° °

આજનું ઇ-પેપર
Saturday, 19 June, 2021


કૅપ્ટન કુકનો હૅટ-ટ્રિક સાથે વિશ્વવિક્રમ

19 November, 2012 07:25 AM IST |

કૅપ્ટન કુકનો હૅટ-ટ્રિક સાથે વિશ્વવિક્રમ

કૅપ્ટન કુકનો હૅટ-ટ્રિક સાથે વિશ્વવિક્રમ



અમદાવાદ : પ્રથમ ટેસ્ટમૅચ (સ્ટાર સ્પોર્ટ્સ અને સ્ટાર ક્રિકેટ પર સવારે ૯.૩૦)માં શનિવારના ત્રીજા દિવસે ઇંગ્લૅન્ડના વિકેટકીપર-બૅટ્સમૅન મૅટ પ્રાયરે (૮૪ નૉટઆઉટ, ૧૯૦ બૉલ, ૧૦ ફોર) ફૉલો-ઑન પછી બીજા દાવમાં ભારતને જોરદાર લડત આપવાનો નર્ધિાર વ્યક્ત કયોર્ હતો અને એ તેણે ગઈ કાલે કૅપ્ટન ઍલસ્ટર કુક (૧૬૮ નૉટઆઉટ, ૩૪૧ બૉલ, ૨૦ ફોર) સાથેની છઠ્ઠી વિકેટ માટેની ૧૪૧ રનની ભાગીદારીથી સાબિત કરી આપ્યું હતું.

પ્રથમ દાવમાં ૩૩૦ રનની લીડ લેનાર ભારતે બીજા દાવમાં બૅટિંગ કરવી પડે એવી સ્થિતિ બન્ને બૅટ્સમેનોએ ઊભી કરી હતી. જોકે ગઈ કાલે પાંચ વિકેટે ૩૪૦ રન બનાવનાર ઇંગ્લિશમેનો માત્ર ૧૦ રનથી આગળ હતા એટલે આજે ભારતીય બોલરો તેમને વહેલા ઑલઆઉટ કરી દેશે તો ટાર્ગેટ બહુ નાનો મળતાં ભારત સિરીઝમાં ૧-૦થી આગળ થઈ જશે એની સંભાવના વધી જશે.

કુકની કૅપ્ટન તરીકેની આ ત્રીજી ટેસ્ટ છે અને આગલી બે મૅચની જેમ આમાં પણ સદી ફટકારીને તેણે સેન્ચુરિયન કૅપ્ટન તરીકેની હૅટ-ટ્રિક પૂરી કરી હતી. વધુ મહત્વની વાત એ છે કે ગઈ કાલ સુધી કોઈ પણ પ્લેયરે કૅપ્ટન તરીકેની પહેલી ત્રણેય ટેસ્ટમાં સદી નહોતી ફટકારી, પરંતુ કુકે એ કરી બતાવ્યું હતું. ૨૦૧૦માં તેણે બંગલા દેશ સામેની બન્ને ટેસ્ટમાં કૅપ્ટન્સી સંભાળી હતી અને એમાં સદી ફટકારી હતી. ઍન્ડ્ર્યુ સ્ટ્રાઉસે ટેસ્ટનું સુકાન છોડ્યા પછી ભારતના પ્રવાસ સાથે સત્તાવાર રીતે કુકને નેતૃત્વ સોંપવામાં આવ્યું છે અને કૅપ્ટન તરીકેની તેની આ ત્રીજી ટેસ્ટ છે.

કુક ૨૧ સદી સાથે ઇંગ્લૅન્ડના પ્લેયરોમાં સૌથી વધુ સેન્ચુરી ફટકારનારાઓમાં બીજો છે. તે ઇંગ્લિશમેનોમાં હાઇએસ્ટ બાવીસ સદી ધરાવતા વૉલી હૅમન્ડ, કૉલિન કાઉડ્રી જ્યૉફ બૉયકૉટથી એક જ ડગલું પાછળ છે.

ભારતના સ્ટાર સ્પિનરો પરેશાન


શનિવારના બે સ્ટાર સ્પિનરો પ્રજ્ઞાન ઓઝા અને રવિચન્દ્રન અશ્વિનમાંથી ઓઝાને બીજા દાવમાં બે વિકેટ મળી હતી, જ્યારે અશ્વિન ૧૦૪ રનમાં વિકેટ નહોતો લઈ શક્યો. બન્નેના પફોર્ર્મન્સનો સરવાળો કરીએ તો તેમને ૮૫ ઓવરમાં બે સફળતા મળી હતી.

નાનીના અવસાનને લીધે ગંભીર દિલ્હીમાં

ગૌતમ ગંભીર ગઈ કાલે નાનીના અવસાનને કારણે અમદાવાદથી દિલ્હી જતો રહ્યો હતો. જોકે તે આજે પાછો આવશે. તેણે ગઈ કાલે કોઈ ઈજાને લીધે નહીં, પણ અન્ય કારણસર ફીલ્ડિંગ ન કરી હોવાથી આજે તેને બીજા દાવમાં ઓપનિંગમાં નહીં રમવા મળે.

સ્કોર-બોર્ડ

ભારત : પ્રથમ દાવ

૮ વિકેટે ૫૨૧ રને ડિક્ર્લેડ

ઇંગ્લૅન્ડ : પ્રથમ દાવ

૧૯૧ રને ઑલઆઉટ

ઇંગ્લૅન્ડ : બીજો દાવ

(ફૉલો-ઑન પછી)

પાંચ વિકેટે ૩૪૦ રન (કુક ૧૬૮ નૉટઆઉટ, પ્રાયર ૮૪ નૉટઆઉટ, કૉમ્પ્ટન ૩૭, બેલ બાવીસ, ટ્રૉટ ૧૭, ઉમેશ ૬૦ રનમાં બે, ઓઝા ૧૦૨ રનમાં બે અને ઝહીર ૩૮ રનમાં એક વિકેટ, અશ્વિન ૧૦૪ રનમાં એક પણ વિકેટ નહીં)

19 November, 2012 07:25 AM IST |

અન્ય લેખો

ક્રિકેટ

મોહમ્મદ અઝહરુદ્દીનની હકાલપટ્ટી

હૈદરાબાદ ક્રિકેટ અસોસિએશનના અધ્યક્ષપદેથી કાઢી મૂકવામાં આવ્યો, જોકે ભૂતપૂર્વ કૅપ્ટન કહે છે કે લુટારાઓની બનેલી અપેક્સ કાઉન્સિલને તેની સામે પગલાં લેવાનો કોઈ જ અધિકાર નથી

18 June, 2021 03:08 IST | Mumbai | Gujarati Mid-day Correspondent
ક્રિકેટ

સ્નેહ, શર્મા, સ્મૃતિ અને શેફાલી : ઇંગ્લૅન્ડ સામે ચારેયનો પરચો

ઇંગ્લૅન્ડની મહિલા ટીમે બ્રિસ્ટોલમાં ભારત સામેની એક માત્ર ટેસ્ટમાં ગઈ કાલે બીજા દિવસે પ્રથમ દાવ ૯ વિકેટે ૩૯૬ રનના સ્કોર પર ડિક્લેર કર્યો હતો. ત્યાર બાદ ભારતે વળતો જવાબ આપ્યો હતો.

18 June, 2021 02:54 IST | Mumbai | Gujarati Mid-day Correspondent
ક્રિકેટ

આજથી ટેસ્ટમાં ટક્કર : આક્રમક વિરાટની ધમાકેદાર ફોજ સામે ચપળ વિલિયમસનની કસોટી

ટેસ્ટ-ક્રિકેટનાં ૧૪૪ વર્ષના ઇતિહાસમાં અત્યંત રોમાંચક, રસાકસીભરી, અણધાર્યાં પરિણામો આપનારી અને અપસેટ સર્જનારી ઘણી ટેસ્ટ-મૅચો રમાઈ ગઈ છે, પરંતુ આજે (ભારતીય સમય મુજબ બપોરે ૩.૦૦ વાગ્યાથી) ઇંગ્લૅન્ડના સધમ્પ્ટનમાં જે ટેસ્ટ-મૅચ શરૂ થવા જઈ રહી છે એ ઐતિહાસિક

18 June, 2021 02:56 IST | England | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK