° °

આજનું ઇ-પેપર
Monday, 17 January, 2022


અજાઝનો મૂલ્યવાન મૅચ-બૉલ એમસીએના મ્યુઝિયમને ભેટ

07 December, 2021 02:57 PM IST | New Delhi | Harit N Joshi

૧૦ વિકેટ લઈને ઇતિહાસમાં ચમકી ગયેલા કિવી સ્પિનરના ઑટોગ્રાફવાળી જર્સી અને યાદગાર સ્કોરશીટની બક્ષિસ પણ મળી

અજાઝના ઑટોગ્રાફવાળી જર્સી અને મૅચ-બૉલ

અજાઝના ઑટોગ્રાફવાળી જર્સી અને મૅચ-બૉલ

વાનખેડે સ્ટેડિયમમાં ગઈ કાલે ચોથા દિવસે પૂરી થયેલી ભારત અને ન્યુ ઝીલૅન્ડ વચ્ચેની નિર્ણાયક ટેસ્ટ સંબંધિત ‘આજીવન ખજાનો’ કહી શકાય એવી કેટલીક ચીજો મુંબઈ ક્રિકેટ અસોસિએશન (એમસીએ)ને હાથ લાગી છે. ભારતે ભલે આ ટેસ્ટમાં ન્યુ ઝીલૅન્ડને ૩૭૨ રનના વિક્રમજનક માર્જિનથી કચડી નાખ્યું અને સિરીઝ ૧-૦થી જીતી લીધી, પણ આ ટેસ્ટ કિવી લેફ્ટ-આર્મ સ્પિનર અજાઝ પટેલના પ્રથમ દાવના તમામ ૧૦ વિકેટવાળા ઐતિહાસિક પર્ફોર્મન્સ બદલ ખાસ યાદ રહેશે.
એમસીએને અંગત કહી શકાય એવી યાદગાર ચીજો મળી. એમાં અજાઝના ઑટોગ્રાફવાળી જર્સીનો તેમ જ હાથે લખેલી સ્કોરશીટ (જેની એક કૉપી ખુદ આ સ્પિનરને મેમેન્ટો સાથે ભેટ અપાઈ)નો ખાસ સમાવેશ છે. જોકે એ બધામાં મૅચ-બૉલ સૌથી મૂલ્યવાન કહેવાય અને એ બૉલ અજાઝે એમસીએને આગામી મ્યુઝિયમ માટે આપવાનો નિર્ણય લીધો છે. ગયા વર્ષે ઑગસ્ટમાં સૌથી પહેલાં ‘મિડ-ડે’એ વાનખેડે સ્ટેડિયમના ૧૦,૦૦૦ ચોરસ ફુટ વિસ્તારના સૂચિત મ્યુઝિયમ વિશેનો અહેવાલ આપ્યો હતો. જોકે એક વર્ષ થઈ ગયું અને પ્રસ્તાવ હજી પ્લાનિંગના તબક્કામાં જ છે. અત્યાર સુધી માત્ર મ્યુઝિયમની બ્લુપ્રિન્ટ બહાર પાડવામાં આવી છે.
મ્યુઝિયમ એકાદ-બે વર્ષમાં
એમસીએના પ્રમુખ વિજય પાટીલે ‘મિડ-ડે’ને કહ્યું હતું કે ‘આવનારાં અઠવાડિયાંઓમાં અમે વિવિધ કામ માટેનાં ટેન્ડર બહાર પાડીશું અને આગળના કાર્યક્રમ સંબંધે ચર્ચા કરવા ટૂંક સમયમાં મીટિંગ બોલાવીશું.’ એક જાણકાર સૂત્રએ ‘મિડ-ડે’ને જણાવ્યું હતું કે એમસીએ ટૂંક સમયમાં જ મ્યુઝિયમ માટે પ્રોજેક્ટ મૅનેજમેન્ટ કન્સલ્ટન્ટ નિયુક્ત કરશે અને પછી બજેટ નક્કી કરાશે અને પછી વાર્ષિક સામાન્ય સભામાં એ પાસ થશે. મ્યુઝિયમ પૂર્ણપણે તૈયાર થતાં એકાદ-બે વર્ષ લાગશે.’
આ મ્યુઝિયમ સ્ટેડિયમની નજીકની ગરવારે ક્લબમાં સ્થાપવાનો પ્રસ્તાવ છે. દુર્લભ પુસ્તકો ધરાવતી ડૉ. કાંગા મેમોરિયલ લાઇબ્રેરી પણ આ મ્યુઝિયમમાં રખાશે. ભારતમાં આ પ્રકારનું મ્યુઝિયમ સ્થાપનાર એમસીએ દેશનું પ્રથમ સ્ટેટ ક્રિકેટ અસોસિએશન બનશે.

07 December, 2021 02:57 PM IST | New Delhi | Harit N Joshi

અન્ય લેખો

ક્રિકેટ

અન્ડર-19 વર્લ્ડ કપમાં ઑસ્ટ્રેલિયા, શ્રીલંકાની વિજયી શરૂઆત

ઑસ્ટ્રેલિયાએ યજમાન વેસ્ટ ઇન્ડીઝને ૬ વિકેટથી અને શ્રીલંકાએ સ્કૉટલૅન્ડને ૪૦ રનથી હરાવ્યું હતું

16 January, 2022 03:31 IST | New Delhi | Gujarati Mid-day Correspondent
ક્રિકેટ

ઍશિઝમાં ૧૭માંથી ૧૬ વિકેટ ફાસ્ટ બોલરોએ લીધી, એક રનઆઉટ

ઑસ્ટ્રેલિયાના ૩૦૩ બાદ ઇંગ્લૅન્ડ ૧૮૮માં ઑલઆઉટ અને પછી કાંગારૂઓએ ૩૭ રનમાં ૩ વિકેટ ગુમાવી

16 January, 2022 03:26 IST | New Delhi | Gujarati Mid-day Correspondent
ક્રિકેટ

વિરાટ ઍન્ડ કંપનીના સ્ટમ્પ-માઇક પરના આક્રોશનો બ્રૉડકાસ્ટરે આપ્યો જવાબ

સાઉથ આફ્રિકા સામેની નિર્ણાયક ટેસ્ટ દરમ્યાન હરીફ સુકાની ડીન એલ્ગર વિરુદ્ધના એલબીડબ્લ્યુના નિર્ણયને ડીઆરએસમાં (થર્ડ અમ્પાયરે) નકારી કાઢ્યો ત્યાર બાદ વિરાટ કોહલીએ સ્ટમ્પ-માઇક પર બળાપો કાઢ્યો હતો

16 January, 2022 03:21 IST | New Delhi | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK