સાઉથ આફ્રિકામાં આ વર્લ્ડ કપ ૧૪ જાન્યુઆરીએ શરૂ થશે
૧૬ વર્ષની હર્લીના પપ્પા તન્મય ગાલાનો ગઈ કાલે બર્થ-ડે હતો
‘મિડ-ડે લેડીઝ ક્રિકેટ’ની સુપરસ્ટાર ફાસ્ટ બોલિંગ-ઑલરાઉન્ડર અને જુહુમાં રહેતી વાગડ વીસા ઓસવાળ જૈન સમાજની હર્લી ગાલાનો ગઈ કાલે જાહેર થયેલી સૌપ્રથમ આઇસીસી વિમેન્સ અન્ડર-19 ટી૨૦ વર્લ્ડ કપ માટેની ભારતીય ટીમમાં સમાવેશ થયો છે. ૧૮ વર્ષની શેફાલી વર્મા ટીમની કૅપ્ટન નિયુક્ત થઈ છે. સાઉથ આફ્રિકામાં આ વર્લ્ડ કપ ૧૪ જાન્યુઆરીએ શરૂ થશે. આ જ ટીમ એ પહેલાં સાઉથ આફ્રિકા સામે ૧૭ ડિસેમ્બરથી રમાનારી ટી૨૦ સિરીઝમાં પણ રમશે અને એ ટીમમાં યશશ્રીનો પણ સમાવેશ છે.
આ પણ વાંચો : બીકેસીમાં ઇન્ડિયા વિમેન અન્ડર-19 ટીમ જીતીને હવે ૫-૦ની ક્લીન સ્વીપની નજીક
ADVERTISEMENT
૧૬ વર્ષની હર્લીના પપ્પા તન્મય ગાલાનો ગઈ કાલે બર્થ-ડે હતો. હર્લીનાં મમ્મી ભાવિકાબહેને ‘મિડ-ડે’ને ગઈ કાલે કહ્યું કે ‘ભારતની અન્ડર-19 વિમેન્સ ટીમમાં સિલેક્ટ થયા વિશેની જાણ કરવા હર્લીએ અમને કૉલ કર્યો ત્યારે બેહદ ખુશ હતી. હર્લીને આ લેવલ સુધી પહોંચવા માટેની સૌથી વધુ પ્રેરણા તેના પપ્પા પાસેથી તેમ જ કોચ આઇવન રૉડ્રિગ્સ પાસેથી મળી છે. ટીમમાં થયેલી આ સિલેક્શન હર્લી તરફથી તેના પપ્પાને મળેલી બેસ્ટ બર્થ-ડે ગિફ્ટ છે.’
ભારતની વિમેન્સ અન્ડર-19 ટી૨૦ ટીમ : શેફાલી વર્મા (કૅપ્ટન), શ્વેતા સેહરાવત (વાઇસ-કૅપ્ટન), રિચા ઘોષ (વિકેટકીપર), જી. ત્રિશા, સૌમ્યા તિવારી, સોનિયા મેંધિયા, હર્લી ગાલા, રિશિતા બાસુ (વિકેટકીપર), સોનમ યાદવ, મન્નત કશ્યપ, અર્ચનાદેવી, પાર્શ્વી ચોપડા, તીતા સાધુ, ફલક નાઝ અને શબનમ એમ.ડી.
