લાઇટ બિલનો આંકડો જોઇ હરભજને કહ્યું, 'આખા મોહલ્લાનું આપી દીધું કે શું?'
હરભજન સિંહ
લૉકડાઉન જ્યારથી શરૂ થયું છે ત્યારથી લોકોના લાઇટ બિલમાં ધરખમ વધારો થયો છે. સામાન્ય માણસ હોય કે સેલેબ્ઝ દરેકના ઘરનું લાઇટ બિલ સામાન્ય કરતાં વધારે જ આવ્યું છે. હવે ભારતીય સ્પિનર હરભજન સિંહ (Harbhajan Singh)નું નામ પણ બિલ વધારે આવનારની યાદીમાં આવી ગયું છે. ભજ્જીનું બિલ સામાન્ય કરતાં સાત ગણું આવ્યું હોવાથી તેણે પરેશાન થઈને ફરિયાદ કરી છે. સોશ્યલ મીડિયા પર એક્ટિવ રહેતા ક્રિકેટરે આ માધ્યમ પર જ પોતાની મુશ્કેલી શૅર કરી છે.
લાઇટ બિલ વધારે આવ્યું હોવાની ફરિયાદ હરભજન સિંહે ટ્વીટ કરીને કરી હતી. અદાણી ઈલેક્ટ્રિસિટીનો મેસેજ પોસ્ટ કરીને અદાણી ઈલેક્ટ્રિસિટીને ટેગ કરીને તેણે ટ્વીટમાં લખ્યું હતું કે, 'આટલું બિલ, આખા મોહલ્લાનું આપી દીધું કે શું?? સામાન્ય બિલ કરતાં સાત ગણું વધારે??? વાહ.'
ADVERTISEMENT
Itna Bill pure mohalle ka lga diya kya ?? ALERT: Your Adani Electricity Mumbai Limited Bill for 152857575 of Rs. 33900.00 is due on 17-Aug-2020. To pay, login to Net/Mobile Banking>BillPay normal Bill se 7 time jyada ??? Wah
— Harbhajan Turbanator (@harbhajan_singh) July 26, 2020
ભજ્જીના ઘરનું બિલ 33,900 રૂપિયા આવ્યું છે. તમને જણાવી દઈએ કે, લાઇટનું બિલ વધારે આવ્યું હોય તેવો હરભજન સિંહ એક માત્ર વ્યક્તિ નથી. આ પહેલાં તાપસી પન્નૂ, હુમા હુમા કુરેશી કુરૈશી, અર્શદ વારસી, દિવ્યા દત્તા વગેરે બૉલીવુડ સેલેબ્ઝના લાઇટ બિલ પણ બહુ વધારે આવ્યા હતાં.