આવતા વર્ષે બધા માટે શરૂ થશે લોકલ ટ્રેન? BMC કમિશનરે આપ્યું આશ્વાસન

બીએમસી કમિશનર ઇકબાલ સિંહ ચહલે મીડિયા સાથે વાત કરતા કહ્યું કે, સાર્વજનિક સુરક્ષા કારણોસર પણ બધા માટે મુંબઇ લોકલ ટ્રેન શરૂ કરવું યોગ્ય નથી. કયાસ લગાડવામાં આવી રહ્યા છે કે, સામાન્ય મુંબઇકરને પણ હજી થોડાં દિવસ વધુ લોકલ સેવાની રાહ જોવી પડી શકે છે.

ગણેશોત્સવ, દશેરા અને દિવાળી જેવા તહેવારોને કારણે, મોટી સંખ્યામાં મુંબઇકર પોતાના ઘરમાંથી બહાર નીકળ્યા હતા, દરમિયાન લૉકડાઉનના નિયમોનું ઉલ્લંઘન કરવામાં આવ્યું. જેથી એકવાર ફરી, મુંબઇમાં કોરોના (Covid 19) પીડિતોની સંખ્યા ફરીથી વધવા લાગી હતી. આ સિવાય વિશ્વના અનેક દેશોમાં કોરોનાની બીજી લહેરને કારણે ફરીથી લૉકડાઉન જાહેર કરવામાં આવ્યું હતું, માટે, મુંબઇ સહિત આખા રાજ્યમાં ફરીથી તાળાબંધી કરવાની ચર્ચા થવા લાગી.

આખરે, મુખ્યમંત્રી ઉદ્ધવ ઠાકરેએ સોશિયલ મીડિયાના માધ્યમે લોકોને ઘરમાંથી બહાર ન નીકળવાની અપીલ કરી. તેમણે એ પણ સ્પષ્ટ કર્યું કે, લૉકડાઉન ફરીથી નહીં લાગૂ પાડવામાં આવે. સાથે જ બધી જ લેવડદેવડ ચાલુ રહેશે.

પ્રશાસન તરફથી શિયાળાના મહિનાઓ દરમિયાન કોરોના વાયરસના પ્રસારમાં વૃદ્ધિની શક્યતા પહેલા જ દર્શાવવામાં આવી હતી, જેમાં સામાન્ય લોકોને પહેલાથી જ સાવચેત રહેવા માટે કહેવામાં આવ્યું હતું.

હાલ મુંબઇમાં કોરોના વાયરસ પર અંકુશ મૂકવામાં આવ્યું છે, આ માટે અનુમાન છે કે સામાન્ય જનતાને 15 ડિસેમ્બરથી ટ્રેનથી પ્રવાસ કરવાની પરવાનગી આપવામાં આવશે.

આ સિવાય, ઇંધણની વધતી કિંમતને કારણે, રોડ ટ્રાવેલ સામાન્ય લોકો માટે મોંઘું સાબિત થઈ રહ્યું છે. બીએમસી અને અન્ય સરકારી એજન્સીઓ દ્વારા કરોડો રૂપિયા ખર્ચ કર્યા પછી પણ રસ્તા પર ખાડાં તો છે જ. આ બધું સામાન્ય લોકોને ભોગવવું પડી રહ્યું છે.

રેલવે પ્રવાસી એકતા મહાસંઘના અધ્યક્ષ નંદકુમાર દેશમુખે ફરીથી ચેતવણી આપતા કહ્યું છે કે, છેલ્લા 9 મહિનાથી બંધ રહેલી લોકલ ટ્રેનને સામાન્ય જનતાના આક્રોશિત થતા પહેલા શરૂ કરી દેવી જોઇએ.