વાંચો આજના 3 વાગ્યા સુધીના મહત્વના સમાચાર, જે જાણવા જરૂરી

 નવ રાજ્યોની 71 લોકસભા બેઠકો પર ચોથા ચરણનું મતદાન સોમવારે થઈ રહ્યું છે. જેમાં મહારાષ્ટ્રની 17, ઓરિસ્સાની 6, ઝારખંડની 3, મધ્યપ્રદેશન 6, પશ્ચિમ બંગાળની 8, ઉત્તર પ્રદેશની 13, બિહારની 5, રાજસ્થાનની 13 અને અનંતનાગ લોકસભાના એક ભાગનો સમાવેશ થાય છે. આ ચરણમાં અનેક દિગ્ગજોના ભવિષ્યનો નિર્ણય થશે. મુંબઈમાં અમિતાભ સહિતના બધા જ સ્ટાર્સે મત આપ્યો હતો.

બોલીવૂડ સ્ટાર અને ભાજપના સની દેઓલે હરિયાણાથી ગુરદાસપૂરથી ઉમેદવારી પત્ર ભર્યું હતું. સની દેઓલે સોમવારે ગુરુદ્વારામાં દર્શન ક્યા પછી રેલીનું આયોજન કરી ઉમેદવારી પત્ર ભર્યું હતું ત્યારબાદ ગુરદાસપુરના તિબ્બડીમાં જનસભાને સંબોધી હતી.

દિલ્હી હાઈ કોર્ટે સોમવારે થયેલી સુનાવણી દરમિયાન અરજીને ફગાવી દીધી છે, જેમાં સુપ્રીમ કોર્ટના મુખ્ય ન્યાયાધીશ રંજન ગોગોઈ વિરૂદ્ધ યૌન ઉત્પીડનના આરોપોને મીડિયામાં પ્રકાશિત કરવા પર રોક લગાવવાની માંગ કરી હતી. એક એનજીઓએ અરજીમાં ચીફ જસ્ટિસ ઑફ ઈન્ડિયાના રંજન ગોગોઈ વિરૂદ્ધ યૌન ઉત્પીડનના આરોપોને છાપવા અથવા પ્રસારિત કરવાથી મીડિયા પર રોક લગાવવાની માંગ કરી હતી, જ્યાર સુધી ત્રણ ન્યાયિક તપાસ સમિતિ કોઈ પરિણામ સુધી પહોંચી જતી નથી.

 ચક્રવાતી તોફાન ફનીને લઈને ફરી હવામાન વિભાગે ચેતવણી જાહેર કરી છે. હવામાન વિભાગ અનુસાર આગામી 6 કલાકમાં ફની વિકરાળ સ્વરુપ ધારણ કરી શકે છે. માનવામાં આવી રહ્યું છે કે 1 મે સાંજ સુધી ઉત્તર-પશ્ચિમ તરફથી વધશે અને ત્યારબાદ ઉત્તર અને ઉત્તર પશ્ચિમ તરફ આગળ વધશે. એક તરફ દક્ષિણમાં વરસાદી માહોલ છે ત્યારે દિલ્હી સહિતના ઉત્તર ભારતના રાજ્યોમાં ધૂળવાળુ વાતાવરણ સર્જાયું છે. જેને કારણે આ રાજ્યોમાં ગરમી વધવાની સંભાવના છે.

પંજાબ નેશનલ બેન્કના કૌભાંડી નીરવ મોદીની ગુજરાતમાંની સંપત્તિઓ ટાંચમાં લેવામાં આવશે. સુરતની ચીફ કોર્ટમાં આજે આ કાર્યવાહી કરવામાં આવે તેવી શક્યતા છે. પંજાબ નેશનલ બેન્ક કૌભાંડના મુખ્ય આરોપી નિરવ મોદી સામે એન્ફોર્સમેન્ટ ડિરેક્ટોરેટ લાંબા સમયથી કાર્યવાહી કરી રહ્યું છે. અત્યાર સુધઈ ઈડી નિરવ મોદીની આશરે 657 કરોડની સંપત્તિ જપ્ત કરી રહ્યું છે. જેમાં જ્વેલરી, બેન્ક અકાઉન્ટ સહિતની સંપત્તિ સામેલ છે

શહેરમાં ૪૩ ડિગ્રી સાથે ઑરેન્જ અલર્ટ જાહેર કરવામાં આવ્યું છે. કાળઝાળ ગરમીને લઈને લોકો ત્રસ્ત બન્યા છે. ગઈ કાલે મોટા ભાગનાં શહેરોનું તાપમાન ૪૨થી ૪૪ ડિગ્રી આસપાસ પહોંચી ગયું છે. લોકો ગરમીથી બચવા માટે ઠંડાં પીણાંનો સહારો લઈ રહ્યાં છે. આ સાથે જ બપોરના સમયે રસ્તાઓ સૂમસાન ભાસી રહ્યા છે. રાજકોટમાં આગામી દિવસોમાં પણ ગરમીનું તાપમાન વધે એવી શક્યતા છે જેથી ૧૨થી ૪ વાગ્યા દરમ્યાન ઘરની બહાર ન નીકળવાનું તંત્રે સૂચન કર્યું છે.

માર્વેલની સુપર ફિલ્મ એવેન્જર્સ એન્ડગેમને વિશ્વભરના લોકો દ્વારા ખુબ પસંદ કરવામાં આવી રહી છે અને આમાં ભારત પણ બાકાત નથી. માર્વેલની એવેન્જર્સ એન્ડગેમે ભારતમાં માત્ર 3 દિવસમાં 157 કરોડની કમાણી કરી લીધી છે. એન્ડગેમ ભારતમાં અત્યારસુધીની સૌથી મોટી ઓપનિંગ કમાણી કરનારી ફિલ્મ બની ગઈ છે.

રેસલિંગ ફેડરેશન ઓફ ઈન્ડિયા દ્વારા રેસલિંગમાં તેમના પરફોર્મન્સ માટે ભીમ સિંહ, જય પ્રકાશને ધ્યાનચંદ એવોર્ડ માટે ભલામણ કરવામાં આવી હતી જ્યારે વિનેશ ફોગાટ અને બજરંગ પૂનિયાને રાજીવ ખેલ રત્ન માટે ભલામણ કરાઈ હતી. આ સિવાય રેલસિંગ ફેડરેશને અર્જુન એવોર્ડ અને દ્રોણાચાર્ય એવોર્ડ માટે પણ ખેલાડીઓની ભલામણ કરી હતી.

ipl 2019માં આજે સનરાઈઝર્સ હૈદરાબાદ અને કિંગ્સ ઈવેલન પંજાબ વચ્ચે મુકાબલો થશે. હૈદરાબાદ અને પંજાબ બન્ને 10-10 પોઈન્ટ પર છે. બન્ને ટીમોને અહીથી 3-3 મેચ રમવાની છે અને સુપર 4માં સ્થાન મેળવવા બધી જ મેચો જીતવી ફરજીયાત છે.