° °

આજનું ઇ-પેપર
Monday, 06 February, 2023


મોહમ્મદ શમીનો સારવાર કરવાતો ફોટો થયો વાયરલ, સ્ટાર ક્રિકેટરે શૅર કરી ઈમોશનલ પોસ્ટ

04 December, 2022 05:48 PM IST | Mumbai
Gujarati Mid-day Online Correspondent | gmddigital@mid-day.com

32 વર્ષીય મોહમ્મદ શમી ઑક્ટોબર-નવેમ્બરમાં ઓસ્ટ્રેલિયા ટૂર પર T20 વર્લ્ડ કપ રમ્યો હતો

બૅન્ગલોરમાં ખભાની સારવાર કરાવતો મોહમ્મદ શમી.

બૅન્ગલોરમાં ખભાની સારવાર કરાવતો મોહમ્મદ શમી.

બાંગ્લાદેશ પ્રવાસ પર ત્રણ મેચની વનડે શ્રેણી પહેલા ભારતીય ટીમને મોટો ઝટકો લાગ્યો છે. અનુભવી ઝડપી બોલર મોહમ્મદ શમી (Mohammad Shami) ઈજાના કારણે આ વનડે શ્રેણીમાંથી બહાર થઈ ગયો છે. શમીને જમણા ખભા પર આ ઈજા થઈ હતી. તેના સ્થાને ઉમરાન મલિકને ટીમમાં સામેલ કરવામાં આવ્યો છે.

દરમિયાન મોહમ્મદ શમીની હૉસ્પિટલની કેટલીક તસવીરો સામે આવી છે. આમાં શમી તેની સારવાર કરાવતો જોવા મળી રહ્યો છે. શમીએ પોતે આ ફોટો પોતાના સોશિયલ મીડિયા એકાઉન્ટ ટ્વિટર અને ઈન્સ્ટાગ્રામ પર શૅર કર્યો છે.

32 વર્ષીય મોહમ્મદ શમી ઑક્ટોબર-નવેમ્બરમાં ઓસ્ટ્રેલિયા ટૂર પર T20 વર્લ્ડ કપ રમ્યો હતો. આ પછી જ્યારે શમી પાછો ફર્યો તો પ્રેક્ટિસ સેશન દરમિયાન જ તેને ઈજા થઈ હતી. આ ઈજાને કારણે તે બાંગ્લાદેશ સામેની વનડે શ્રેણીમાંથી બહાર થઈ ગયો હતો.

શમીએ હૉસ્પિટલની પોતાની તસવીરો શૅર કરીને ઈમોશનલ પોસ્ટ પણ લખી હતી. તેણે કહ્યું કે, “સામાન્ય રીતે ઈજા તમને દરેક ક્ષણની કદર કરતા શીખવે છે. મારી કારકિર્દીમાં મને ઘણી ઈજાઓ થઈ છે. તે તમને એક પરિપ્રેક્ષ્ય આપે છે.”

 
 
 
 
 
View this post on Instagram
 
 
 
 
 
 
 
 
 
 
 

A post shared by Mohammad Shami , محمد الشامي (@mdshami.11)

ભારતીય ટીમના અનુભવી ફાસ્ટ બોલરે પોતાની પોસ્ટમાં આગળ લખ્યું કે, “મારા કરિયરમાં મને કેટલી વાર ઇજા થઈ છે, તેનાથી કોઈ ફરક પડતો નથી. હું દરેક વખતે ઈજાઓમાંથી શીખ્યો છું. આ સાથે તેણે જોરદાર વાપસી કરી છે.

મોહમ્મદ શમીની આ ઈજા કેટલી ગંભીર છે, તે હજુ સુધી જાણી શકાયું નથી. જો ઈજા ગંભીર હશે તો તેને બાંગ્લાદેશ સામેની બે ટેસ્ટ મેચની શ્રેણીમાંથી પણ બહાર રહેવું પડશે. આવી સ્થિતિમાં વર્લ્ડ ચેમ્પિયનશિપની દૃષ્ટિએ ટીમ ઈન્ડિયા માટે આ મોટો ફટકો હશે.

આ પણ વાંચો: જર્મનીનો ફરી ફ્લૉપ શો

ભારતીય ટીમને બાંગ્લાદેશ પ્રવાસ પર ત્રણ વનડે અને બે ટેસ્ટ મેચોની શ્રેણી રમવાની છે. પ્રવાસની શરૂઆત ODI શ્રેણીથી થશે, જેની પ્રથમ મેચ રવિવારે (4 ડિસેમ્બર) ઢાકામાં રમાઈ રહી છે.

04 December, 2022 05:48 PM IST | Mumbai | Gujarati Mid-day Online Correspondent

અન્ય લેખો

ક્રિકેટ

પાર્થ ભૂતના ઑલરાઉન્ડર પ્રદર્શને સૌરાષ્ટ્રને પહોંચાડ્યું સેમી ફાઇનલમાં

પંજાબને ક્વૉર્ટર ફાઇનલમાં ૭૧ રનથી હરાવનાર સૌરાષ્ટ્રની ટીમ રણજી ટ્રોફીની સેમી ફાઇનલમાં કર્ણાટક સામે ટકરાશે

05 February, 2023 11:02 IST | Mumbai | Gujarati Mid-day Correspondent
ક્રિકેટ

શું ગિલના રૂપમાં ભારતને અપેક્ષા મુજબનો ઓપનિંગ બૅટર મળી ગયો?

છેલ્લા ઘણા સમયથી ટીમ ઇન્ડિયાને ચિંતા હતી કે ટીમનાં ત્રણેય ફૉર્મેટમાં રમી શકે એવો ઓપનિંગ બૅટર કોણ હશે? એનો જવાબ ન્યુ ઝીલૅન્ડ સામેની ઘરઆંગણાની સિરીઝે આપી દીધો છે

05 February, 2023 10:55 IST | Mumbai | Adhirajsinh Jadeja
ક્રિકેટ

આ વખતે નબળી છે ભારતીય ટીમ : ચૅપલ

ભૂતપૂર્વ ભારતીય કોચના મતે ઈજાને કારણે પંત બહાર છે, તો ફાસ્ટ બોલર બુમરાહ પહેલી બે ટેસ્ટમાં નહીં રમી શકે એથી રોહિતના નેતૃત્વવાળી ટીમને ચાર મૅચની સિરીઝમાં ઑસ્ટ્રેલિયા હરાવી શકે છે

05 February, 2023 10:45 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK