Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સ્પોર્ટ્સ સમાચાર > ક્રિકેટ > આર્ટિકલ્સ > સ્ટમ્પ્સ પરથી ઊડેલી બેલ વૉર્નરને પ્રાઇવેટ પાર્ટ પર વાગી

સ્ટમ્પ્સ પરથી ઊડેલી બેલ વૉર્નરને પ્રાઇવેટ પાર્ટ પર વાગી

02 July, 2022 05:45 PM IST | Mumbai
Gujarati Mid-day Correspondent | feedbackgmd@mid-day.com

શ્રીલંકાની ઇનિંગ્સની ૨૩મી ઓવર સ્પિનર ટ્રેવિસ હેડે કરી હતી જેમાં શ્રીલંકાના જેફરી વૅન્ડરસેની ઇન્સાઇડ એજ લાગી હતી અને બૉલ સીધો સ્ટમ્પ્સ પર જતાં તે ક્લીન બોલ્ડ થયો હતો

સ્ટમ્પ્સ પરથી ઊડેલી બેલ વૉર્નરને પ્રાઇવેટ પાર્ટ પર વાગી

સ્ટમ્પ્સ પરથી ઊડેલી બેલ વૉર્નરને પ્રાઇવેટ પાર્ટ પર વાગી


ગૉલમાં ગઈ કાલે ઑસ્ટ્રેલિયાને પાંચ રનનો નજીવો લક્ષ્યાંક મળ્યો ત્યાર બાદ ડેવિડ વૉર્નરે ફક્ત બે સ્કોરિંગ શૉટ (૪ અને ૬)માં એ અપાવી દીધો હતો, પરંતુ એ પહેલાં તેને ફીલ્ડિંગ દરમ્યાન લેગ સ્લિપમાં વિચિત્ર બનાવમાં ખરાબ અનુભવ થયો હતો. શ્રીલંકાની ઇનિંગ્સની ૨૩મી ઓવર સ્પિનર ટ્રેવિસ હેડે કરી હતી જેમાં શ્રીલંકાના જેફરી વૅન્ડરસેની ઇન્સાઇડ એજ લાગી હતી અને બૉલ સીધો સ્ટમ્પ્સ પર જતાં તે ક્લીન બોલ્ડ થયો હતો. જોકે વિકેટકીપર ઍલેક્સ કૅરીનો પગ વચ્ચે હોવાથી લેગ સ્લિપમાં ફીલ્ડિંગ કરી રહેલા વૉર્નરને બેલ ઊડીને પોતાની તરફ આવી રહેલી દેખાઈ નહોતી. વૉર્નરે તો ઊછળેલો બૉલ જેફરીનો કૅચ છે એવું માનીને પોતાની ડાબી તરફ ડાઇવ મારી હતી અને ઊછળેલી બેલ તેને પ્રાઇવેટ પાર્ટ પર વાગી હતી. વૉર્નર ઈજાને કારણે નીચે બેસી પડ્યો હતો. તે બૉલ નહોતો ઝીલી શક્યો અને તે એવું માની બેઠો હતો કે તેનાથી કૅચ છૂટી ગયો છે. જોકે પછીથી તેને હકીકતની જાણ થઈ હતી.
જોકે વૉર્નરે આ ઘટનાને હળવાશથી લીધી હતી અને મૅચ પછી ટ્વિટર પર મજાકમાં બોલર ટ્રેવિસ હેડને સંબોધીને લખ્યું, ‘ઓહ ડિયર, વેલ બોલ્ડ હિડી, પરંતુ જોયુંને મારી શું હાલત થઈ!’ પછીથી ટ્વિટર પર વૉર્નરના કેટલાક સાથી-ખેલાડીઓએ લાફિંગ ઇમોજિસ સાથે હળવી ટકોર કરી હતી.


Whatsapp-channel Whatsapp-channel

02 July, 2022 05:45 PM IST | Mumbai | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK