Wedding Tradition: અહીં દહેજના નામે વરપક્ષને અપાય છે 21 સાપ

આપણા દેશમાં દહેજ લેવું (Dowry System) અને આપવું, બન્ને ગેરકાયદેસર છે. તેમ છતાં આજે પણ દીકરીઓના લગ્નમાં દહેજ માથે ચડીને બોલે છે.  દેશમાં અનેક જગ્યાઓ એવી પણ છે, જ્યાં દહેજ પ્રથાને કારણે દીકરીઓ સુરક્ષિત નથી. આ જ કારણ છે કે દેશમાં દરવર્ષે હજારો દીકરીઓ દહેજ ન અપાવાને કારણે મોતને ઘાટ ઉતારવામાં આવે છે. પણ ભારતમાં એક એવી પણ જગ્યા છે કે જ્યાં લગ્નની ભેટ તરીકે વર પક્ષને કંઇક એવું આપવામાં આવે છે, જેથી દીકરીઓ સુરક્ષિત રહે છે.

તમે તમારા ઘર કે આસપાસ જોયું હશે કે લોકો પોતાની દીકરીઓને લગ્નમાં ઋણ લઈને કિંમતી સામાન, સોના ચાંદીના ઘરેણાં અને નગગદ વગેરે દહેજ (Dowry) તરીકે વર પક્ષને આપે છે. કેટલીય વાર દીકરીના લગ્ન પછી લોકો ઋણ હેઠળ દબાઇ જાય છે.

તમને જાણીને ખુશી થશે કે આપણાં જ દેશમાં એક જગ્યા એવી પણ છે, જ્યાં દહેજમાં મોંઘું સામાન નથી આપવામાં આવતું, પણ ખતરનાક ઝેરી સાપ (Dangerous Wedding Gift)આપવામાં આવે છે. આ સાપ પણ એક કે બે નહીં, પણ પૂરા 21 આપવામાં આવે છે. દહેજ આપવાની આ અનોખી પ્રથા સાંભળીને ચોંકી ગયાને તમે પણ?

આ પ્રથા મધ્ય પ્રદેશ (Madhya Pradesh)ના ગૌરિયા સમુદાયના લોકોમાં નિભાવવામાં આવે છે. આ સમુદાયના લોકો પોતાની દીકરીઓના લગ્નમાં દહેજ તરીકે દુલ્હાને 21 ઝેરી સાપ આપે છે. તેમનું માનવું છે કે જો દીકરીને દહેજમાં 21 ઝેરી સાપ ન આપ્યા તો દીકરીના લગ્ન તૂટી જશે કાં તો કોઇક અપશુકન થઈ જશે.

આ સમુદાયમાં દીકરીના લગ્નને સફળ અને તેના વૈવાહિક જીવનને સુખમય (Successful Marriage Life) બનાવવા માટે સાપને દહેજ તરીકે આપે છે. આ પરંપરા સેંકડો વર્ષ જૂની છે. નોંધનીય છે કે મધ્ય પ્રદેશના ગૌરિયા સમાજના લોકો દહેજમાં ગેહુઆ અને ડોમી પ્રજાતિના સાપ આપે છે, જે ખૂબ જ ઝેરી હોય છે. આના એક વાર ડંખવાથી પણ માણસનું મૃત્યુ થઈ શકે છે.

ગૌરિયા સમાજ (Gauriya Community)ના લોકો પેશાથી સાપ પકડવાનું જ કામ કરે છે. દહેજમાં અપાતા 21 સાપ જ તેમની આજીવિકાનું સાધન છે. સાપની રમત બતાવીને કે કોઇક ખાસ દિવસ સાપ બતાવીને આ લોકો પૈસા કમાય છે. આ સાપના ઝેરને વેચીને પૈસા કમાય છે. સૌથી ખાસ વાત એ છે કે લગ્નમાં દહેજ માટે અપાતા સાપ (Wedding Gift) પોતે છોકરીના પિતા જ પકડે છે.

એવી માન્યતા છે કે દીકરીના લગ્ન નક્કી થયા પછી દીકરીના પિતા સાપ પકડવાનું કામ શરૂ કરી દે છે. આ સાપને દીકરીના લગ્નના દિવસે દહેજ (Dowry)માં આપવામાં આવે છે. એટલું જ નહીં, જો છોકરીના પિતા ચોક્કસ સમયે સાપ ન પકડી શકે તો સંબંધ તૂટી જાય છે.