અન્ડર-19 એશિયા કપની રવિવારની ફાઇનલમાં ભારત v/s શ્રીલંકા

પાકિસ્તાન સ્પર્ધામાંથી આઉટ

મૅચવિનર શેખ રશીદ

અન્ડર-19 એશિયા કપ વન-ડે ટુર્નામેન્ટમાં ગઈ કાલે ભારતે શારજાહની સેમી ફાઇનલમાં બંગલાદેશને ૧૦૩ રનથી હરાવીને ફાઇનલમાં પ્રવેશ કર્યો હતો. શુક્રવારે દુબઈની ફાઇનલમાં ભારતનો મુકાબલો શ્રીલંકા સાથે થશે.
બૅટિંગ મળ્યા બાદ ભારતે ૮ વિકેટે ૨૪૮ રન બનાવ્યા હતા, જેમાં વન-ડાઉન બૅટર શેખ રશીદ (૯૦ અણનમ, ૧૦૮ બૉલ, એક સિક્સર, ત્રણ ફોર)નું સૌથી મોટું યોગદાન હતું. કૅપ્ટન યશ ધુલે ૨૯ બૉલમાં ૨૬ રન બનાવ્યા હતા. બંગલાદેશની ટીમ ૩૮.૨ ઓવરમાં માત્ર ૧૪૦ રનમાં ઑલઆઉટ થઈ ગઈ હતી. રાજવર્ધન હંગારગેકર, રવિ કુમાર, રાજ બાજવા અને વિકી ઓસ્તવાલે બે-બે વિકેટ લીધી હતી. એ પહેલાં શ્રીલંકાએ ૧૪૭ રન બનાવ્યા પછી પાકિસ્તાનને છેલ્લી ઓવરમાં (૪૯.૩) ૧૨૫ રનના સ્કોરે ઑલઆઉટ કરીને બાવીસ રનના વિજય સાથે ફાઇનલમાં પ્રવેશ કર્યો હતો.