Throwback Uttaran: જ્યારે પતંગ પ્રેમીઓએ વાઇરસની ચિંતા વિના માણી હતી ઉત્તરાણ

જયના મજુમદારે શૅર કરી હતી ઉત્તરાણની યાદો અને આ વર્ષે માહોલમાં જે નરમી છે તેમાં આ તસવીરોથી ઉત્સાહનો મિજાજ ભરવાની કોશીશ કરી હતી.

અગાશીમાં જામેલા ટોળાં, ઘરે તાળાં અને દોસ્તો સાથેના લાંબા કલાકો એટલે જાણે આસામાને અડતી સ્થિર પતંગને જોયા કરવાની મોજ.

મિત્રો સાથેનો ઉત્તરાણની તસવીરો બોલતો પુરાવો છે કે આ તહેવાર પેચ લડાવવાનો તો છે જ પણ મૈત્રીની કન્ની મજબુત કરવાનો પણ છે.

આ વર્ષે કોણ જાણે કેટલા લોકોને ભેગાં કરીને ઉત્તરાણની ઉજવણી કરી શકાશે અને માટે જ પાછલી ઉત્તરાણની યાદો મમળાવી લેવી જોઇએ, ખરું ને!

એ કાઇપો જ છે... સાવ જૂનું તો ય દર વર્ષે નવું લાગતું આ એક્સપ્રેશન છે શ્રીપાલ ગાંધીની ઉત્તરાણની ઉજવણીની યાદ.

માલવી ગાંધી અને શ્રીપાલ ગાંધીની અગાશીમાં ઉજવણીની એક ઝલક.

દોસ્તો સાથે અગાસીમાં થતી મસ્તીઓનો મિજાજ આ વર્ષે કેવો રહેશે એ તો આવતી કાલ સાંજ સુધીમાં પોસ્ટ થયેલી તસવીરો પરથી જ ખબર પડશે.

શ્રીપાલ ગાંધી પણ ઉત્તરાણની યુઝવલ ઉજવણીને મિસ કરે છે.

શાળામાં સાથે ભણીને છૂટા પડ્યાં બાદ, અમુક દોસ્તો વિદેશમાં સેટલ થઇ ગયા હોય પછી જ્યારે લાંબા અરસે સાથે ઉત્તરાણ ગાળવા મળે ત્યારે ચહેરા પર આ જ ઉત્સાહ હોય. કલ્પેન, ઇન્દ્રજીત, જનક અને હીરલની આ ઉત્તરાણની ઉજવણી આમ તો છ વર્ષ જુની છે પણ ઓચ્છવ તો ઓચ્છવ છે.

વિપુલ કાપડિયા અને નીતા કાપડિયાએ શૅર કરી હતી આ તસવીરો, જુઓ પતંગોત્સવનો માહોલ.

વિપુલ અને નીતા કાપડિયાની આ જોડીએ કેટલા પેચ કાપ્યા હશે?

આતશબાજીને કારણે ઉત્તરાણનું આકાશ જાણે અનેક આકાશ ગંગાઓ ભેગી થઇ હોય તેવું લાગે છે.

ચાલો પેચ કાપવા માટે સજ્જ થયેલા ચહેરાઓ પર પણ એક નજર કરીએ.

ગુજરાતમાં સાંજ પડે ઉત્તરાણ જાણે દિવાળી થઇ જાય તેવો માહોલ હોય છે.

નીતા કાપડિયાએ પુરી સ્ટાઇલમાં ઉજવી હતી ઉત્તરાણ.

આ વર્ષે પણ જેટલી ઉજવી શકાય એટલી ઉજવવાનું રખે ચૂકતા... હેપ્પી ઉત્તરાણ