વાંચો 3 વાગ્યા સુધીના મહત્વના સમાચાર

ભારતની વિદેશ મંત્રી સુષ્મા સ્વરાજે નામ તો નથી લીધું પરંતુ પાકિસ્તાનને દુનિયાબારમાં અલગ કરવાની વાત કહી. સુષ્માએ કહ્યું કે જે પણ દેશના આતંકવાદીઓને પનાહ આપે છે અને એમને દુનિયાની સામે લાવવાનું રહેશે, જેથી એ દેશમાં હાજર આતંકવાદીને મળી રહેલી શરણને રોક લાગે. સુષ્મા સ્વરાજ અબુ ધાબીમાં આયોજિત ઈસ્લામિક સહયોગ સંગઠન(OIC)ના કાર્યક્રમને સંબોધિત કરી રહી હતી. 

ભારતીય વિંગ કમાંડર અભિનંદન આજે પરત ફરી રહ્યા છે. આખો દેશ તેમની આતુરતાપૂર્વક રાહ જોઈ રહ્યો છે. વિંગ કમાન્ડર અભિનંદન વર્ધમાન આજે વાઘા બૉર્ડરથી પાછા આવશે. વાઘા બૉર્ડર પર મોટી સંખ્યામાં લોકો પહોંચી રહ્યા છે.

ભારત અને પાકિસ્તાન વચ્ચે તંગદિલીના માહોલમાં પાકિસ્તાને બન્ને દેશો વચ્ચે દોડતી ટ્રેન સમઝૌતા એક્સપ્રેસ અચાનક રદ કરતાં ૨૭ પ્રવાસીઓ અટારી બૉર્ડર પર રઝળી પડ્યા છે. ૧૪ ફેબ્રુઆરીએ પુલવામાના ટૅરર અટૅક અને ૨૬ ફેબ્રુઆરીએ બાલાકોટ ઍર- સ્ટ્રાઇક પછી ભારત અને પાકિસ્તાન વચ્ચે તંગદિલીના માહોલમાં પાકિસ્તાને બન્ને દેશો વચ્ચે દોડતી ટ્રેન સમઝૌતા એક્સપ્રેસ અચાનક રદ કરતાં ૨૭ પ્રવાસીઓ અટારી બૉર્ડર પર રઝળી પડ્યા છે. સમઝૌતા એક્સપ્રેસ ટ્રેન ગઈ કાલે અટારી પહોંચવાની હતી, પરંતુ એ ટ્રેન લાહોર પહોંચી નહોતી.

ભારત-પાકિસ્તાન વચ્ચે વધી રહેલા તણાવ દરમિયાન પંજાબ કેબિનેટ મંત્રી નવજોતસિંહ સિદ્ધૂએ ફરી એકવાર પોતાના નિવેદનથી વિવાદ ઊભો કરી દીધો છે. મોકો મળતા જ સિદ્ધુએ એકવાર ફરી પોતાના દિલદાર યાર ઇમરાન ખાનની પ્રશંસા શરૂ કરી દીધી. પાકિસ્તાની વડાપ્રધાન ઇમરાન ખાન દ્વારા ભારતીય વાયુસેનાના વિંગ કમાન્ડર અભિનંદનને છોડવાની જાહેરાત કર્યા પછી સિદ્ધુએ પહેલા તેમના (ઇમરાનના) વખાણમાં ટ્વિટ કરી. ત્યારબાદ તેમણે બે પેજની શાંતિ અપીલ જાહેર કરી પરંતુ તેમાં પાકિસ્તાન પ્રાયોજિત આતંકવાદની ચર્ચા સુદ્ધામં ન કરી. બીજી બાજુ કોંગ્રેસે સિદ્ધુના નિવેદનમાંથી હાથ ખંખેરી નાખ્યા છે.

વીડિયોકોનને લોન આપવાના કેસમાં ચંદા કોચરની મુશ્કેલીઓ વધતી જણાઈ રહી છે. મની લોન્ડ્રિંગના કેસમાં તપાસ કરી રહેલા એન્ફોર્સમેન્ટ ડાયરેક્ટોરેટે ચંદા કોચર અને વેણુગોપાલ ધૂતના ઠેકાણાઓ પર દરોજા પાડવામાં આવ્યા છે. મુંબઈમાં આવેલા તેમના પાંચ ઑફિસ અને ઘર સહિતના સ્થળોઆ ઈડી સર્ચ ઑપરેશન કરી રહ્યું છે.

આજથી રેશનિંગ દુકાનદારોની બોરીદીઠ કમિશન વધારા સહિતની માગણી સાથે અચોક્કસ મુદતની હડતાળ શરૂ થઈ ગઈ છે. 17 હજારથી વધુ દુકાનદારો હડતાળમાં જોડાય તેવી શક્યતા છે. તસવીર સૌજન્ય - દીર્ઘ મીડિયા ન્યૂઝ એજન્સી

સુરેન્દ્રનગરના બલદાણા ગામની સીમમાંથી શંકાસ્પદ હાલતમાં કુવામાંથી 3 લોકોના મૃતદેહ મળ્યા. મજૂરી અર્થે આવેલા દંપતી અને પુત્રના મૃતદેહ હોવાની આશંકા જણાઈ રહી છે. ત્રણેય મૃતદેહને પીએમ અર્થે રાજકોટ હોસ્પિટલ ખસેડવામાં આવ્યા છે. તસવીર સૌજન્ય - દીર્ઘ મીડિયા ન્યૂઝ એજન્સી

નવા વર્ષના ત્રીજા મહિનાના પહેલા દિવસે બૉક્સ ઑફિસ પર તકરાર શરૂ થઈ ગઈ છે. આજે શુક્રવારે લુકા છુપી અને સોનચિડિયા રિલીઝ થઈ ગઈ છે. લુકા છુપીમાં કાર્તિક આર્યન, ક્રિતી સેનન અને અપારશક્તિ ખુરાના છે. ત્યારે અભિષેક ચૌબેના નિર્દેશનમાં બનેલી સોનચિડિયામાં સુશાંત સિહ રાજપુત અને ભૂમિ પેડણેકર છે. 

કરીના કપૂર ખાનના એક શોમાં રણવીર સિંહે સવાલ પૂછ્યો હતો કે કઈ રીતે ટૉપનો પતિ બની શકાય? રણવીરે એક વિડિયો દ્વારા કરીનાને પૂછ્યું કે તેના શોમાં તેને કેમ બોલાવ્યો નહીં. આટલું જ નહીં, રણવીરે કરીનાને જણાવ્યું કે તેના નવા લગ્ન થયા છે તો ખાસ ટિપ્સ તેને જોઈએ છે. તેણે પૂછ્યું કે શું તું જણાવી શકે છે કે ટૉપનો પતિ કેવી રીતે બની શકાય? જેનો ઇન્ટરેસ્ટિંગ જવાબ આપતાં કરીનાએ કહ્યું હતું કે ‘રણવીરને આવી કોઈ ટિપ્સની જરૂર નથી, કેમ કે બધા જ જાણે છે કે તે દીપિકા પાદુકોણને કેટલો પ્રેમ કરે છે. લોકો પણ આ કપલની કેમિસ્ટ્રીને ખૂબ પસંદ કરે છે. તેમને સાથે જોઈને તો લોકો પણ ખુશ થાય છે.’

ભારત વતી ક્રિકેટની ત્રણેય ફૉર્મેટમાં સેન્ચુરી ફટકારવાનો અદ્ભુત રેકૉર્ડ ધરાવનાર લોકેશ રાહુલે ગઈ કાલે કહ્યું હતું કે ‘ખરાબ સમયને કારણે મને નૅશનલ કૅપનું મહત્વ સમજાયું છે. એક ટીવી ચૅટ-શોમાં મહિલાઓ વિશે અપમાનજનક કમેન્ટ્સ કરવા બદલ લોકેશ રાહુલ અને હાર્દિક પંડ્યાને સસ્પેન્ડ કરવામાં આવ્યા હતા. ભારતીય ક્રિકેટ બોર્ડના વહીવટદારોએ તેમનું સસ્પેન્શન ઇન્કવાયરી પૂરી ન થાય ત્યાં સુધી હટાવ્યું છે. રાહુલ ઑસ્ટ્રેલિયામાં રમાયેલી બૉર્ડર-ગાવસકર ટેસ્ટ-સિરીઝમાં ફ્લૉપ રહ્યો હતો. ઇન્ડિયા A સિરીઝમાં સારું પર્ફોર્મ કરીને તેણે ટીમમાં કમબૅક કર્યું છે. તેણે મીડિયાને કહ્યું હતું કે ‘એક પ્લેયર તરીકે, એક પર્સન તરીકે એમાં કોઈ શક નથી કે એ મારો ખરાબ સમય હતો. દરેક જણ આ ફેઝમાંથી પસાર થતા હોય છે અને મને મારી ગેમ સુધારવાનો મોકો મળ્યો એ બદલ હું ખુશ છું. હવે હું વધુ નિખાલસ થયો છું અને ઇન્ડિયા કૅપની સૌથી વધુ કદર કરું છું.