° °

આજનું ઇ-પેપર
Thursday, 30 June, 2022


ફાસ્ટ બોલર્સ અને મિડલ ઑર્ડર બૅટર્સને કારણે ભારતનું પલડું ભારે

19 June, 2022 02:26 PM IST | Mumbai
Gujarati Mid-day Correspondent | feedbackgmd@mid-day.com

આજે બૅન્ગલોરમાં સાઉથ આફ્રિકા સામે ટીમ ​ઇન્ડિયાની સિરીઝની છેલ્લી અને નિર્ણાયક ટી૨૦ : મેચ સાંજે ૭.૦૦ વાગ્યાથી શરુ થશે

રાજકોટમાં શુક્રવારે રમાયેલી મૅચ દરમ્યાન વિકેટની ઉજવણી કરતી ભારતીય ટીમ IND vs SA

રાજકોટમાં શુક્રવારે રમાયેલી મૅચ દરમ્યાન વિકેટની ઉજવણી કરતી ભારતીય ટીમ

સાઉથ આફ્રિકા સામે આજે ટી૨૦ સિરીઝની પાંચમી અને છેલ્લી મૅચમાં ભારતીય યુવા ટીમ પોતાની નબળાઈઓ દૂર કરીને શાનદાર પ્રદર્શન કરશે એવી આશા રાખશે. ભારત ૮ દિવસમાં ૪ મૅચ રમ્યું છે અને રાહુલ દ્રવિડની સાતત્ય જાળવવાની નીતિ મુજબ ફાઇનલ ઇલેવનમાં વધુ ફેરબદલ કરવામાં નથી આવ્યા. પહેલી બે મૅચ હાર્યા બાદ ભારત ત્રીજી મૅચ ૪૮ રનથી અને ચોથી મૅચ ૮૨ રનથી જીત્યું હતું. 

ચહલ પાસે વિશેષ આશા
કાર્તિકે ચોથી મૅચમાં મહત્ત્વની ભૂમિકા ભજવી હતી, તો હર્ષલ અને અવેશે પણ અપેક્ષા મુજબ પ્રદર્શન કર્યું હતું. ચહલ પોતાના પહેલા આઇપીએલના ઘરઆંગણેના મેદાનમાં કંઈક વિશેષ પ્રદર્શન કરવા માગશે. એમ. ચિન્નાસ્વામી સ્ટેડિયમમાં બન્ને ટીમ મેદાન પર ઊતરશે ત્યારે પહેલી બે મૅચમાં થાકેલી જણાતી ભારતીય ટીમ જીતની પ્રબળ દાવેદાર હશે. 

બવુમા કદાચ નહીં રમે
ટેમ્બા બવુમા જો ઈજામાંથી સારો ન થઈ શક્યો તો સાઉથ આફ્રિકાને તેની ખોટ વર્તાશે. છેલ્લી બે મૅચમાં તેમની બૅટિંગ નબળી જણાઈ હતી, જેની સામે ભારતીય બૅટર્સ વધુ મજબૂત જણાતા હતા. આ સિરીઝમાં ભારતીય ટીમ શ્રેષ્ઠ પ્રદર્શન કરી શકી નથી, પરંતુ બે મૅચમાં પરાજય બાદ વાપસી માટે અભિનંદનને પાત્ર જરૂર છે. 

પંતે સહન કરવી પડી ટીકા
યુવા કૅપ્ટન રિષભ પંત આઇપીએલ બાદ પોતાના ઘરે આરામ કરવાનું પસંદ કરત, પરંતુ જસપ્રીત બુમરાહ, રોહિત શર્મા અને વિરાટ કોહલીની ગેરહાજરીમાં ટીમમાં સ્ટાર પાવર યથાવત્ રાખવાને લીધે તેણે રમવું પડ્યું. પંત કૅપ્ટન્સીમાં કોઈ કમાલ કરી શક્યો નથી અને તેની બૅટિંગ પણ પ્રભાવિત થઈ છે. જો ભારત આ સિરીઝ જીતી શકે તો હાર્દિક પંડ્યા અને લોકેશ રાહુલ સાથે પંત પણ નેતૃત્વ કરનાર દળનો એક ભાગ હશે, કારણ કે ૨૦૨૩ વર્લ્ડ કપ બાદ ભારતીય ટીમ ફરી પાછા બદલાવના તબક્કામાંથી પસાર થશે. 

ભારતીય ટીમમાં ફેરબદલ
કોચ દ્રવિડ ટોચના ત્રણ ખેલાડીઓમાં ફેરબદલની સંભાવના પર વિચાર કરી શકે છે. ઋતુરાજ ગાયકવાડ સારી પિચ પર સારી બોલિંગ સામે નબળો સાબિત થયો છે. આંતરરાષ્ટ્રીય ક્રિકેટમાં તેની ટક્કર અનુભવહીન ડોમેસ્ટિક બોલર સામે નહીં થાય જેના પર તે ભારે પડી શકે. ઈશાન કિશન પાસે પણ મર્યાદિત શૉટ્સ છે. સિરીઝમાં ભલે તેણે વધુ રન બનાવ્યા હોય, પરંતુ ઑસ્ટ્રેલિયાની પિચ પર પેસ અને બાઉન્સ તેને માટે મુશ્કેલીનું કારણ બની શકે. શ્રેયસ ઐયરને સમગ્ર સિરીઝમાં રમવાની તક મળી, પરંતુ તે આ તકનો લાભ ઉઠાવી ન શક્યો. હવે આયરલૅન્ડ સામે બે ટી૨૦માં તેને બદલે સૂર્યકુમાર યાદવને તક મળશે. 

કાર્તિકને વર્લ્ડ કપમાં સ્થાન મળશે
કાર્તિક આયરલૅન્ડ સામેની ટી૨૦ મૅચમાં વિકેટકીપિંગ કરશે. ટી૨૦ વર્લ્ડ કપમાં તેને વિકેટકીપર બૅટ્સમૅન તરીકે ટીમમાં સ્થાન મળે તો નવાઈ નહીં. બોલર્સમાં ભુવનેશ્વર કુમાર નવા બૉ​લને સ્વિંગ કરાવે છે. અવેશ ખાન સારા બાઉન્સર નાખે છે એ ઑસ્ટ્રેલિયામાં ટી૨૦ વર્લ્ડ કપમાં ટીમમાં સ્થાન મેળવવા માટે તે પ્રબળ દાવેદાર છે. સ્પિનરોનું પ્રદર્શન આ સિરીઝમાં અપેક્ષા મુજબનું નથી રહ્યું. અક્ષર પટેલ વિવિધતા નથી લાવી રહ્યો અને ચહલ પણ સાતત્ય નથી દેખાડી શક્યો. 

19 June, 2022 02:26 PM IST | Mumbai | Gujarati Mid-day Correspondent

અન્ય લેખો

ક્રિકેટ

મૉર્ગન પહેલી મૅચ સ્કૉટલૅન્ડમાં આયરલૅન્ડ વતી રમ્યો

બે ઝીરોએ ઇંગ્લૅન્ડના ક્રિકેટ-હીરોની કરીઅર પર પડદો પડાવ્યો : બટલર બનશે મૉર્ગનનો અનુગામી

29 June, 2022 11:12 IST | Mumbai | Gujarati Mid-day Correspondent
ક્રિકેટ

વીરુના ટી૨૦ વર્લ્ડ કપ ટૉપ ઑર્ડરમાં કોહલીને ‘નો એન્ટ્રી’

આ વર્ષે ઑક્ટોબર-નવેમ્બરમાં ઑસ્ટ્રેલિયામાં રમાનારા ટી૨૦ વર્લ્ડ કપમાં કેવા અને કયા ખેલાડીઓનો સમાવેશ કરવો એ વિશે ભારતના ક્રિકેટ-નિષ્ણાતો પોતપોતાનાં મંતવ્ય આપી રહ્યા છે

29 June, 2022 11:05 IST | Mumbai | Gujarati Mid-day Correspondent
ક્રિકેટ

૨૦૨૩ની આઇપીએલ માટે મુંબઈ ઇન્ડિયન્સ ટીમની અત્યારથી પૂર્વતૈયારી

આ ફ્રૅન્ચાઇઝી ઇન્ટરનૅશનલ ક્રિકેટ ન રમ્યા હોય એવા ડોમેસ્ટિક પ્લેયર્સને ત્રણ અઠવાડિયાં માટે ઇંગ્લૅન્ડ લઈ જશે

29 June, 2022 10:59 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK