શોકિંગઃ 58 મીનિટમાં 46 વાનગી બનાવી આ છોકરીએ

ચેન્નઈની લક્ષ્મી સાઈએ ફક્ત 58 મીનિટમાં 46 વાનગીઓ બનાવીને લોકોને અચંબામાં મૂક્યા છે. તેમ જ વર્લ્ડ રેકોર્ડ પણ બનાવ્યો છે. લક્ષ્મીનું નામ ‘યુનિકો બુક ઓફ વર્લ્ડ રેકોર્ડ્સ’માં રજીસ્ટર થયુ છે.

લક્ષ્મી સાઈ શ્રીએ કહ્યું કે, હુ જમવાનુ બનાવતા મારી મમ્મી પાસેથી શીખી છું. શીખ્યા બાદ મને રસોઈ કરવાની મજા આવતી હતી. હુ ખુશ છુ કે આજે મે આ રેકોર્ડ બનાવ્યો છે.

ન્યૂઝ એજન્સી એએનઆઈએ લક્ષ્મીએ બનાવેલી વાનગીઓનો ફોટો શૅર કર્યો હતો જે સોશ્યલ મીડિયામાં ખૂબ જ વાયરલ થયો હતો. લક્ષ્મીની મમ્મી એન કલીમગલે કહ્યું કે, તેમની દિકરી લોકડાઉનથી જ જમવાનું બનાવવાનું શરૂ કરી દીધુ હતું. હુ તામિલનાડુમાં વિવિધ પારંપારિક વ્યંજનો બનાવુ છું. મારા પતિએ લક્ષ્મીને રસોઈ કરતા જોયો તો સલાહ આપી કે તેણે કુકિંગમાં વર્લ્ડ રેકોર્ડ બનાવવાનો પ્રયત્ન કરવો જોઈએ.

લક્ષ્મીના પિતાએ કુકિંગમાં વર્લ્ડ રેકોર્ડ પર રિસર્ચ કરવાનું શરૂ કર્યુ અને તેમને ખબર પડી કે કેરળની 10 વર્ષિક છોકરીએ 30 વાનગીઓ બનાવી હતી. આથી આ રેકોર્ડ લક્ષ્મી તોડી શકશે એવો તેમને વિશ્વાસ હતો.