ચેતેશ્વર પુજારાએ ગઈ કાલે લેસ્ટરમાં કહ્યું
ચેતેશ્વર પુજારાએ થોડા દિવસ પહેલાં પત્ની પૂજા અને પુત્રી અદિતિ સાથે યુરોપનો પ્રવાસ કર્યો હતો.
પહેલી જુલાઈએ બર્મિંગહૅમમાં ઇંગ્લૅન્ડ સામે રમાનારી એકમાત્ર ટેસ્ટ માટેની તૈયારી કરનાર ટેસ્ટ-સ્પેશ્યલિસ્ટ બૅટર ચેતેશ્વર પુજારાએ ગઈ કાલે લેસ્ટરમાં કહ્યું કે હું પાછો પહેલાં જેવા ફૉર્મમાં આવી ગયો છું એનો મને બેહદ આનંદ છે. ટેસ્ટ શરૂ થાય એની રાહ જોઈ રહ્યો છું. રણજીની આ સીઝન અને કાઉન્ટી ક્રિકેટ મને કમબૅક માટે ખૂબ કામ લાગી રહી છે. ફૉર્મ, રિધમ અને એકાગ્રતા પાછાં મેળવવા લાંબી ઇનિંગ્સ રમવી ખૂબ જરૂરી છે અને એ માટે મને રણજીની લીગ મૅચો તેમ જ સસેક્સ વતી રમેલી કાઉન્ટી મૅચો ઘણી ફાયદારૂપ બની.’