પૃથ્વી શૉએ ઈન્સ્ટાગ્રામ પર પોસ્ટ કરેલા ફોટામાં તે હોસ્પિટલના બેડ પર આરામ કરતો જોવા મળે છે
તસવીર સૌજન્ય: પૃથ્વી શૉનું અધિકૃત ઇન્સ્ટાગ્રામ એકાઉન્ટ
ઈન્ડિયન પ્રીમિયર લીગ (IPL)માં દિલ્હી કેપિટલ્સ (DC)મા પ્લેયર પૃથ્વી શૉને તાવ છે. રવિવારે પૃથ્વી શૉએ હોસ્પિટલમાંથી પોતાનો ફોટો શેર કર્યો હતો. પૃથ્વી શૉએ માહિતી આપી છે કે તે તાવમાંથી સ્વસ્થ થઈ રહ્યો છે.
તમને જણાવી દઈએ કે પૃથ્વી શૉ છેલ્લી મેચ રમી શક્યો ન હતો અને સ્ટેડિયમ પર પણ પહોંચ્યો ન હતો. હવે જ્યારે રવિવારે જ ટીમની ચેન્નાઈ સુપર કિંગ્સ સાથે મેચ છે, ત્યારે પૃથ્વી શોને હોસ્પિટલમાં દાખલ કરવામાં આવ્યો છે.
ADVERTISEMENT
પૃથ્વી શૉએ ઈન્સ્ટાગ્રામ પર પોસ્ટ કરેલા ફોટામાં તે હોસ્પિટલના બેડ પર આરામ કરતો જોવા મળે છે. પૃથ્વીએ કેપ્શનમાં લખ્યું છે કે તે તાવથી સ્વસ્થ થઈ રહ્યો છે અને તેને હોસ્પિટલમાં દાખલ કરવામાં આવ્યો છે. તે ટૂંક સમયમાં પાછો આવશે, તમારી પ્રાર્થનાઓ માટે બધાનો આભાર.
તમને જણાવી દઈએ કે રવિવારે જ દિલ્હી કેપિટલ્સનો મુકાબલો ચેન્નાઈ સુપર કિંગ્સ સાથે છે, પરંતુ તે પહેલા જ ટીમમાં કોરોનાનો મામલો સામે આવ્યો હતો. દિલ્હી કેપિટલ્સનો એક નેટ બોલર કોવિડ પોઝિટિવ હોવાનું જાણવા મળ્યું હતું, ત્યારબાદ તેને અને તેના રૂમમેટને આઈસોલેટ કરવામાં આવ્યા હતા.
દિલ્હી કેપિટલ્સમાં ભૂતકાળમાં લગભગ અડધો ડઝન કોરોના કેસ નોંધાયા છે, જેમાં કેટલાક ખેલાડીઓ અને સપોર્ટ સ્ટાફ સામેલ હતા. જોકે, હવે દરેક તેમાંથી સ્વસ્થ થઈ ગયા છે.