° °

આજનું ઇ-પેપર
Wednesday, 26 January, 2022


લેથમે ફટકાર્યા ૨૫૨ રન અને બોલ્ટે લીધી ૩૦૦મી વિકેટ

11 January, 2022 05:21 PM IST | Mumbai | Gujarati Mid-day Correspondent

બંગલાદેશ ૧૨૬ રનમાં ઑલઆઉટ થયા બાદ આજે હારવાની તૈયારીમાં

લેથમે ફટકાર્યા ૨૫૨ રન અને બોલ્ટે લીધી ૩૦૦મી વિકેટ

લેથમે ફટકાર્યા ૨૫૨ રન અને બોલ્ટે લીધી ૩૦૦મી વિકેટ

ક્રાઇસ્ટચર્ચમાં ન્યુ ઝીલૅન્ડે ગઈ કાલે બંગલાદેશ સામેનો પ્રથમ દાવ ૬ વિકેટે ૫૨૧ રનના સ્કોર પર ડિક્લેર કર્યો ત્યાર બાદ બંગલાદેશની ટીમ ફક્ત ૧૨૬ રનમાં ઑલઆઉટ થઈ ગઈ હતી. બંગલાદેશ ફૉલો-ઑન થતાં આજે ત્રીજા દિવસે જ આ ટીમ હારી શકે અને સિરીઝ ૧-૧થી બરાબરીમાં થઈ શકે, કારણ કે ગઈ કાલે એ યજમાનોથી ૩૯૫ રન પાછળ હતી.
ઓપનિંગ બૅટર ટૉમ લેથમ (૨૫૨ રન, ૩૭૩ બૉલ, ૫૫૨ મિનિટ, ૨ સિક્સર, ૩૪ ફોર) અને ફાસ્ટ બોલર ટ્રેન્ટ બોલ્ટ (૧૩.૨-૩-૪૩-૫) ગઈ કાલના બે હીરો હતા. લેથમે બીજી ડબલ સેન્ચુરી ફટકારી હતી, જ્યારે નવમી વખત ટેસ્ટના દાવમાં પાંચ વિકેટ લીધી હતી. બોલ્ટ ટેસ્ટ-ક્રિકેટમાં ૩૦૦મી વિકેટ લેનારો હેડલી, વેટોરી, સાઉધી પછીનો ચોથો કિવી બોલર તેમ જ વિશ્વનો પાંચમો લેફ્ટ-આર્મ ફાસ્ટ બોલર પણ બન્યો છે.
ગઈ કાલે સવારે લેથમના સાથી-બૅટર ડેવોન કૉન્વે (૧૦૯ રન, ૧૬૬ બૉલ, ૨૨૭ મિનિટ, એક સિક્સર, બાર ફોર)એ ત્રીજી સદી નોંધાવી હતી. વિકેટકીપર ટૉમ બ્લૅન્ડલે ૮ ફોરની મદદથી બનેલા અણનમ ૫૭ રનનું યોગદાન આપ્યું હતું. એ પછી બંગલાદેશના દાવમાં યાસિર અલીના પંચાવન રન હાઇએસ્ટ હતા. અન્ય કિવી બોલરોમાં ટિમ સાઉધીએ ત્રણ તથા કાઇલ જૅમીસને બે વિકેટ લીધી હતી.

1
માત્ર આટલા બૅટરે ટેસ્ટમાં ઓપનર તરીકે લેથમથી વધુ વખત ૨૫૦-પ્લસ રન બનાવ્યા છે અને એ પ્લેયર છે સેહવાગ જેના ચાર વાર ૨૫૦-પ્લસ હતા. ગ્રેમ સ્મિથ, ગેઇલ, કુક, વૉર્નર પણ લેથમની સાથે છે.

1
કિવી પ્લેયર કૉન્વે પહેલી પાંચેપાંચ ટેસ્ટના પ્રથમ દાવમાં ૫૦-પ્લસ સ્કોર નોંધાવનારો આટલામો ખેલાડી છે. પહેલી પાંચ ટેસ્ટમાં તેના કુલ ૬૨૩ રન છે. માત્ર ગાવસકર (૮૩૧) અને જ્યૉર્જ હેડલી (૭૧૪) તેનાથી આગળ છે.

11 January, 2022 05:21 PM IST | Mumbai | Gujarati Mid-day Correspondent

અન્ય લેખો

ક્રિકેટ

સ્મૃતિ મંધાના બીજી વાર બની મહિલા ક્રિકેટર ઑફ ધ યર

પુરુષોમાં પાકિસ્તાનના પેસ બોલર શાહીન શાહ આફ્રિદીએ બાજી મારી, બાબર આઝમ વન-ડે અને જો રુટ ટેસ્ટ ક્રિકેટર ઑફ ધ યર જાહેર

25 January, 2022 03:30 IST | Mumbai | Gujarati Mid-day Correspondent
ક્રિકેટ

પુત્રી વામિકાના ફોટોને લીધે વિરાટ થયો નારાજ

મારી દીકરીના ફોટો ગઈ કાલે સ્ટેડિયમમાં પાડી લેવામાં આવ્યા છે અને એને સોશ્યલ મીડિયામાં મોટા પ્રમાણમાં શૅર કરવામાં આવી રહ્યા છે. અમે બધાને જણાવવા માગીએ છીએ કે અમે ઊંઘતાં ઝડપાઈ ગયાં છીએ.’

25 January, 2022 03:17 IST | Mumbai | Gujarati Mid-day Correspondent
ક્રિકેટ

હાર્દિક અને જાડેજાની ગેરહાજરીને લીધે વન-ડે ટીમના બૅલૅન્સમાં થઈ ગરબડ

વન-ડે સિરીઝમાં વાઇટવૉશ બાદ કોચ દ્રવિડની કબૂલાત, જોકે તેમણે નવા કૅપ્ટન રાહુલ અને યુવા ખેલાડીઓ શાર્દુલ ઠાકુર તથા દીપક ચાહરની ભારે પ્રશંસા કરી

25 January, 2022 03:10 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK