હાર્દિક પંડયાએ શૅર કરી જૂનિયર પંડયાની તસવીર, જુઓ અહીં
તસવીર સૌજન્ય: ટ્વીટર
ભારતીય ઓલરાઉન્ડર હાર્દિક પંડયા (Hardik Pandya)એ પિતા બન્યા બાદ પહેલીવાર પુત્ર સાથેનો ફોટો સોશ્યલ મીડિયા પર શૅર કર્યો છે. આ ફોટો જોઈને ફૅન્સ બહુ જ ખુશ થઈ ગયા છે. હાર્દિક પંડયા અને નતાશા સ્ટેનકોવિક (Natasa Stankovic) 30 જૂલાઈના રોજ દીકરાના માતા-પિતા બન્યા છે.
હાર્દિક પંડયાએ જૂનિયર પંડયા સાથેની પ્રથમ તસવીર શૅર કરી છે. સાથે જ કૅપ્શનમાં લખ્યું છે કે, 'ભગવાનના આર્શીવાદથી મળ્યો છે'.
ADVERTISEMENT
મૂળ સર્બિયાની મોડેલ નતાશા સ્ટેનકોવિક સાથે હાર્દિક પંડયાએ 1 જાન્યુઆરી 2020ના રોજ સગાઈ કરી હતી. આ જાહેરાત ક્રિકેટરે સોશ્યલ મીડિયા દ્વારા કરી હતી. ત્યારબાદ 31 મે 2020ના રોજ નતાશા અને હાર્દિકે સોશ્યલ મીડિયા પર કહ્યું હતું કે, તેઓ માતા-પિતા બનવા જઈ રહ્યાં છે.
આ પણ વાંચો: દીકરા માટે ડાઈપર લઈને પહોંચ્યા ડૅડી 'હાર્દિક પંડ્યા', શૅર કરી આ તસવીર
થોડાક સમય પહેલા એક ઈન્ટરવ્યૂમાં હાર્દિકે કહ્યું હતું કે, મારા માતા-પિતાને મારી સગાઈ વિશે પણ ખબર નહોતી. ભાઈ કૃણાલને પણ બે દિવસ પહેલા જાણ કરવામાં આવી હતી. તેમ છતાં પરિવારે મારો સાથ આપ્યો હતો.