Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સ્પોર્ટ્સ સમાચાર > ક્રિકેટ > આર્ટિકલ્સ > ભારતને પણ આજે બાર્બેડોઝ સામે જીતીને સેમીમાં જવાનો મોકો

ભારતને પણ આજે બાર્બેડોઝ સામે જીતીને સેમીમાં જવાનો મોકો

03 August, 2022 12:26 PM IST | New Delhi
Gujarati Mid-day Correspondent | feedbackgmd@mid-day.com

સ્મૃતિ મંધાનાએ રવિવારે અણનમ ૬૩ રન બનાવીને ભારતને પાકિસ્તાન સામે આસાન વિજય અપાવ્યો હતો

કૉમનવેલ્થ ગેમ્સમાં ભારતીય મહિલાઓની ટીમ CWG 2022

કૉમનવેલ્થ ગેમ્સમાં ભારતીય મહિલાઓની ટીમ


કૉમનવેલ્થ ગેમ્સમાં પહેલી વાર રમાતી મહિલાઓની ટી૨૦માં ઑસ્ટ્રેલિયા રવિવારે બર્મિંગહૅમમાં બાર્બેડોઝને ૭૧ બૉલ બાકી રાખીને ૯ વિકેટના તોતિંગ માર્જિનથી હરાવીને સેમી ફાઇનલમાં પહોંચેલી પ્રથમ ટીમ બની હતી. હવે આજે (ભારતીય સમય મુજબ રાત્રે ૧૦.૩૦ વાગ્યાથી લાઇવ) બાર્બેડોઝને પરાજિત કરીને સેમીમાં જવાનો હરમનપ્રીત કૌરની ભારતીય ટીમને બહુ સારો મોકો છે.

હેલી મૅથ્યુઝ વેસ્ટ ઇન્ડીઝની કૅપ્ટન છે અને તાજેતરમાં ઇન્ટરનૅશનલ ક્રિકેટમાંથી નિવૃત્તિ જાહેર કરનાર ટી૨૦ની ફાસ્ટેસ્ટ સેન્ચુરિયન ડીએન્ડ્રા ડૉટિન પણ આ ટીમમાં છે. ભારતીય ટીમ ઑસ્ટ્રેલિયા સામે હારી ગઈ હતી, પરંતુ પાકિસ્તાન સામે જીતી જતાં ભારતને આજે નબળી ટીમ સામે જીતીને સેમીમાં જવાની સોનેરી તક છે.



સ્મૃતિ મંધાનાએ રવિવારે અણનમ ૬૩ રન બનાવીને ભારતને પાકિસ્તાન સામે આસાન વિજય અપાવ્યો હતો. જોકે બે-બે વિકેટ લેનાર સ્નેહ રાણા અને રાધા યાદવની તેમ જ એક-એક શિકાર કરનાર શેફાલી વર્મા, રેણુકા સિંહ અને મેઘના સિંહની બોલિંગની પણ ઘણી કમાલ હતી, કારણ કે એને કારણે જ પાકિસ્તાનની ટીમ માત્ર ૯૯ રનમાં ઑલઆઉટ થઈ ગઈ હતી. આજે બાર્બેડોઝ સામે ઑલરાઉન્ડર દીપ્તિ શર્માનો તરખાટ જોવા મળે તો નવાઈ નહીં.


Whatsapp-channel Whatsapp-channel

03 August, 2022 12:26 PM IST | New Delhi | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK