૩૪૮ રનના ટાર્ગેટ સામે વેસ્ટ ઇન્ડીઝ ૧૬૦ રનમાં થઈ ગયુ ઑલઆઉટ
વેસ્ટ ઇન્ડીઝને ૧૮૭ રનથી હરાવીને વિજયની ઉજવણી કરતા શ્રીલંકાના ખેલાડીઓ.
ટેસ્ટમાં વેસ્ટ ઇન્ડીઝને ૧૮૭ રનથી હરાવ્યું હતું. પાંચમા દિવસે બાવન રનની અંદર જ ૬ વિકેટ ગુમાવી દેનાર વેસ્ટ ઇન્ડીઝની ટીમના બૅટર્સ જોસુઆ ડાસિલ્વા અને કૃમાહ બોનરે ૧૭૩ બૉલમાં ૧૦૦ રનની પાર્ટનરશિપ કરી હતી, પણ લંચબ્રેક પહેલાં ડાસિલ્વા ૫૪ રને આઉટ થતાં વેસ્ટ ઇન્ડીઝે ૧૧૮ રનમાં પોતાની સાતમી વિકેટ ગુમાવી હતી. વિજય માટે હજી ૨૩૦ રનની જરૂર હતી.
ત્યાર બાદ અન્ય બૅટર્સ સારું પ્રદર્શન કરવામાં નિષ્ફળ રહ્યા હતા. બોનર ૬૮ રને નૉટઆઉટ રહ્યો હતો. સમગ્ર ટીમ ૧૬૦ રનમાં ઑલઆઉટ થઈ ગઈ હતી. પહેલી ઇનિંગ્સમાં ૧૮૪ રન અને બીજી ઇનિંગ્સમાં ૮૩ રન કરનાર કૅપ્ટન દિમુથ કરુણારત્નેને પ્લેયર ઑફ ધ મૅચ જાહેર કરાયો હતો.
