° °

આજનું ઇ-પેપર
Saturday, 29 January, 2022


પંતના પરાક્રમ છતાં ભારત પર હારનો ખતરો

14 January, 2022 01:12 PM IST | Mumbai | Gujarati Mid-day Correspondent

ટીકાકારોને વિકેટકીપરે લાજવાબ ૧૦૦ રનથી આપ્યો જવાબ, ૨૧૨ રનના ટાર્ગેટ સામે આફ્રિકાના બે વિકેટે ૧૦૧ રન

રિષભ પંત

રિષભ પંત

પ્રથમ ટેસ્ટ જીત્યા બાદ સિરીઝ આસાનીથી જીતી લેવાનું સપનું જોતી ભારતીય ટીમ માટે સિરીઝની હારનો ખતરો તોળાઈ રહ્યો છે. અત્યાર સુધી સિરીઝમાં સાધારણ પર્ફોર્મન્સને લીધે ટીકાનો સામનો કરી રહેલા વિકેટકીપર રિષભ પંતે તેમને બૅટ વડે જવાબ આપતાં ૧૩૯ બૉલમાં ૪ સિક્સર અને ૬ ફોર સાથે અણમન ૧૦૦ રનનીલાજવાબ ઇનિંગ્સના જોરે ભારતે સાઉથ આફ્રિકા સામે ૨૧૨ રનનો ટાર્ગેટ મૂક્યો હતો. એના જવાબમાં સાઉથ આફ્રિકાએ ઓપનર એઇડન મારક્રમ (૧૬) અને કૅપ્ટન ડીન ઍલ્ગર (૩૦)ની વિકેટ ગુમાવીને બે વિકેટ ૧૦૧ રન બનાવી લીધા હતા. આજે ચોથા અને મોટા ભાગે છેલ્લા દિવસે સાઉથ આફ્રિકાને સિરીઝ જીતવા ૧૧૧ રનની જરૂર છે અન ભારતને ૮ વિકેટની. 
બીજી ટેસ્ટમાં ભારતની જીતને આડે અડીખમ રહેલો કૅપ્ટન અલ્ગરને છેલ્લે જસપ્રીત બુમરાહે આઉટ કરીને ભારત માટે આજે રોમાંચક જીતના દરવાજા ખોલી આપ્યા છે, પણ આફ્રિકાને ફક્ત ૧૧૧ રનની જરૂર છે. આજે ભારત માટે ટેમ્બા બવુમા સૌથી મોટો અવરોધ બની શકે છે.  
પુજારા-રહાણેનો ધી એન્ડ?
આઉટ ઑફ ફૉર્મ ચેતેશ્વર પુજારા અને અજિંક્ય રહાણે સિરીઝની છેલ્લી ઇનિંગ્સમાં ટીમની વહારે આવશે એવી આશા સામે ગઈ કાલે ત્રીજા દિવસની રમત શરૂ થયાની ૧૦ જ મિનિટમાં ચાહકોની આશા પર પાણી ફરી વળ્યું હતું. ગઈ કાલે બીજા જ બૉલમાં પુજારા (૯) અને ૧૦ મિનિટ અને ૮ બૉલ બાદ રહાણે (એક રન) આઉટ થઈ ગયો હતો અને ૫૮ રનમાં ચાર વિકેટ ગુમાવીને ટીમ મુશ્કેલીમાં મુકાઈ ગઈ હતી. 
ટીકા વચ્ચે પંત આખરે ખીલ્યો
બીજી ટેસ્ટમાં બેજવાબદારીભર્યો શૉટ ફટકારીને આઉટ થયા બાદ ટેસ્ટ ટીમમાં રિષભ પંતને ડ્રૉપ કરવાની ચર્ચા થવા માંડી હતી, પણ ઑસ્ટ્રેલિયાની સિરીઝની જેમ છેલ્લી ટેસ્ટમાં ફરી ખીલ્યો હતો અને અણનમ ૧૦૦ રન સાથે એકલાહાથે ટીમને ૧૯૮ રનના સ્કોર સુધી લઈ ગયો હતો. કૅપ્ટન વિરાટ કોહલીએ ૧૪૩ બૉલ સુધી લડતા રહીને ૨૯ રન બનાવ્યા હતા. ભારતીય ટીમ ૬૭.૩ ઓવરમાં ૧૯૮ રનમાં ઑલઆઉટ થઈ ગઈ હતી. 

 

14 January, 2022 01:12 PM IST | Mumbai | Gujarati Mid-day Correspondent

અન્ય લેખો

ક્રિકેટ

WI સીરિઝ માટે ટીમ ઇન્ડિયાની જાહેરાત, રોહિત કૅપ્ટન, કોહલી રમશે, જાણો કોને આરામ

રોહિત શર્માએ કૅપ્ટન તરીકે બન્ને ટીમમાં કમબૅક કર્યું છે. જ્યારે વિરાટ કોહલી બન્ને સીરિઝ માટે અવેલેબલ રહેશે. ભુવનેશ્વર કુમારને વનડેમાંથી બહાર રાખવામાં આવ્યો છે, જ્યારે જસપ્રીત બુમરાહને આરામ આપવામાં આવ્યો છે.

27 January, 2022 09:09 IST | Mumbai | Gujarati Mid-day Online Correspondent
ક્રિકેટ

યુવરાજના ઘરે કિલકારીઓ, ગાંગુલી, લક્ષ્મણ અને કૈફ સહિત આમણે આપી વધામણી

આ દરમિયાન ટીમ ઇન્ડિયાના પૂર્વ કૅપ્ટન અને બીસીસીઆઇ અધ્યક્ષ સૌરવ ગાંગુલી, વીવીએસ લક્ષ્મણ, મોહમ્મદ કૈફ અને હરભજન સિંહ સહિત રમત જગત સાથે જોડાયેલા અન્ય લોકોએ પણ વધામણી આપી છે.

26 January, 2022 06:22 IST | Mumbai | Gujarati Mid-day Online Correspondent
ક્રિકેટ

રોહિત શર્મા ફિટ, કૅરિબિયનો સામે કરશે ટીમનું નેતૃત્વ

આ સિરીઝ માટે હજી ભારતીય ટીમનું સિલેક્શન નથી થયું અને મોટા ભાગે આ અઠવાડિયાના અંતમાં સિલેક્ટરો ટીમની જાહેરાત કરશે

26 January, 2022 12:17 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK