પ્રૅક્ટિસ દરમ્યાન પેસ બોલર મોહમ્મદ સિરાજનો શૉર્ટ બૉલ તેના માથામાં વાગ્યો હતો
મયંક અગરવાલ
આવતી કાલથી ઇંગ્લૅન્ડ સામે શરૂ થતી પાંચ ટેસ્ટ મૅચની સિરીઝ માટે ફાઇનલ તૈયારીમાં વ્યસ્ત ભારતીય ટીમને ગઈ કાલે વધુ એક ઝટકો લાગ્યો હતો. ઓપનિંગ મયંક અગરવા, પ્રૅક્ટિસ દરમ્યાન માથામાં ઇન્જરી થતાં પહેલી ટેસ્ટમાંથી આઉટ થઈ ગયો છે. પ્રૅક્ટિસ દરમ્યાન પેસ બોલર મોહમ્મદ સિરાજનો શૉર્ટ બૉલ તેના માથામાં વાગ્યો હતો. મેડિકલ ટીમ દ્વારા તરત સારવાર કરીતે તેની કન્કશન ટેસ્ટ કરવામાં આવી હતી. કન્કશનનાં લક્ષણ જણાતાં તેને પહેલી ટેસ્ટની ટીમમાંથી આઉટ કરવામાં આવ્યો હતો.
ઇન્જરીને લીધે ભારતીય ટીમે આ પહેલાં વૉશિંગ્ટન સુંદર, શુભમન ગિલ અને આવેશ ખાનને ગુમાવી દીધા છે.
ADVERTISEMENT
ભારત પાસે ઓપનિંગમાં લોકેશ રાહુલ અને અભિમન્યુ ઈશ્વરન રૂપે બે વિકલ્પ રહ્યા છે. ટીમ જરૂર પડે તો હનુમા વિહારી પાસેથી પણ ઓપનિંગ કરાવી શકે છે.