° °

આજનું ઇ-પેપર
Wednesday, 26 January, 2022


કોહલી સામે રબાડા જીત્યો : ભારતીય બોલરોની પરીક્ષા

12 January, 2022 11:49 AM IST | Cape Town | Gujarati Mid-day Online Correspondent

નિર્ણાયક ટેસ્ટમાં પહેલા દિવસે ભારત ૨૨૩ રનમાં ઑલઆઉટ

વિરાટ કોહલી ગઈ કાલનો સુપર-બૅટર હતો

વિરાટ કોહલી ગઈ કાલનો સુપર-બૅટર હતો

કેપ ટાઉનમાં ગઈ કાલે સાઉથ આફ્રિકા સામેની નિર્ણાયક ટેસ્ટમાં પ્રથમ દિવસે ભારતીય ટીમે બૅટિંગ લીધી હતી, પરંતુ ૨૨૩ રન પર ઑલઆઉટ થઈ ગઈ હતી. હવે ભારતીય બોલરોની આકરી કસોટી થશે. ભારત આ મૅચ જીતશે તો સાઉથ આફ્રિકામાં પહેલી જ વાર ટેસ્ટ-સિરીઝની ટ્રોફી પર કબજો કરશે. ગઈ કાલની રમતને અંતે સાઉથ આફ્રિકાનો સ્કોર એક વિકેટે 17 રન હતો. બુમરાહે ગઈ મેચના હીરો ડીન એલગરને આઉટ કર્યો હતો.
કમબૅક-કૅપ્ટન વિરાટ કોહલી (૭૯ રન, ૨૦૧ બૉલ, એક સિક્સર, બાર ફોર) ગઈ કાલનો સુપર-બૅટર હતો. તે ૫૦મી ટેસ્ટ રમી રહેલા ફાસ્ટ બોલર કૅગિસો રબાડા સામે ખૂબ લડ્યો હતો. રબાડાની સચોટ અને ધારદાર બોલિંગ સામે કોહલી ધૈર્ય, સંકલ્પ અને સંયમથી રમ્યો હતો, પણ છેવટે ભારતના દાવની ૭૩મી ઓવરમાં કોહલી ૯મી વિકેટ રૂપે રબાડાનો શિકાર થઈ ગયો હતો. રબાડાના ઑફ તરફના બૉલને અડવા જતાં તે વિકેટકીપર કાઇલ વરેઇનને કૅચ આપી બેઠો હતો.
કોહલીની ત્રણ ભાગીદારી
ચોથા નંબરે રમવા આવ્યા બાદ છેક નવમી વિકેટના રૂપમાં તે આઉટ થયો ત્યાં સુધીમાં તેની સાથે ત્રણ બૅટર્સ સાધારણ પાર્ટનરશિપ કરી શક્યા હતા. ૭૭ બૉલમાં ૭ ફોરની મદદથી ૪૩ રન બનાવનાર ચેતેશ્વર પુજારા સાથે ત્રીજી વિકેટ માટે કોહલીની ૬૨ રનની અને ૫૦ બૉલમાં ચાર ચોક્કા સાથે ૨૭ રન બનાવનાર વિકેટકીપર રિષભ પંત સાથે પાંચમી 
વિકેટ માટે કોહલીની ૫૧ રનની ભાગીદારી થઈ હતી. ૧૨ રનનું યોગદાન આપનાર શાર્દુલ ઠાકુર સાથે સાતમી 
વિકેટ માટે કોહલીની ૩૦ રનની પાર્ટનરશિપ થઈ હતી.
ભારતના ૨૨૩ રન ૭૭.૩ ઓવરમાં બન્યા હતા. રબાડાએ સૌથી વધુ ૪ તથા માર્કો જેન્સેને ૩ વિકેટ લીધી હતી. ઑલિવિયર, લુન્ગી અ’ન્ગિડી અને કેશવ મહારાજને એક-એક વિકેટ મળી હતી.
વિકેટકીપરે પકડ્યા પાંચ કૅચ
સાઉથ આફ્રિકાના વિકેટકીપર કાઇલ વરેઇને ગઈ કાલે પાંચ કૅચ પકડ્યા હતા. તેનો શિકાર બનનાર ભારતીય બૅટર્સમાં કે. એલ. રાહુલ (‍૧૨), પુજારા (૪૩), કોહલી (૭૯), રહાણે (૯) અને અશ્વિન (૨)નો સમાવેશ હતો.
રબાડાએ જે સૌથી વધુ ચાર વિકેટ લીધી હતી એમાં કોહલી ઉપરાંત મયંક અગરવાલ (૧૫ રન), રહાણે તથા બુમરાહ (ઝીરો) સામેલ હતા.
વિરાટ કોહલી ટીમમાં પાછો ફરતાં હનુમા વિહારીને પડતો મુકાયો છે, જ્યારે ઈજાગ્રસ્ત મોહમ્મદ સિરાજના સ્થાને ઉમેશ યાદવને ટીમમાં સમાવાયો છે.

12 January, 2022 11:49 AM IST | Cape Town | Gujarati Mid-day Online Correspondent

અન્ય લેખો

ક્રિકેટ

વન-ડે શ્રેણીમાં ઇન્ડિયનોનો વાઇટવૉશ : હવે વેસ્ટ ઇન્ડિયનો હરખાતાં અમદાવાદ આવશે

રાહુલસેના સામે સાઉથ આફ્રિકાની ૩-૦થી ક્લીન સ્વીપ : ૧૩ દિવસ પછી સૌથી મોટા સ્ટેડિયમમાં કૅરેબિયનો સાથે પ્રથમ વન-ડે : ડી કૉકના મૅચ વિનિંગ ૧૨૪ રન

24 January, 2022 01:06 IST | Cape Town | Gujarati Mid-day Correspondent
ક્રિકેટ

વાઇટવૉશ ટાળવાનો ટીમ ઇન્ડિયા સામે કપરો પડકાર

ટેસ્ટ બાદ વન-ડે સિરીઝ પણ ગુમાવ્યા બાદ આજે ત્રીજી અને છેલ્લી વન-ડે જીતીને રાહુલસેના માનભેર ભારત પાછા ફરવાના ઇરાદા સાથે મેદાનમાં ઊતરશે

23 January, 2022 02:57 IST | Cape Town | Gujarati Mid-day Online Correspondent
ક્રિકેટ

પિચ બૅટિંગ માટે મુશ્કેલ બનતાં ભારતીય બૅટર્સ પાણીમાં બેસી ગયા

પ્રથમ વન-ડેમાં સાઉથ આફ્રિકાનો ૩૧ રનથી વિજય ઃ શાર્દુલ-બુમરાહની લડત એળે ગઈ

20 January, 2022 01:30 IST | South Africa | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK