ભારતની મેન્સ ક્રિકેટ ટીમે રવિવારે ફ્લોરિડામાં વેસ્ટ ઇન્ડીઝને ૮૮ રનથી હરાવીને ટી૨૦ સિરીઝ ૪-૧થી જીતી લીધી હતી
સંજુ સૅમ્સન અને અક્ષર પટેલ
ભારતની મેન્સ ક્રિકેટ ટીમે રવિવારે ફ્લોરિડામાં વેસ્ટ ઇન્ડીઝને ૮૮ રનથી હરાવીને ટી૨૦ સિરીઝ ૪-૧થી જીતી લીધી હતી. કૅરિબિયન ઇનિંગ્સમાં કૅપ્ટન હાર્દિક પંડ્યા પાસેથી પહેલી જ ઓવર કરવાની જવાબદારી મેળવનાર સ્પિનર અક્ષર પટેલ (૩-૧-૧૫-૩)ને મૅન ઑફ ધ મૅચનો અને સિરીઝમાં ૭ વિકેટ લેવાની સાથે સૌથી અસરદાર પર્ફોર્મ કરનાર પેસ બોલર અર્શદીપ સિંહને મૅન ઑફ ધ સિરીઝનો પુરસ્કાર અપાયો હતો.
ભારતે શ્રેયસના ૬૪, હૂડાના ૩૮ અને હાર્દિકના ૨૮ રનની મદદથી ૭ વિકેટે ૧૮૮ રન બનાવ્યા હતા. ઑડિયન સ્મિથે ત્રણ વિકેટ લીધી હતી. કૅરિબિયન ટીમ શિમરૉન હેટમાયરના ૫૬ રન છતાં માત્ર ૧૦૦ રનમાં આઉટ થઈ ગઈ હતી. અક્ષરની શરૂઆતની જ ત્રણ વિકેટને લીધે કૅરિબિયન ટીમની હાર ત્યાં જ લખાઈ ગઈ હતી. તેના ઉપરાંત રવિ બિશ્નોઈએ ૧૬ રનમાં ચાર, કુલદીપ યાદવે ૧૨ રનમાં ત્રણ વિકેટ લીધી હતી.