° °

આજનું ઇ-પેપર
Thursday, 13 May, 2021


IPL 2021: કલકત્તાના બે ખેલાડી કોરોના પૉઝિટિવ થતા આજની RCB સામેની મેચ રદ

03 May, 2021 01:01 PM IST | Ahmedabad | Gujarati Mid-day Online Correspondent

બાયો બબલમાં હોવા છતા વરૂણ ચક્રવર્તી અને સંદીપ વોરિયર્સનો કોરોના રિપોર્ટ પૉઝિટિવ

ફાઈલ તસવીર

ફાઈલ તસવીર

ઇન્ડિયન પ્રીમિયર લીગ (IPL)ની ૧૪મી સીઝનને પણ કોરોના વાયરસ (COVID-19)નું ગ્રહણ લાગી ગયું છે. કલકત્તા નાઇડ રાઇડર્સ (Kolkata Knight Riders)ની ટીમના બે પ્લેયર કોરોના સંક્રમિત થાય છે. વરૂણ ચક્રવર્તી અને સંદીપ વોરિયર્સનો કોરોના રિપોર્ટ પૉઝિટિવ આવતા અમદાવાદના નરેન્દ્ર મોદી સ્ટેડિયમમાં યોજાનારી આજની રૉયલ ચૅલેન્જર્સ બૅન્ગલોર (Royal Challengers Bangalore) સામેની મેચ રદ કરવામાં આવી છે. ખેલાડીઓને બાયોબલ રહેવા છતાં કોરોના સંક્રમિત થયા છે, જે ચિંતાનો વિષય છે.

બીસીસીઆઈના એક અધિકારીએ ન્યૂઝ એજન્સી એએનઆઈને કહ્યું કે, KKRના વરૂણ ચક્રવર્તી અને સંદીપ વોરિયર્સને કોરોનાનો ચેપ લાગ્યો છે. IPLના નિયમો અનુસાર આ બન્ને ખેલાડીઓને બાયો બબલમાં રાખવામાં આવ્યા હતા. આઈપીએલની ૧૪મી સીઝનની ૩૦મી મેચમાં સોમવારે અમદાવાદમાં રૉયલ ચૅલેન્જર્સ બૅન્ગલોર અને કલકત્તા નાઇડ રાઇડર્સ વચ્ચે રમાવવાની હતી. જે રદ કરવામં આવી છે. ક્રિકેટ વેબસાઇટ ઇએસપીએન ક્રિકઇન્ફોએ મેચ રદ કર્યાની જાણકારી આપી છે.

કહેવામાં આવી રહ્યું છે કે, વરૂણ ચક્રવર્તી હાલમાંજ પોતાના ખંભાનું સ્કેનિંગ કરવા માટે બાયો બબલની બહાર ગયો હતો. જ્યાં તે કોઈના સંપર્કમાં આવ્યો હોય શકે છે. ચક્રવર્તી અને વોરિયર્સ સિવાય તમામ ખેલાડીનો રિપોર્ટ નેગેટિવ આવ્યો છે.

તમને જણાવી દઈએ કે, IPLની ૧૪મી સીઝન પહેલાં જ ઘણા ખેલાડીઓ કોરોનાની ચપેટમાં આવ્યા હતા. કલકત્તા નાઇડ રાઇડર્સનો નીતિશ રાણા, રૉયલ ચૅલેન્જર્સ બૅન્ગલોરનો દેવદત્ત પડિક્કલ, દિલ્હી કૅપિટલ્સનો અક્ષર પટેલ, એનરિચ નોર્ખિયા અને ડેનિયલ સિમ્સને પણ કોરોનાનું સંક્રમણ લાગ્યું હતું. જોકે, દેશમાં દિલ્હી સહિત ૬ જગ્યાએ IPL યોજાઇ રહી છે. આવી સ્થિતિમાં એક જગ્યાએથી બીજી જગ્યાએ જવાથી ખેલાડીઓમાં સંક્રમણ લાગવાનું જોખમ વધી જાય છે.

03 May, 2021 01:01 PM IST | Ahmedabad | Gujarati Mid-day Online Correspondent

અન્ય લેખો

ક્રિકેટ

યુઝવેન્દ્ર ચહલના માતા-પિતાને લાગ્યું કોરોનાનું સંક્રમણ, પત્નીએ આપી માહિતી

ધનશ્રી વર્માએ ઈન્સ્ટાગ્રામ પર સ્ટોરી પોસ્ટ કરીને જણાવ્યું કે પરિવાર અત્યારે કેવી મુશ્કેલીઓનો સામાનો કરી રહ્યો છે

13 May, 2021 05:58 IST | Mumbai | Gujarati Mid-day Online Correspondent
ક્રિકેટ

ઇંગ્લૅન્ડમાં નેટ-પ્રૅક્ટિસ દરમ્યાન હાર્ટ-અટૅકથી ખેલાડીનું થયું મોત

ઇંગ્લૅન્ડના નૉટિંગહમશર તરફથી રમતા ક્રિકેટર જોશુઆ ડાઉનીનું અવસાન થયું છે. ૨૪ વર્ષની ઉંમરના આ ખેલાડીને નેટ-પ્રૅક્ટિસ દરમ્યાન હાર્ટ-અટૅક આવ્યો હતો.

13 May, 2021 03:22 IST | Mumbai | Gujarati Mid-day Correspondent
ક્રિકેટ

આ વર્ષે આઇપીએલમાં નહીં રમું : સ્ટોક્સ

ઇંગ્લૅન્ડના ઑલરાઉન્ડર બેન સ્ટોક્સે જણાવ્યું કે આંગળીની ઈજામાંથી તો ૯ સપ્તાહમાં સાજો થઈ જઈશ, પરંતુ આ વર્ષે મોકૂફ રહેલી આઇપીએલમાં નહીં રમી શકું

13 May, 2021 03:00 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK