પુણેમાં વિમેન્સ ટી૨૦ ચૅલેન્જમાં આજે જે ત્રીજી મૅચ રમાવાની છે એમાંની એક ટીમ ૨૩ મેએ પરાજિત થઈ હતી, જ્યારે બીજી ટીમ ૨૪ મેએ જીતી હતી.
૨૪મીએ વેલોસિટીની દીપ્તિ શર્મા અને લોઉરા વૉલવાર્ટ (ઉપર) વચ્ચે ૭૧ રનની અતૂટ ભાગીદારી થઈ હતી. બીસીસીઆઇ / આઇપીએલ
પુણેમાં વિમેન્સ ટી૨૦ ચૅલેન્જમાં આજે જે ત્રીજી મૅચ રમાવાની છે એમાંની એક ટીમ ૨૩ મેએ પરાજિત થઈ હતી, જ્યારે બીજી ટીમ ૨૪ મેએ જીતી હતી. સ્મૃતિ મંધાનાની કૅપ્ટન્સીમાં ટ્રેઇલબ્લેઝર્સનો સોમવારે હરમનપ્રીત કૌરની સુપરનોવાસ ટીમ સામે ૪૯ રનથી પરાભવ થયો હતો અને દીપ્તિની વેલોસિટી ટીમે મંગળવારે સુપરનોવાસને ૭ વિકેટે હરાવી હતી. આજે મંધાના ઇલેવન જીતીને સ્પર્ધામાં ટકી રહેવા કોઈ કસર બાકી નહીં છોડે, જ્યારે દીપ્તિની ટીમ શનિવારની ફાઇનલમાં પહોંચવા કોઈ તક જતી નહીં કરે. આજની મૅચ અને શનિવારની ફાઇનલ સાંજે ૭.૩૦ વાગ્યાથી રમાશે.