° °

આજનું ઇ-પેપર
Friday, 01 July, 2022


ભારતની વૉર્મ-અપ મૅચમાં વિકેટકીપર શ્રીકાર ભરત હિટ, બાકી બધા ફ્લૉપ

24 June, 2022 12:18 PM IST | Mumbai
Gujarati Mid-day Correspondent | feedbackgmd@mid-day.com

પ્રૅક્ટિસ-મૅચ હોવાથી પુજારા, પંત, બુમરાહ, ક્રિષ્ના લેસ્ટરશરની ટીમ વતી રમ્યા

શ્રીકાર ભરત

શ્રીકાર ભરત

લેસ્ટરમાં ગઈ કાલે ભારતના પ્રવાસની ચાર-દિવસીય વૉર્મ-અપ મૅચ શરૂ થઈ હતી જેમાં લેસ્ટરશર સામે રમતના અંત સુધીમાં રોહિત શર્મા ઍન્ડ કંપનીએ ૮ વિકેટના ભોગે ૨૪૬ રન બનાવ્યા હતા. વિકેટકીપર-બૅટર શ્રીકાર ભરત (૭૦ નૉટઆઉટ, ૧૧૧ બૉલ, ૧૫૮ મિનિટ, એક સિક્સર, આઠ ફોર) ટીમનો હાઇએસ્ટ-સ્કોરર હતો. રોહિત (૨૫ રન), શુભમન ગિલ (૨૧), હનુમા વિહારી (૩), વિરાટ કોહલી (૩૩), શ્રેયસ ઐયર (૦), રવીન્દ્ર જાડેજા (૧૩), શાર્દુલ ઠાકુર (૬), ઉમેશ યાદવ (૨૩)માંથી કોઈ પણ બૅટર લાંબી ઇનિંગ્સ નહોતો રમી શક્યો. મોહમ્મદ શમી ૧૮ રને રમી રહ્યો હતો.

ભારત અને ઇંગ્લૅન્ડ વચ્ચે પહેલી જુલાઈએ એકમાત્ર ટેસ્ટની શરૂઆત થશે.

લેસ્ટરશર વતી ૨૧ વર્ષના ફાસ્ટ બોલર રોમન વૉકરે પાંચ, વિલ ડેવિસે બે અને પ્રસિદ્ધ ક્રિષ્નાએ એક વિકેટ લીધી હતી. પ્રૅક્ટિસ-મૅચ હોવાથી ચેતેશ્વર પુજારા, રિષભ પંત, જસપ્રીત બુમરાહ અને પ્રસિદ્ધ ક્રિષ્ના ભારતને બદલે લેસ્ટરશર વતી રમ્યા હતા. બુમરાહને ૩૪ રનમાં ભારતની એકેય વિકેટ નહોતી મળી, પરંતુ ક્રિષ્ના મિડલના બૅટર શ્રેયસ ઐયરની વિકેટ લેવામાં સફળ થયો હતો.
‍બોલર ક્રિષ્નાને બૅટર કોહલીની ટિપ્સ!

રસપ્રદ વાત એ છે કે ક્રિષ્નાએ ઐયરની વિકેટ લીધી એ પહેલાં તેને બૅટર વિરાટ કોહલી પાસેથી થોડી ટિપ્સ મળી હતી.

ગિલનો કૅચ પંતે પકડ્યો!
આ વૉર્મ-અપ મૅચમાં આઇપીએલ જેવો માહોલ હતો. આઇપીએલમાં ભારતીય ખેલાડી અન્ય કોઈ ભારતીયની વિકેટ લે એમ ક્રિષ્નાએ ઐયરની વિકેટ લીધી હતી, શુભમન ગિલનો કૅચ લેસ્ટરશર વતી કીપિંગ કરનાર વિકેટકીપર રિષભ પંતે ડેવિસના બૉલમાં પકડ્યો હતો. શ્રેયસનો કૅચ પણ પંતે જ પકડ્યો હતો.

અશ્વિન કોવિડ પછી પાછો ટીમ સાથે જોડાઈ ગયો

ટીમ ઇન્ડિયા સાથે ઇંગ્લૅન્ડનો પ્રવાસ પોતાના કોવિડ-પૉઝિટિવ રિપોર્ટને કારણે શરૂ ન કરી શકનાર રવિચન્દ્રન અશ્વિન ગઈ કાલે લેસ્ટરમાં ટીમ સાથે જોડાયો હતો. તે ટૂર મુલતવી રાખ્યા પછી ક્વૉરન્ટીનમાં હતો. ટીમ મૅનેજમેન્ટને ખાતરી છે કે અશ્વિન પહેલી જુલાઈએ શરૂ થનારી ટેસ્ટ પહેલાં ફુલ્લી ફિટ થઈ જશે.

24 June, 2022 12:18 PM IST | Mumbai | Gujarati Mid-day Correspondent

અન્ય લેખો

ક્રિકેટ

સિરીઝ જૂની, પણ કૅપ્ટન-કોચ નવા : આજથી ભારત-ઇંગ્લૅન્ડ વચ્ચે ટક્કર

બેન સ્ટોક્સ-બુમરાહ પહેલી વાર કૅપ્ટન તરીકે સામસામે : બ્રેન્ડન મૅક્લમ અને દ્રવિડના કોચિંગની કસોટી : એજબૅસ્ટનમાં ભારત ક્યારેય ટેસ્ટ નથી જીત્યું : વરસાદની આગાહી

01 July, 2022 01:58 IST | Mumbai | Gujarati Mid-day Correspondent
ક્રિકેટ

બ્રિટનની મહિલા પ્લેયર છે ક્રિકેટરોની ફૅન અને ફ્રેન્ડ

કોહલીને પ્રપોઝ કરનાર અને અર્જુન સાથે ડિનર-ડેટ પર જનાર ક્રિકેટર ડૅની વ્યૉટની મીડિયામાં અસંખ્ય ખેલાડીઓ સાથે તસવીરો છે

01 July, 2022 01:53 IST | Mumbai | Gujarati Mid-day Correspondent
ક્રિકેટ

વિમ્બલ્ડનમાં ચેક રિપબ્લિકની ક્વિટોવા જીતી, પણ સિક્સ્થ-સીડેડ પ્લિસકોવા હારી

હવે ક્વિટોવાનો મુકાબલો ફૉર્થ-સીડેડ પોઉલા બડોસા સાથે થશે

01 July, 2022 01:14 IST | New Delhi | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK