલો

25 October, 2021 09:22 AM IST | Dubai
Shailesh Nayak | shailesh.nayak@mid-day.com

સ્ટેડિયમમાં ૮૦ ટકા ભારતીય પ્રેક્ષકો અને એમાં ૩૦ ટકા ગુજરાતીઓ

ભારતીય ત્રિરંગા સાથે સ્ટેડિયમમાં મુંબઈના મિત્રો

ભારતીય ત્રિરંગા સાથે સ્ટેડિયમમાં મુંબઈના મિત્રો


દુબઈમાં ગઈ કાલે રમાયેલી ટી૨૦ વર્લ્ડ કપની ભારત-પાકિસ્તાન વચ્ચેની હાઈ-વૉલ્ટેજ મૅચનો રોમાંચક મુકાબલો મુંબઈના ક્રિકેટચાહકો સહિતના અસંખ્ય ભારતતરફી ફૅન્સે સ્ટેડિયમમાં બેસીને માણ્યો હતો અને ટીમ ઇન્ડિયાને ચિયર-અપ કરી હતી.

દુબઈના સ્ટેડિયમમાંથી ‘મિ-ડે’ સાથે વાત કરતાં વિલે પાર્લેના વિશાલ મેરવાણાએ મૅચની શરૂઆતમાં કહ્યું હતું કે ‘સ્ટેડિયમમાં આ મૅચને લઈને જબરદસ્ત માહોલ છે. મારા મતે સ્ટેડિયમમાં ૮૦ ટકા ઇન્ડિયન પ્રેક્ષકો છે, જેમાંથી ૨૦થી ૩૦ ટકા ગુજરાતી ક્રિકેટપ્રેમીઓ મૅચ જોવા આવ્યા છે. ભારત-પાકિસ્તાન વચ્ચેની રોમાંચક મૅચની શરૂઆતથી જ સ્ટેડિયમમાં અમે સૌ ઉત્સાહી છીએ.’



ભારત-પાકિસ્તાન વચ્ચે દુબઈમાં રમાયેલી મૅચ જોવા માટે મુંબઈના કાંદિવલી, બોરીવલી, વિલે પાર્લે અને મુલુંડથી ૯ મિત્રો હેમાંગ શાહ, આશિષ પંચાલ, બંકિમ દોશી, કૌશલ શાહ, રાકેશ છેડા, ધર્મેશ શાહ, મિહિર વોરા, વિશાલ મેરવાણા અને નિખિલ દોશી દુબઈ ગયા હતા અને એકસાથે સ્ટેડિયમમાં બેસીને ભારત-પાકિસ્તાન વચ્ચે રમાયેલા મોસ્ટ એક્સાઇટિંગ મુકાબલાની મોજ માણી હતી.


અંધેરીમાં રહેતી ક્રિકેટની દીવાની અને ભારત-પાકિસ્તાનની મૅચ સ્ટેડિયમમાં જોવાનો મોકો મળતાં દુબઈ ગયેલી નેહા જૈન. તે ખાસ કરીને સ્ટેડિયમમાં વાગતાં ઢોલ-નગારાં વચ્ચે ટીમ ઇન્ડિયાને ચિયર-અપ કરવાના હેતુથી તેમ જ ભારત આર્મીના મિત્રો સાથે બેસીને મૅચ જોવા ત્યાં ગઈ હતી.


ટીમ ઇન્ડિયાને ચિયર-અપ કરવા સ્ટેડિયમમાં મૅચ જોવા પહોંચેલા ભારતીય ક્રિકેટપ્રેમીઓ

વિલે પાર્લેના વિશાલ મેરવાણાએ ત્રિરંગા સાથે સ્ટેડિયમમાં પહોંચીને મૅચ માણી હતી

એક તો રવિવાર હતો અને બીજું એ કે ભારત-પાકિસ્તાનની વર્લ્ડ કપની મૅચ હતી એટલે અમદાવાદમાં ઠેર-ઠેર સોસાયટીઓમાં બાળકો સહિતના ક્રિકેટપ્રેમીઓએ આ રીતે ભેગાં મળીને પ્રોજેક્ટરની મદદથી મૅચ માણવાનો માહોલ રચ્યો હતો. ભારતીય ટીમના ખેલાડીઓ ચોગ્ગા-છગ્ગા ફટકારતા હતા ત્યારે ઢોલ-નગારાં વગાડીને સૌ આનંદ માણતા હતા.

Whatsapp-channel Whatsapp-channel

25 October, 2021 09:22 AM IST | Dubai | Shailesh Nayak

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK